Fréttablaðið - 10.12.2004, Blaðsíða 4

4 10. desember 2004 FÖSTUDAGUR
Hæstiréttur staðfestir fangelsisdóm:
Þrír í tveggja ára fangelsi
DÓMSMÁL Hæstiréttur staðfesti
tveggja ára fangelsisdóm Héraðs-
dóms Reykjavíkur yfir þremur
mönnum sem kveiktu í íbúðarhúsi
í Laugardal í júlí á síðasta ári.
Húsráðendur, maður og kona,
voru inni í íbúðinni þegar kveikt
var í.
Mennirnir þrír voru sakfelldir
fyrir brennu með því að hafa
sparkað upp útidyrahurð og hellt
tíu lítrum af bensíni í anddyri
hússins og á tröppur og veggi
utandyra sem þeir kveiktu síðan í.
Taldi dómurinn að mennirnir
hefðu hlotið að sjá að bersýni-
legur lífsháski og almannahætta
væri af verknaðinum.
Sakborningarnir þrír segjast
hafa átt sökótt við húsráðanda
vegna þess að hann hafi skuldað
þeim haglabyssu. Sérstaklega
hafi hann átt í útistöðum við einn
þeirra og skotið á hann. Morgun-
inn sem íkveikjan var gerð höfðu
þremenningarnir verið við áfeng-
is- og fíkniefnaneyslu á heimili
eins þeirra, að sögn sakborning-
anna. Þá hafi húsráðandi komið til
tals og þeir ákveðið að kveikja í
utan við hús hans.
- hrs
Miltisbrandssýktu
hrossin brennd
Búið er að brenna hrossin sem sýktust af miltisbrandi á Reykjanesi. Sýni úr tjörn eru til
rannsóknar en litlar líkur á því að upptök sýkingarinnar finnist. Dýralæknir segir mikilvægt
að menn vakni til vitundar um þá hættu sem leynist undir yfirborðinu.
MILTISBRANDUR Hræ fjögurra
hrossa sem greindust með miltis-
brand við eyðibýlið Sjónarhól á
Vatnsleysuströnd voru brennd í
gær.
Tíu manns hafa fengið læknis-
meðferð vegna hugsanlegrar
miltisbrandssýkingar. Guðrún
Sigmundsdóttir, yfirlæknir á sótt-
varnarsviði Landlæknis, segir
fólkið ekki vera veikt en það fái
sýklalyf í skamman tíma sem
fyrirbyggjandi meðferð.
Guðrún segist ekki gera ráð
fyrir fleiri svona tilfellum í dýr-
um en fólk eigi samt að vera með-
vitað um einkennin. Hún segir
mjög litlar líkur á því að sýkingin
berist í fólk en ef það komi niður
á dýraleifar í jarðvegi beri því að
hafa samband við dýralækni.
Athygli vakti að grafa sem var
notuð til að urða eitt hrossanna
hafði verið flutt austur í Þing-
vallasveit án athugasemda
heilbrigðisyfirvalda. Magnús
Guðjónsson, framkvæmdastjóri
Heilbrigðiseftirlits Suðurnesja,
segir að ekki hafi verið vitað að
hrossið væri sýkt af miltisbrandi
þegar grafan var flutt austur. Auk
þess séu engin líkindi á því að
grafan flytji smit þar sem dýr
verði að komast í snertingu
við sýkt dýr eða jarðveg til að
veikjast.
Svæðið í kringum Sjónarhól er
ennþá afgirt og umferð um það
verður áfram takmörkuð. Búið er
að taka sýni úr tjörn sem verður
rannsakað en Magnús segir litlar
líkur á því að finna upptök sýking-
arinnar nema að menn rambi á
hræ, hugsanlega í fjörukambin-
um. Yfirleitt kemur sýkingin upp
við jarðvegsrof.
Sigurður Sigurðarson dýra-
læknir auglýsti nýlega eftir upp-
lýsingum frá almenningi um hvar
miltisbrandssýkt dýr væru graf-
in. „Það er mikilvægt að menn
vakni til vitundar um þessa hættu
sem leynist undir yfirborðinu,“
segir Sigurður. Hann biður þá
sem vita um slíka staði að láta sig
vita. Á milli þrjátíu og fjörutíu
manns hafa hringt í hann með
upplýsingar. Meðal annars hefur
komið í ljós að sýkt kýr var grafin
þar sem Hlemmur er nú og honum
hefur verið greint frá nokkrum
stöðum á Seltjarnarnesi og í
Hafnarfirði. Sigurður biður menn
um að vera á varðbergi gagnvart
þessu, sérstaklega verktakar sem
grafa fyrir húsum.
ghg@frettabladid.is
Ertu sátt(ur) við útkomu íslenskra
barna í alþjóðlegu skólakönnun-
inni (Pisa)?
Spurning dagsins í dag:
Er nauðsynlegt að bæta samgöngur til
Vestmannaeyja?
Niðurstöður gærdagsins
á visir.is
55%
45%
Nei
Já
KJÖRKASSINN
Farðu inn á fréttahluta visir.is
og segðu þína skoðun
LAGFÆRINGAR Á MÝRINNI
Bygging íþróttahússins Mýrinnar í Garða-
bæ hófst í mars 2003 og kostaði rúmar
600 milljónir króna.
Mýrin í Garðabæ:
Mistök við
byggingu
NÝBYGGING Verið er að skipta um
klæðningu á íþróttahúsinu Mýr-
inni í Garðabæ. Húsið var tekið
í notkun í byrjun september-
mánaðar.
Eiríkur Bjarnason bæjar-
verkfræðingur segir að í ljós
hafi komið við eftirlit um mitt
sumar að klæðningin uppfyllti
ekki kröfur sem birtust í útboðs-
gögnum. Íslenskir Aðalverktak-
ar, sem byggðu húsið, hafi
ákveðið að ljúka byggingu þess
og skipta plötununum út síðar í
samstarfi við birgjann sinn,
Byko, sem ekki hafi afhent rétt
efni. Bærinn beri ekki skaða af
mistökunum.
- gag
KERRY TIL ÍRAKS John Kerry,
fyrrverandi forsetaframbjóð-
andi demókrata, fer til Íraks í
byrjun næsta árs. Kerry mun
meðal annars heilsa upp á
bandaríska hermenn og ferðast
til annarra landa í Mið-Austur-
löndum. Kerry gagnrýndi
George W. Bush forseta mjög
harðlega fyrir stríðsreksturinn
í Írak í aðdraganda forseta-
kosninganna.
VIÐ SJÓNARHÓL Á VATNSLEYSUSTRÖND
Slökkvilið Suðurnesja brenndi hræin í gær. Fyrst var olíu sprautað á eldköstinn sem slökkviliðsmaður bar síðan eld að.
FR
ÉT
TA
B
LA
Ð
IÐ
/V
AL
LI
HÚSIÐ SEM KVEIKT VAR Í
Þrír menn kveiktu í heimili manns sem
þeir segja hafa skuldað þeim haglabyssu.
FR
ÉT
TA
B
LA
Ð
IÐ
/V
IL
H
EL
M
■ BANDARÍKIN
FR
ÉT
TA
B
LA
Ð
IÐ
/H
AR
I
04-05 9.12.2004 21:03 Page 2