Fréttablaðið - 10.12.2004, Qupperneq 6

6 10. desember 2004 FÖSTUDAGUR
Jakob F. Magnússon varaþingmaður:
Úr Stuðmanna-
mynd á Alþingi
STJÓRNMÁL Jakob Frímann Magnús-
son, tónlistar- og kvikmyndagerðar-
maður, lagðist til svefns undir
morgun á fimmtudagsmorgni. Á
dauða sínum átti hann von en ekki
því að eftir sex tíma svefn myndi
hann undirrita hátíðlegt drengskap-
arheit um að virða stjórnarskrá lýð-
veldisins sem alþingismaður.
„Þetta kom mjög óvænt upp á og
með engum fyrirvara“ segir Jakob,
„mér sýnist í fljótu bragði að þetta
sé þægileg innivinna“. Jakob var í
sjöunda sæti á lista Samfylkingar-
innar í Reykjavík-suður en þegar
þingmaður forfallaðist áttu þeir
tveir sem sátu í sætunum fyrir ofan
hann ekki heimangengt.
Jakob segir móttökurnar hafa
verið einstaklega hlýlegar. „Ég hef
ekki verið kysstur jafn mikið og
tekið jafn þétt i höndina frá því á
ættarmóti Reykjahlíðarættarinnar
´89.“
Aðspurður hvort hann myndi
klikkja út i jómfrúarræðunni með
því að leggja til við hæstvirtan for-
seta að þingheimur færi á Stuð-
mannamyndina, sem frumsýnd
verður um jólin, kvað hann nei við.
„Ætli ég gæti mín ekki á því að
stuða engan alvarlega svona rétt
fyrir hátíðirnar. Læt það bíða betri
tíma þegar ég kem til lengri
dvalar.“ - ás
Laumuskattar vega
upp skattalækkanir
Samfylkingin segir gjaldahækkanir upp á átta milljarða vega upp tekju-
og eignaskattslækkanir ríkisstjórnarinnar. „Eðlilegar krónutöluhækkan-
ir,“ segir formaður efnahags- og viðskiptanefndar.
STJÓRNMÁL Pétur H. Blöndal, for-
maður efnahags- og viðskipta-
nefndar, sagði að það yrði mikill
hamingjudagur þegar tekju- og
eignaskattsfrumvarp ríkisstjórn-
arinnar yrði samþykkt á Alþingi,
þegar hann mælti fyrir nefndar-
áliti ríkisstjórnarflokkanna í gær.
„Þetta er mikill hamingjudagur
því verið er að móta þjóðfélagið
til framtíðar. Fólki er umbunað
fyrir dugnað og um leið er frum-
varpið félagslega réttlátt.“
Össur Skarphéðinsson, for-
maður Samfylkingarinnar, sagði
skattalækkanirnar hreinar sjón-
hverfingar og enga tilviljun að
þær kæmu að mestu til fram-
kvæmda rétt fyrir næstu kosning-
ar. Nefndi Össur sextán skatta-
hækkanir sem ríkisstjórnin hefði
lagt fram að undanförnu. „Það á
að fjármagna skattalækkanirnar
með felusköttum. Í lok ársins 2005
mun ríkið hafa innheimt meira í
formi hækkaðra skatta sem verið
er að samþykkja þessa dagana en
felast í tekjuskattslækkunum
stjórnarinnar.“
Pétur H. Blöndal sagði að eina
skattahækkunin sem samþykkt
hefði verið hefði verið umsýslu-
gjald fasteigna, 150 krónur á mán-
uði fyrir til dæmis tuttugu millj-
óna eign. „Eðlileg krónutöluhækk-
un til samræmis við verðbóglu er
ekki skattahækkun.“
Einar Már Sigurðarson mælti
fyrir áliti fyrsta minnihlutans,
Samfylkingarinnar: „Meginniður-
staðan er sú að þeir sem hafa
mikið fyrir fá meira.“ Einar Már
sagði að persónuafsláttur hefði
ekki hækkað í takt við verðbólgu
frá því að Sjálfstæðisflokkur
og Framsóknarflokkur mynduðu
stjórn 1995. „Miðað við launavísi-
tölu vantar 40 milljarða, en 15
milljarða miðað við neysluvísi-
tölu.“
Pétur H. Blöndal sagði að taka
yrði með í reikninginn að per-
sónuafsláttur hefði lækkað í takt
við tekjuskattslækkun til að halda
verðgildi frítekjumarksins. Ef
tekið væri tillit til þess að iðgjöld
til lífeyrissjóða væru orðin skatt-
frjáls hefði þróunin verið
„nokkurn veginn“ í takt við verð-
lag. a.snaevarr@frettabladid.is
TVEIR HANDTEKNIR Spænska
lögreglan hefur handtekið Sýr-
lending og Egypta í tengslum
við rannsóknina á hryðju-
verkaárásunum í Madríd 11.
mars. Annar mannanna er
sagður hafa verið í tengslum
við fimm af sjö tilræðismönn-
um og hinn er sagður hafa
komið að undirbúningnum.
LÍTIL TRÚ Á ÁRANGUR Þrír af
hverjum fimm Spánverjum
telja að þingnefnd sem rann-
sakar hryðjuverkaárásirnar í
Madríd komist aldrei að því
hvað gerðist í raun og veru.
Þetta kemur fram í nýrri skoð-
anakönnun, samkvæmt henni
vilja þó átta af hverjum tíu að
rannsókninni verði haldið
áfram.
Rauði krossinn:
Konukot
opnað
FÉLAGSMÁL Haldið er upp á 80 ára
afmæli Rauða kross Íslands í dag.
Í tilefni dagsins verður m.a. opnað
formlega svonefnt Konukot, en
það er næturathvarf fyrir heimil-
islausar konur.
Á vef Rauða krossins kemur
fram að mikil vöntun hafi verið á
athvarfi fyrir heimilislausar
konur. Konukot verður rekið af
Reykjavíkurdeild Rauða krossins,
en Félagsþjónustan í Reykjavík
lagði til rekstursins húsnæði að
Eskihlíð 4. Athvarfið verður opið
alla daga frá níu á kvöldin til
klukkan tíu að morgni. Þar er
þvotta- og hreinlætisaðstaða fyrir
næturgesti og boðið upp á létta
máltíð. - óká
■ EVRÓPA
■ EVRÓPA
VEISTU SVARIÐ?
1Hvað heitir eyðibýlið þar sem þrjúhross drápust úr miltisbrandi?
2Hvaða ár var kvótakerfið tekið upp áÍslandi?
3Hvern hefur fótboltaliðið South-ampton ráðið sem framkvæmdastjóra?
Svörin eru á bls. 66
Ný bók um Benedikt búálf og
vini hans í Álfheimum.
„Þetta er ægilega spennandi bók,
og ein af bestu bókunum sem ég
hef lesið um Benedikt búálf.“
Oddur Blöndal, 6 ára, Mbl.
„Hröð og viðburðarík atburðarás
og mikill fjöldi furðudýra,
fyrirbæra og töfragripa ... Það er
aldrei dauður punktur í þessari
bók.“
Ragna Sigurðardóttir, Mbl.
Lax- og silungsveiði:
Sýknaður
af veiðibroti
DÓMSMÁL Maður hefur verið
sýknaður í Héraðsdómi Norður-
lands eystra af ákæru um brot á
lax- og silungsveiði. Hann var
ákærður fyrir að hafa lagt net í
Ólafsfjarðarvatn um tuttugu
metra frá ósi Fjarðarár.
Fyrir dómi neitaði maðurinn
því að netið hefði verið lagt fyr-
ir ós árinnar og kvað það hafa
verið mun lengra frá ósnum en
lögreglumennirnir og veiðivörð-
urinn. Dómurinn sýknaði mann-
inn þar sem rannsókn lögreglu
hefði verið ábótavant, til dæmis
hefði ekki verið til mynd af net-
inu í vatninu.
- hrs
Laugavegur:
Skartgripum
stolið í innbroti
LÖGREGLA Brotist var inn í skart-
gripaverslun á Laugavegi á
fimmta tímanum í fyrrinótt. Ekki
er talið að miklu hafi verið stolið
en það liggur ekki ljóst fyrir.
Innbrotsþjófurinn eða þjóf-
arnir brutu rúðu til að komast inn
í verslunina. Viðvörunarkerfið fór
í gang en þjófarnir eða þjófurinn
höfðu hraðar hendur og voru á
bak og burt þegar lögregla og
öryggisverðir komu á staðinn.
Málið er í rannsókn lögreglunnar í
Reykjavík. - hrs
Datt í hálku:
Á batavegi
LÖGREGLA Ung kona sem datt í
hálku við bæ í Hrunamanna-
hreppi í fyrrakvöld, og var flutt
meðvitundarlaus með þyrlu
Landhelgisgæslunnar á slysa-
deild í Fossvogi, er á batavegi.
Konan komst til meðvitundar
á spítalanum. Hún útskrifaðist
af gjörgæslu á almenna deild í
gær, að sögn vakthafandi læknis
á gjörgæslu. Sjúkrabíll flutti
konuna nokkurra kílómetra leið
í þyrluna, sem varð að lenda á
næsta bæ vegna éljagangs.
- hrs
Fjögurra manna fjölskylda:
Matur og drykkur í heilt ár
SKATTBREYTINGARNAR Hjón með tvö
börn undir sjö ára aldri og eina
milljón króna í tekjur á mánuði geta
grætt 717 þúsund krónur á skatt-
breytingum ríkisstjórnarinnar þeg-
ar þær eru komnar að fullu til fram-
kvæmda árið 2007 miðað við stöð-
una í dag. Hjónin greiða rúmlega
677 þúsund krónum minna í stað-
greiðslu og fá tæplega 40 þúsund
krónum meira í barnabætur. Hvorki
er tekið tillit til breytinga á eigna-
skatti né skerðingar á vaxtabótum.
Ávinningurinn af skattbreyting-
unum virðist vera umtalsverður.
Þannig nemur upphæðin því sem
fjögurra manna fjölskylda eyddi í
mat og drykkjarvörur á ári á tíma-
bilinu 2000-2002 og tæplega það en
samkvæmt tölum frá Hagstofunni
nam þessi neysla 773 þúsund krón-
um á ári hjá fjögurra til fimm
manna fjölskyldu.
Fyrir mismuninn getur fjöl-
skyldan síðan notað tóbak í eitt ár,
eða sem nemur tæpum 46 þúsund
krónum, og á þá samt eftir 10 þús-
und krónur aukalega til að skreppa í
bíó.
Verðbreytingar sem kunna að
hafa orðið frá 2000-2002 eru ekki
teknar með í reikninginn. - ghs
58 LÉTUST Mikill umferðarþungi
tók sinn toll á Spáni um síðustu
helgi. Þá létust 58 manns í 47 um-
ferðarslysum á einni mestu
ferðahelgi ársins. Þetta eru þó
nítján færri en á sama tíma fyrir
ári. Þessu til viðbótar slösuðust
40 manns alvarlega.
FANGAR BÖRÐUST Þrír fangar
létust og tveir særðust alvarlega
í bardaga sem braust út á milli
meðlima tveggja glæpaklíka í
venesúelsku fangelsi. Fangarnir
komust yfir hnífa og skotvopn og
notuðu þau hvorir á aðra.
SKATTBREYTINGAR RÍKIS-
STJÓRNARINNAR
- ávinningur fjögurra manna fjölskyldu
miðað við eina milljón í mánaðartekjur
Staðgreiðsla nú: 4.114.313
Árið 2007: 3.437.256
Barnabætur skv. gildandi kerfi: 72.616
Árið 2007: 112.192
Grafið sýnir muninn á staðgreiðslu og barna-
bótum fjögurra manna fjölskyldu þar sem
bæði börnin eru undir sjö ára aldri.
FJÖGURRA MANNA FJÖLSKYLDA
Eyðir nánast sömu upphæð í mat og drykk í heilt ár og hún græðir á skattbreytingum rík-
isstjórnarinnar 2007 samkvæmt einföldum útreikningum.
ÁTÖK Á ÞINGI
Pétur Blöndal og Össur Skarphéðinsson tókust á um skattbreytingar.
■ SUÐUR-AMERÍKA
JAKOB FRÍMANN MAGNÚSSON
Jakob Frímann segist ekki hafa verið kysst-
ur jafn mikið og á ættarmóti Reykjahlíðar-
ættarinnar 1989.
06-07 9.12.2004 19:56 Page 2