Fréttablaðið - 10.12.2004, Side 72

Rapprokksveitin Quarashi skrif-
aði í gær undir nýjan samning við
útgáfurisann Sony í Japan vegna
útgáfu á nýjustu plötu sveitarinn-
ar, Guerilla Disco. Platan kemur
út í byrjun næsta árs og í kjölfarið
mun Quarashi fara í tónleikaferð
til Asíu. Sveitin hefur átt góðu
gengi að fagna í Japan síðan plat-
an Jinx kom þar út fyrir tveimur
árum.
„Platan kemur út 23. febrúar í
Japan með örlítið breyttu sniði en
hér heima. Það verða líklega ein-
hver aukalög og svo breytum við
líklega umslaginu,“ segir Sölvi
Blöndal, trommuleikari og laga-
smiður Quarashi. „Við ákváðum
að fara aðra leið nú en seinast
þegar við gáfum út Jinx. Þá gerð-
um við útgáfusamning við eitt
fyrirtæki fyrir allan heiminn en
nú gerum við útgáfusamninga við
hvert svæði fyrir sig. Í Japan
verður það sem sagt Sony sem
gefur hana út. Þannig getum við
betur fylgst með því hvernig plöt-
unni vegnar og hvernig hún er
kynnt þar. Með þessu móti fáum
við líka fyrirtæki á hverjum stað
fyrir sig sem hefur áhuga á að
gera sem best fyrir tónlistina.“
Fleiri lönd í sjónmáli
Að sögn Sölva eru þreifingar
einnig hafnar í Bandaríkjunum og
þegar hafa þrjú útgáfufyrirtæki
sýnt Guerilla Disco áhuga. „Það
mun skýrast í byrjun nýs árs hvað
verður. En eins og í Japan viljum
við finna einhvern sem gefur plöt-
una út fyrir Ameríkumarkað og
fylgir henni eftir þar,“ segir Sölvi.
Sony sá alfarið um útgáfu Jinx
fyrir tveimur árum, gaf hana út í
Japan, Bandaríkjunum og Ástral-
íu. Platan kom út samtímis í öllum
löndunum og segir Sölvi að erfitt
hafi verið að fylgja henni eftir í
þremur heimsálfum. „Eftir á að
hyggja er því kannski skynsam-
legra að gefa Guerilla Disco út á
þessum svæðum með smá milli-
bili. Þá mun platan líka taka smá
breytingum eftir heimsálfum
enda skemmtilegra að geta gert
spes útgáfu fyrir hvert markaðs-
svæði fyrir sig,“ segir Sölvi. „Jap-
an er fyrsta skrefið í átt að því að
Skæruliðadiskóið komi út í al-
heimsútgáfu.“
Stærri en Jinx
Sölvi segist nokkuð sáttur við ný-
undirritaðan samning í Japan.
„Þetta er fínn samningur fyrir
þessa einu plötu. Ég myndi giska á
að hann væri ívið stærri en sá
sem við gerðum fyrir Jinx,“ segir
Sölvi en Jinx seldist í 150 þúsund
eintökum í Japan árið 2002. „Þetta
er altént nógu stór samningur til
þess að við getum haldið áfram
þeirri vinnu sem við vorum byrj-
aðir á árið 2002. Við viljum alls
ekki gera síður en þá – hvað þá
fyrirtækið. Við stefnum a.m.k. á
að jafna þann árangur.“
Sölvi gerir sér vonir um að
markmiðunum verði náð ekki síst
í ljósi þess að Guerilla Disco
stefnir í að verði mest selda
Quarashi-platan hér á landi.
„Guerilla Disco fór betur í Japan-
ana en við þorðum að vona. Sony-
útgáfan er mjög ánægð með söl-
una hér á landi enda gefur hún
ákveðin fyrirheit um hvernig
markaðurinn úti bregst við,“ segir
Sölvi.
Stærra sjóv
Quarashi-liðar munu fljótlega eft-
ir útgáfuna fara í tónleikaferðalag
til Japans en tónleikar sveitarinn-
ar hafa verið margrómaðir þar í
landi. „Við förum væntanlega með
hljómsveit og stækkum eitthvað
„læv-sjóvið“,“ segir Sölvi. „Við
höfum verið þrír eða fjórir undan-
farið en ætli við reynum ekki að
pumpa sjóvið upp.“
Quarashi hefur notið tals-
verðra vinsælda í Japan og þakk-
ar Sölvi það ekki síst góðu sam-
starfi við Sony-útgáfuna. „Við
vorum það ánægðir með sam-
starfið að við vildum halda því
áfram. Þeir hafa unnið vel fyrir
okkur og það skiptir máli,“ segir
Sölvi. „Þeim tókst vel til með að
markaðssetja sveitina sem ein-
ingu en ekki bara einstaklingana
eða eitt lag frá sveitinni. Þannig
öðlaðist Quarashi eitt líf enda er
sveitin miklu frægari en einstak-
lingarnir í henni.“
70 mín í Japan?
Eins og áður segir býst trommar-
inn og lagahöfundurinn við að
Guerilla Disco muni taka einhverj-
um breytingum áður en hún kemur
út í Japan. Platan hefur einnig tek-
ið nokkrum breytingum hér á landi
frá því að hún kom fyrst út og var
laginu Crazy Bastard, sem Quaras-
hi vann með strákunum í 70 mínút-
um, meðal annars bætt við. Sölvi
býst þó ekki við að Quarashi muni
láta Crazy Bastard fylgja með
fyrir aðdáendur þeirra í Japan.
„Ég á nú ekki von á því enda er
húmorinn mismunandi milli landa.
Ekki nema Sveppi og Auddi meiki
það óvænt í Tókýó,“ segir Sölvi
hlæjandi en bætir svo við. „En þeir
eru svo sem alveg líklegir til þess,
bannsettir ormarnir.“
kristjan@frettabladid.is
52 10. desember 2004 FÖSTUDAGUR
Fjarstýrðir bensínbílar
verð frá 39.999.
Startpakkinn fylgir öllum bílum.
Úrval varahluta og aukahluta.
Kringlunni 568-8190
Smáralind 522-8322
Skæruliðadiskó í Japan
Quarashi er búin að gera nýjan samning við Sony í Japan. Guerilla Disco kemur þar út í febrúar
og í kjölfarið fer sveitin í tónleikaferðalag. Þreifingar hafnar á útgáfu í öðrum löndum.
Í JAPAN Quarashi er á leið í tónleikaferðalag til Japans til að fylgja eftir Guerilla Disco. Platan er fjórða breiðskífa Quarashi en áður hafa komið út plöturnar Quarashi, Xeneizes og Jinx.
Myndin var tekin á tónleikum þeirra í Japan fyrir nokkru.
QUARASHI Sveitin er búin að gera samning við útgáfurisann Sony í Japan. Þreifingar eru
hafnar við útgáfufyrirtæki í öðrum löndum.
M
YN
D
A
R
I M
AG
G
72-73 (52-53) fólk 9.12.2004 18:23 Page 2