Fréttablaðið - 19.03.2005, Blaðsíða 6

6 19. mars 2005 LAUGARDAGUR
Listasafn Íslands fær ellefu milljónir til listaverkakaupa:
Þyrfti margfalt hærri upphæð
LISTIR „Fjárveiting til listaverka-
kaupa fyrir Listasafn Ísland hefur
í raun farið minnkandi í áratug og
að okkar mati vantar þrefalt hærri
upphæð til að safnið geti sinnt
hlutverki sínu,“ sagði Ólafur Kvar-
an forstöðumaður Listasafns Ís-
lands.
Í ár líkt og í fyrra er ráðstöfun-
arféð tæpar ellefu milljónir. Að
sögn Ólafs er algengt söluverð á
nýjum listaverkum starfandi lista-
manna á bilinu sex hundruð þús-
und til ein milljón króna. Hann
segir að þar að auki beri safninu
skylda til að kaupa eldri verk og
því hrökkvi peningarnir skammt.
Guðmundur Oddur Magnússon,
prófessor við Listaháskóla Íslands,
tekur dýpra í árinni og segir að það
mætti byrja á því að fimmfalda
þessa upphæð svo að íslendingar
þyrftu ekki að skammast sín en
réttast væri að tífalda hana svo að
Listasafn Íslands gæti sinnt hlut-
verki sínu með sóma. Til saman-
burðar segist hann hafa heimildir
fyrir því að safnaðarnefnd við
kirkjusókn í úthverfi Óslóar hafi
svipaða upphæð til ráðstöfunar í
menningarmálum. - jse
Kvartanir til Landlæknisembættisins:
Langmest kvartað vegna Landspítala
HEILBRIGÐISMÁL Ríflega þriðjungur
allra þeirra kæra og kvartana sem
bárust landlæknisembættinu á ár-
inu 2004 var vegna Landspítala –
háskólasjúkrahúss, að því er fram
kemur í yfirliti frá embættinu.
Næstflestar voru vegna þjónustu
á einkastofum sérfræðinga í
læknisfræði og heilsugæslustöðv-
ar voru í þriðja sæti.
Alls bárust 244 kvartanir og
kærur til Landlæknisembættisins
á síðasta ári. Er það nokkru meira
en undanfarin ár. Árið 2003 voru
þær 220 talsins og 224 árið 2002.
Um mánaðamót febrúar-
mars hafði embættið lokið við
að afgreiða 106 kærur, en af-
greiðslu var enn ólokið í 38 mál-
um frá síðasta ári. Í 121 máli
hafðist embættið ekki að. Það
sendi viðkomandi ábendingar í
50 málum og beinar aðfinnslur í
26 málum.
Langflestar kvartanir voru
vegna ófullnægjandi eða rangr-
ar greiningar, meðferðar eða
eftirlits. Í 27 tilvikum var um
samskiptavandamál að ræða. - jss
Hátt í 300 ný
störf á Húsavík
Hátt í 300 ný störf verða til ef þær þrjár verksmiðjur sem rætt er um að rísi á
Húsavík og nágrenni verða að veruleika, að sögn formanns verkalýðsfélagsins.
Bjartsýni ríkir á staðnum og fasteignaverð hefur rokið upp að undanförnu.
ATVINNUMÁL Hátt í 300 ný störf
verða til ef þær þrjár verksmiðj-
ur, sem nú er rætt um að rísi á
Húsavík og nágrenni, verða að
veruleika, segir Aðalsteinn Bald-
ursson, formaður Verkalýðsfélags
Húsavíkur.
Þessar þrjár verksmiðjur sem
um ræðir eru lyfjaverksmiðjan
(glúkósamínverksmiðja), sem
greint var frá í Fréttablaðinu í
gær, polyol-verksmiðja sem er á
teikniborðinu og loks álver.
Polyol er flokkur efna sem
unnin eru úr sykri í stað olíu eins
og áður var, að sögn Tryggva
Finnssonar framkvæmdastjóra
Atvinnuþróunarfélags Þingey-
inga. Hann sagði að framleiðslan
væri í tilraunaferli erlendis eins
og er, en mikla orku þurfi til fram-
leiðslunnar. Þar kæmi Húsavík
inn í myndina. Bjarni sagði að rík-
ið myndi verja hluta af andvirði
Kísiliðjunnar til þessarar verk-
smiðju.
„Ef það rís glúkósamínverka-
smiðja hér er það mjög gott mál,“
sagði Aðalsteinn Baldursson.
„Auk allra annarra kosta þá verð-
ur rækjuhratið, sem menn þurfa
að urða með ærnum tilkostnaði í
dag, notað við framleiðslu á kítíni
og síðar glúkósamíni. Við svona
verksmiðju skapast atvinna fyrir
allan skalann, allt frá sérfræðing-
um til almennra verkamanna.“
Varðandi staðsetningu álvers
benti Aðalsteinn á að kjöraðstæð-
ur væru fyrir það á Húsavík. Þar
væri gott land, góð höfn sem tilbú-
in yrði á næsta ári, auk þess sem
stutt væri í orkuna. Ýmsir hafa
sýnt áhuga á því að reisa álver á
þessum slóðum, mismikinn þó.
Samkvæmt heimildum Frétta-
blaðsins er Norðurál talið þar
fremst í flokki, en fulltrúar þess
hafi verið mikið á ferðinni á Húsa-
vík til að skoða aðstæður, síðast
nú í vikunni.
„Við viljum að orkan sé nýtt
hér heima fyrir,“ sagði Aðal-
steinn. „Við erum tilbúnir til að
taka við þessum fyrirtækjum. Við
erum hér með öflugar sveitir og
við sjáum fyrir okkur að þau
hefðu svo mikil margfeldisáhrif
að þau myndu styrkja landbúnað-
inn. Með öðrum orðum, menn
gætu unnið með búskapnum sem
hefur ekki rekstrarlega góða
stöðu í dag. Við erum bjartsýnir
hér, sem sýnir sig í því að hér er
mjög lífleg sala í húsum og fast-
eignaverð hefur rokið upp að
undanförnu.“ jss@frettabladid.is
GLATT Á HJALLA
Írar hylltu heilagan Patrek í gær en sumir
notuðu tækifærið og blótuðu Bakkus í
leiðinni.
Patreksdagur:
Mikil ölvun
á Írlandi
DUBLIN, AP Yfir 700 manns voru
handteknir víðs vegar um Írland í
fyrrakvöld, á degi heilags Pat-
reks, verndardýrlings landsins.
Ölvun var afar mikil, slagsmál
brutust víða út og eignaspjöll
voru unnin. Flestar voru handtök-
urnar í Dyflinni en ástandið var
einnig slæmt í Cork.
Áður fyrr voru hátíðahöld í til-
efni dagsins hófstillt enda voru
öldurhús lokuð. Batnandi efna-
hagur og minnkandi ítök kirkj-
unnar hafa hins vegar valdið því
að hátíðin er orðin fjörugri en
góðu hófi gegnir. ■
VÖXTUR FISKELDIS Framfara-
félag Dalvíkurbyggðar stendur
fyrir málþingi um líftækni, fiski-
rækt og sjávarnytjar. Á þinginu
mun Skúli Skúlason, rektor Hóla-
skóla, meðal annars fjalla um
vöxt fiskeldis á Íslandi og ný
tækifæri til að auka verðmæta-
sköpun úr auðlindum sjávar og
vatna. Málþingið er í Árskógi og
hefst klukkan 13.30.
Önundafjörður:
Útihús fuku
VEÐUR Björgunarsveitir víðs vegar
um land kepptustu við að bjarga
verðmætum í hvassviðrinu sem
gekk yfir landið í fyrrinótt.
Björgunarsveitir frá Flateyri
og Hnífsdal voru kallaðar út að
bænum Sæbóli í norðanverðum
Önundarfirði, en þar fauk úti-
hús.Unnu þær fram á nótt við að
ferja þakplötur og hluta úr útihús-
inu og gekk björgunarstarfið vel.
Einnig voru björgunarsveitir á
Seyðisfirði og Egilsstöðum kallað-
ar út og fóru þær á tveimur bílum
og hjálpuðu bíl sem var í vand-
ræðum á Fjarðarheiði. - gg
Höfðabakka 1 - sími 587 50 70
Opið LAUGARDAG
Tilboð
stórlúða 1.490,-
humar 1.290,-
rækjur 990,-
■ ÁRSKÓGSSTRÖND
Notarðu internetið daglega?
SPURNING DAGSINS Í DAG:
Á ekki að kosta neitt að hafa
börn í leikskóla?
Niðurstöður gærdagsins á visir.is
4%
96%
Nei
Já
Farðu inn á fréttahluta visir.is
og segðu þína skoðun
KJÖRKASSINN
LISTASAFN ÍSLANDS
Þyrfti tífalt meira ráðstöfunarfé til að
gegna hlutverki sínu með sóma, segir
Guðmundur Oddur Magnússon prófesor
við Listaháskóla Íslands.
LANDLÆKNISEMBÆTTIÐ
Hafðist ekki að í 121 máli af 244.
KVÖRTUNARÞOLAR ÁRIÐ 2004
Landspítali – háskólasjúkrahús 84
Einkastofur sérfræðinga 42
Heilsugæslustöðvar 29
Tannlæknastofur 11
Dvalar- og hjúkrunarheimili 11
Einkastofur annarra 9
(sjúkraþjálfun o.þ.h.)
Annað 58
Samtals 244
M
YN
D
/AP
Þúsundir Svía fengu
óvæntan glaðning:
Fengu óvart
pening
SVÍÞJÓÐ, AP Um tíu þúsund Svíar
fengu óvæntan glaðning inn á
bankareikninga sína í vikunni
þegar tölvuvilla olli því að ríkis-
sjóður greiddi út sem nemur
nærri tíu milljörðum íslenskra
króna of mikið í vexti af spariskír-
teinum.
Í gær var gefin út áskorun til
allra sem orðið höfðu hins óvænta
glaðnings aðnjótandi að skila hon-
um hið snarasta, ellegar ættu þeir
„lagalegar aðgerðir“ yfir höfði
sér. Tölvuvilla olli því að vextirn-
ir voru greiddir út þrisvar. ■
HÚSAVÍKURHÖFN
Höfnin á stóran þátt í því að laða fyrirtæki að staðnum, en orkan vegur þó þyngst.
M
YN
D
/G
U
Ð
RÚ
N
K
R
IS
TÍ
N
ÓHRESS MEÐ ÚRSKURÐINN
Alessandra Mussolini segist viss um að um
pólitískar ofsóknir gegn sér sé að ræða.
Úrskurður:
Mussolini
ekki í kjöri
RÓM, AP Áfrýjunardómstóll í Róm
hefur úrskurðað að hægriflokkur
Alessöndru Mussolini, barnabarns
fasistaleiðtogans Benito Mussolini,
megi ekki bjóða fram í héraðskosn-
ingum í landinu í næsta mánuði.
Flokknum er gefið að sök að hafa
falsað undirskriftir á meðmæl-
endalistum sem skila verður með
framboðinu.
Mussolini hafði mótmælt fyrri
úrskurði, sem var á sömu leið, með
því að fara í hungurverkfall. Drakk
hún einungis þrjá bolla af
cappuccino-kaffi á meðan á því
stóð. Þegar henni voru tilkynnt tíð-
indin brást hún reið við og fleygði
farsíma sínum í húsbíl sinn. ■
M
YN
D
A
P