Fréttablaðið - 19.03.2005, Qupperneq 17

Í skoðun Fréttablaðsins 13. mars sl.
tekur höfundur undir það sjónarmið
Félags ábyrgra feðra að rétt sé að
tekjutengja meðlagsgreiðslur. Enn-
fremur að nauðsynlegt sé að rann-
saka af hverju þriðjungur meðlags-
greiðenda sé í vanskilum og
greiðsluerfiðleikum. Því miður telur
höfundur einnig að forsjárlausir feð-
ur taki enga ábyrgð á börnum sínum,
ekki einu sinni hina fjárhagslegu.
Félag ábyrgra feðra berst fyrir
fullri ábyrgð beggja foreldra á börn-
um sínum, bæði í sambúð og eftir
skilnað. Félagið vill að samfélagið
geri báðum foreldrum það kleift að
axla ábyrgð á börnum sínum.
Höfundur telur meðlagsgreiðend-
ur ekki búa börnum sínum heimili og
að meðlag sé of lágt enda dugi það
ekki nema fyrir leikskólagjöldum.
Það þarf ekki að miða meðlag með 9
ára barni við leikskólagjöld eða
hvað? Viðurkenningu samfélagsins
skortir á að forsjárlausir feður búa
börnum sínum heimili – jafnvel þótt
þau deili heimilinu aðeins með föð-
urnum 2 daga af hverjum 14, báðir
foreldrar búa barni heimili eftir
skilnað.
Félag ábyrgra feðra telur nauð-
synlegt að rannsaka af hverju þriðj-
ungur meðlagsgreiðslna er í vanskil-
um. Innheimtustofnun sveitarfélaga
innheimtir meðlag af forsjárlausum.
Meðlagsskuld fyrnist aldrei. Nú eru
meðlagsskuldir allt að 35 ára gamlar
(og elstu „börnin“ komin um fimm-
tugt). Með því að afskrifa aldrei
skuld nær Innheimtustofnun að ná
vanskilum upp í 30% – enda ekki
merkilegt að innheimtuhlutfall af
venjulegum meðlagsgreiðslum sé
um 90% eins og telja má líklegt að sé
núna. Það er þannig kannski innri
vandi Innheimtustofnunar sem við-
heldur þeirri ímynd að meðlags-
greiðendur skili ekki meðlaginu
sínu.
Félagið telur að 90% meðlags-
greiðenda borgi sitt meðlag refja-
laust, að 10% eigi í einhverjum erfið-
leikum og að hugsanlega muni 5%
aldrei geta borgað sitt meðlag. Fyrir
þennan síðasttalda hóp þarf að grípa
til einhverra aðgerða.
Kerfið skiptir ábyrgð feðra gagn-
vart börnum sínum í fjárhagslega og
aðra ábyrgð. Hina fjárhagslegu
tryggir löggjafinn og framkvæmda-
valdið með ýmsu móti. Önnur ábyrgð
skiptir hið opinbera engu máli. Hið
opinbera, þ.e. dómsmálaráðuneytið,
sýslumenn með úrskurðum og ráð-
gjöf, og ekki síður dómstólar, hefur
svipt feður í stórum stíl ábyrgð á
börnum sínum.
Í skoðun Fréttablaðsins er með-
lag borið saman við leikskólagjöld.
Félag ábyrgra feðra telur nauðsyn-
legt að huga líka að því að hið opin-
bera leggur af mörkum um kr. 30.000
á mánuði með hverju meðlagsskyldu
barni í barnabætur og húsnæðis- eða
vaxtabætur. Því má segja að með-
lagsskyld börn séu í reynd frekar á
framfæri hins opinbera en foreldra
sinna. Úrskurður um að faðir og
barn umgangist einn sólarhring á ári
dugir skammt til að hvetja föður til
að axla aðra ábyrgð. Félag ábyrgra
feðra kallar eftir viðhorfsbeytingu
kerfisins. Félagið kallar einnig eftir
viðurkenningu á því að önnur ábyrgð
föður á barni er eðlilegur hluti af
sambandi föður og barns. Loks kall-
ar félagið eftir viðurkenningu hins
opinbera á fjölskyldusambandi for-
eldra og barna.
Félag ábyrgra feðra vill að venju-
legum feðrum sé gert kleift að axla
þá ábyrgð sem því fylgir að eignast
og eiga barn. Eins og nú er vinnur
hið opinbera gegn því. Viðhorfs-
breyting er forsenda þess að feður
fái að axla ábyrgð sína. ■
Feður sviptir ábyrgð á börnum sínum
17LAUGARDAGUR 19. mars 2005
Þjóðin gerð að sósíalista
Það þýðir hins vegar lítið fyrir mig og
aðra markaðs- og frjálshyggjumenn að
hnerra yfir þessu frumvarpi. Þjóðin verð-
ur að einum stórum sósíalista þegar
kemur að RÚV! Hún lítur á RÚV sem
„óskabarn þjóðarinnar“. Mér, eins og
flestum öðrum, þykir bæði vænt um
fyrirtækið og starfsmenn þess. En ég vil
selja fyrirtækið á meðan það er skil-
greint sem fjölmiðill. Réttlætið segir
mér sem markaðshyggjumanni að ríkis-
fjölmiðill skekki myndina á frjálsum
markaði. Þannig er það bara.
Jón G. Hauksson á heimur.is
Furðuleg framtíðarsýn
Nýjasta grein formanns Eyverja minnir
helst á gamla lofræðu um kommún-
isma í stað áramótaræðu formanns full-
trúa frelsis í Vestmannaeyjum. Það er
furðuleg framtíðarsýn ungra fulltrúa
frelsis ef það skiptir höfuð máli hver
komi með flestar karamellur í poka til
Eyja.
Jóhann Guðmundsson á politik.is
Ríkisrekið hobbí
Búskapur á Íslandi í dag minnir meira á
hobbí en atvinnugrein. Ríkisrekið
hobbí. Afhverju borgum við ekki bænd-
um bara fyrir að spila golf? Mark-
aðsvæðing landbúnaðarins hlýtur að
vera eitt af þessum stóru skrefum sem
þið verðið að stíga, það er að segja ef
þið steinrennið ekki í drögtunum og
jakkafötunum um leið og þið stígið
fæti inn í Alþingishúsið.
Hallgrímur Helgason á visir.is
Áróðursgreiningar
Að manni getur óneitanlega læðst sá
grunur að stjórnendur bankanna noti
greiningardeildirnar í áróðursskyni og til
að hafa áhrif á markaðinn, fremur en að
greina hann hlutlaust opinberlega. Önn-
ur ráð séu svo gefin innanhúss. Gott
dæmi um þetta er umfjöllun þeirra um
starfsemi Íbúðalánasjóðs, þar sem þeir
hafa grímulaust verið að fjalla um skoð-
anir sínar á því fyrirbæri, fremur en að
greina kosti og galla fjárfestinga í bréf-
um útgefnum af þeim sjóði og þeim
lánum sem þeir bjóða.
Gestur Guðjónsson á timinn.is
Ömurleg hnýsni
Meginatriði málsins er þó vitaskuld það,
eins og Sigurður Kári Kristjánsson lagði
áherslu á, að þær upplýsingar sem
skattstjórar hafa verið að birta árlega,
eru einkamál hvers og eins. Sigurður
Kári benti réttilega á að hvorki honum
né öðrum kæmi við hvað menn úti í bæ
væru með í tekjur. Þetta er aðalatriðið.
Frumvarpið er þess vegna fagnaðarefni
og verður vonandi til þess að sú ömur-
lega hnýsni – sem sumir telja til frétta-
mennsku – að birta lista yfir tekjuhæstu
einstaklinga tiltekinna landshluta eða
atvinnugreina, heyrir brátt sögunni til.
Vefþjóðviljinn á andriki.is
GARÐAR BALDVINSSON
FORMAÐUR FÉLAGS ÁBYRGRA FEÐRA
SVARAR LEIÐARA FRÉTTABLAÐSINS
AF NETINU
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.