Fréttablaðið - 19.03.2005, Blaðsíða 37
5LAUGARDAGUR 19. mars 2005
Þegar Rúnar Jónsson var 15 ára
byrjaði hann að keppa í ralli sem
aðstoðarökumaður. Nú, tuttugu
árum síðar, á hann að baki einn
glæsilegasta rallökuferil lands-
ins. „Íslandsmeistaratitlarnir eru
orðnir 13 eða 14,“ segir Rúnar
hógvær en hann keppir nú með
bróður sínum Baldri sem tók við
af föður þeirra, Jóni Rúnari Ragn-
arssyni.
„Síðasta keppnistímabil var
líklega það besta til þessa. Við
vorum að keppa við 10 árum
yngri bíl og það átti að vera okkur
óyfirstíganlegt. Við náðum samt
að sigra tímabilið með yfirburð-
um og freistumst til að halda að
það sé mikið í okkur spunnið,“
segir Rúnar.
Bíllinn sem þeir keppa á er
fjórhjóladrifinn Subaru Legacy,
sem er langt frá því að vera
venjulegur götubíll. „Hann er sér-
smíðaður úti í Bretlandi af fyrir-
tækinu Pro Drive sem sér um
smíði keppnisbíla, meðal annars
fyrir Subaru-verksmiðjurnar.
Bíllinn er 300 hestöfl eftir alþjóð-
legum rallreglum. Þetta eru samt
engin venjuleg götuhestöfl,“ segir
Rúnar og bætir við að sérstakur
gírkassi, drifhlutföll og annar
drifbúnaður spili líka stórt hlut-
verk í að koma bílnum áfram.
Rúnar hefur keppt á fjórhjóla-
drifsbílum frá 1991. Hann segir
ekki hægt að líkja þeim saman
við bíla á einu drifi þegar kemur
að aksturseiginleikum. „Maður er
með miklu betra veggrip, bíllinn
verður stöðugri og kemst líka
betur áfram. Bremsugripið er
líka miklu betra svo að bíllinn
lætur miklu betur að stjórn. Þetta
á ekki bara við um rallbíla, ég
keyri stundum fjórhjóladrifsbíl
dags daglega og það sama á við í
umferðinni,“ segir Rúnar.
Það er varla vanþörf á öllu því
veggripi sem fæst þegar maður
svífur yfir sérleiðir á fleygiferð.
Hvernig tilfinning ætli það sé að
keyra rallbíl? „Maður keyrir ein-
göngu eftir því sem maður heyrir.
Allur aksturinn snýst um það sem
aðstoðarökumaðurinn segir og
því reynum við að vinna leiðarlýs-
inguna mjög nákvæmlega. Ég
horfi bara rétt fyrir framan bílinn
og reyni að koma honum eins
hratt og ég get, hægi ekkert á mér
fyrr en ég fæ skilaboð frá að-
stoðarökumanninum. Þegar allt
er í réttum takti gengur þetta
mjög vel og þá er mjög góð til-
finning að keyra rallbíl,“ segir
Rúnar að lokum.
Góð tilfinning þegar vel gengur
Rúnar Jónsson segir það góða tilfinningu að keyra rallbíl.
Bræðurnir Baldur og Rúnar Jónssynir við
keppnisbíl sinn.
FR
ÉT
TA
B
LA
Ð
IÐ
/J
AK
Almenn smurþjónusta
Hjólbarðaþjónusta
Sjálfskiptingaþjónusta
Rafgeymaþjónusta
Ísetning bremsuklossa
Dempara – ísetningar o.fl.
Vegmúli 4 • Sími 553 0440
Á fleygiferð er vissara að hafa nægilegt veggrip en þar segir Rúnar að fjórhjóladrifsbílar
beri af.
Nissan gefur í
BÍLAFRAMLEIÐANDINN HEFUR OPNAÐ NÝJA OG STÓRA HÖNNUNARMIÐSTÖÐ.
Bílaframleiðandinn Nissan í Bandaríkjunum hefur opnað nýja hönnunarmiðstöð
í Farmington Hills í Detroit. Nú þegar er búið að hanna eina bifreið í miðstöðinni
en það er Nissan Azeal coupe sem var sýndur á bílasýningunni í Detroit í janúar.
Nissan vill ekki gefa upp
hvaða bifreiðar verði hann-
aðar á staðnum en þessi
nýja miðstöð gerir hönnuð-
um kleift að gera allt frá því
að teikna bílinn upp og til
þess að framleiða hann.
Miðstöðin er 14 milljóna
dollara virði og er vinnupláss
fyrir þrjátíu hönnuði þar.
Nóg ljós kemur inn í bygg-
inguna en utanaðkomandi
aðilar geta ekki njósnað um
nýjustu bifreiðar Nissan.