Fréttablaðið - 19.03.2005, Blaðsíða 70
Sigrún Eðvaldsdóttir kemur fram
í Salnum í Kópavogi í kvöld ásamt
píanóleikaranum James Lisney.
Þau ætla að flytja þar verk eftir
Franz Schubert, André Previn,
Camille Saint-Saëns og Dímítrí
Sjostakovitsj. Öll þessi verk eiga
það sameiginlegt að tónskáldin
hafa tileinkað þau frábærum
fiðluleikurum, sannkölluðum
snillingum sem hafa verið í
fremstu röð fiðluleikara.
Sigrún segist þó ekki hafa átt í
neinum óskaplegum erfiðleikum
með að tileinka sér þessi verk og
æfa þau.
„Nei, það hefur bara verið
gaman að æfa þau. En þetta eru
dálítið krefjandi verk,“ viður-
kennir hún samt. „Svo er ég líka
með alveg fantagóðan píanóleik-
ara og það hjálpar mikið til í
æfingaferlinu.“
Sigrún kynntist James Lisney
píanóleikara fyrst úti á Englandi
þegar hún bjó þar fyrir tólf árum.
„Við byrjuðum þá að spila sam-
an. Hann hafði heyrt mig spila á
plötu áður en hann hitti mig svo
hann vissi hvernig ég spilaði.“
Hann hefur komið nokkrum
sinnum til Íslands. Meðal annars
héldu þau Sigrún tónleika í Gamla
bíói árið 1999.
„Það er svo dýrmætt að rækta
samband við svona góðan píanó-
leikara, því þetta er svo lítið land.“
Sigrún er með þekktustu fiðlu-
leikurum landsins, en engu að síð-
ur er það ekki oft sem færi gefst
til að heyra í henni á einleikstón-
leikum.
„Já, það er orðið dálítið langt
síðan ég gerði þetta síðast. Samt
er maður alltaf að einhvern
veginn, en þetta er algerlega mitt
eigið verkefni og mér finnst virki-
lega gaman að takast á við það.“
Verkin á tónleikunum eru afar
ólík innbyrðis.
„Fyrstu þrjú verkin eru gleði-
verk, æðislega skemmtileg og
fjörug, en svo kemur langt hlé.
Við þurfum að hvíla okkur vel í
hléinu til þess að vera tilbúin fyr-
ir allt annars konar átök, því þá
kemur Sjostakovitsj. Hann er svo
þungur og dramatískur, en þetta
er samt brjálæðislega flott verk.“
Hugmyndin að þessum tónleik-
um kviknaði á síðasta ári þegar
Sigrún heyrði fiðlusónötu eftir
Saint-Saëns á tónleikum.
„Ég hafði þá aldrei heyrt
þessa sónötu og bara varð að fá
að spila hana einhvern tímann.
En þá þurfti að finna eitthvað til
að flytja sem passaði við hana og
þá duttum við niður á þessa
snilldarhugmynd. Svo fannst
okkur sérstaklega gaman að
hafa nýjasta verkið með, sem er
eftir André Previn og samið árið
1997. Þetta er verk sem hann
samdi fyrir konuna sína sem er
alger snillingur, Anne-Sophie
Mutter. Það er svo rómantískt
eitthvað.“ ■
54 19. mars 2005 LAUGARDAGUR
EKKI MISSA AF…
... sýningu á verki Rúríar,
Archives – Endangered
Waters, sem sýnt er í Listasafni
Íslands. Verkið vakti mikla
athygli á Feyneyjatvíæringnum
árið 2003.
... myndasögumessunni í
Listasafni Reykjavíkur, Hafnar-
húsinu, þar sem tugir ís-
lenskra, skandínavískra og
norður-amerískra myndasögu-
höfunda og myndlistarmanna
koma saman.
... Draumleik eftir Strind-
berg í uppfærslu Leikfélags
Reykjavíkur og Nemenda-
leikhússins á stóra sviði Borg-
arleikhússins.
Nú um helgina verður sýningin Hugstolinn, eða
Spellbound – The Raven Rhapsody eins og hún er
nefnd á ensku, sýnd í Færeyjum.
Færeyjar eru fyrsti viðkomustaður sýningarinnar á
sýningarferðalagi til Norðurlanda. Framhald ferða-
lagsins verður í haust þegar hópurinn heldur til
Grænlands og Álandseyja.
Hugstolinn er tónlistarleikhús (musical drama)
eftir franska leikstjórann Janick Moisan við tónlist
íslenskra og norrænna tónskálda. Sýningin er
hugverk hennar, byggð á upplifun hennar á nátt-
úru Íslands, sögnum og dulhyggju norðurslóða.
Flytjendur óperunnar eru altsöngkonan Marta
Hrafnsdóttir, Sigurður Halldórsson á selló og
Daníel Þorsteinsson á píanó.
Í tengslum við sýningarferðalagið verður unnið að
gerð heimildarmyndar. Stephané Labat, doktor í
mannfræði og sérfræðingur í shamanisma, mun
ásamt aðstoðarmönnum festa sýninguna á filmu
og líf þátttakenda á ferðalaginu um Færeyjar,
Grænland og Álandseyjar.
Kl. 22.00
Sjálfur Megas verður með tónleika í
Stúdentakjallaranum í kvöld þar sem
hann fer örugglega á kostum eins og
honum er einum lagið. Meistarinn verð-
ur sextugur innan fárra vikna og gæti
verið að hita sig upp í kvöld fyrir afmæl-
istónleika.
menning@frettabladid.is
Hugstolinn í Færeyjum
SIGRÚN MEÐ FIÐLUNA SÍNA Hún ætlar að flytja fjögur verk á tónleikum í Salnum í Kópa-
vogi. Verkin eiga það sameiginlegt að tónskáldin hafa tileinkað þau miklum fiðlusnillingum.
Samið fyrir snillinga
!
Leikendur:
Aðalbjörg Þóra Árnadóttir
Atli Þór Albertsson
Björn Ingi Hilmarsson
Guðjón Davíð Karlsson
Guðmundur Ólafsson
Guðrún Ásmundsdóttir
Halldór Gylfason
Halldóra Geirharðsdóttir
Jóhanna Friðrika Sæmundsdóttir
Jóhannes Haukur Jóhannesson
Oddný Helgadóttir
Ólafur Steinn Ingunnarson
Orri Huginn Ágústsson
Pétur Einarsson
Sara Dögg Ásgeirsdóttir
Theodór Júlíusson
„Algjör draumur“
MK Mbl
„ ..ein skemmtilegasta
leiksýning sem ég hef séð“
KHH Kistan.is
Draumleikur
eftir August Strindberg
Leikstjóri: Benedikt Erlingsson Leikmynd: Gretar Reynisson
N
æ
st
SÝNINGAR LAUGARDAGS- OG SUNNUDAGSKVÖLD • ATHUGIÐ AÐ SÝNINGAFJÖLDI ER TAKMARKAÐUR
Tríó Reykjavíkur verður með tón-
leika í Hafnarborg á morgun þar
sem Sigurgeir Agnarsson selló-
leikari spilar með því sem gestur
tónleikanna.
Tríóið er venjulega skipað
þeim Guðnýju Guðmundsdóttur
fiðluleikara, Gunnari Kvaran
sellóleikara og Peter Maté píanó-
leikara, en á þessum tónleikum
kemur Sigurgeir í staðinn fyrir
Gunnar, sem ætlar að taka sér frí
vegna anna við mikilvægt verk-
efni á öðrum vettvangi.
„Það stendur mikið til hjá
Gunnari. Hann er að fara að spila
allar Bach-svíturnar í lok mánað-
arins og vill einbeita sér að því,“
segir Sigurgeir, sem hefur starfað
sem aðstoðarleiðari í sellódeild
Sinfóníuhljómsveitar Íslands
undanfarin tvö ár.
Á efnisskrá tónleikanna verða
Fimm lög í þjóðlegum stíl eftir
Robert Schumann, fyrir selló og
píanó. Verkið var samið árið 1849
og tilheyrir flokki ljóðrænna smá-
mynda og þótt yfirborðið kunni að
virka einfalt er margt hér að finna
sem stingur góðlátlega í eyru. Þá
verðu flutt sónatína fyrir fiðlu og
selló eftir franska tónskáldið
Darius Milhaud. Lítið hefur
heyrst eftir hann hér á landi, en
hann var uppi á árunum 1892 til
1974. Hann hafði mjög sérstakan
stíl og samdi mikinn fjölda tón-
verka af flestum stærðargráðum.
Sónatínan er ópus 324 og var sam-
in árið 1953.
Að lokum verður flutt eitt af
stóru tríóum tónbókmentanna,
tríó í Es-dúr ópus 100 eftir Franz
Schubert.
„Það hljómar klisjukennt að
kalla þetta eitt af stórvirkjum
tríóbókmenntanna, en það er nú
samt alveg satt,“ segir Sigurgeir.
„Þetta er langt og mikið verk, sem
er tær snilld í rauninni.“ ■
Dixielandhljómsveitin Spari-
buxurnar hans afa skorar á fólk
að reyna að láta sér leiðast í
Iðnó í kvöld. Margir kannast
við hljómsveitina frá því á
menningarnótt og 17. júní, en
víst er að hún spilar eldfjöruga
tónlist sem einungis afburða-
þunglyndum fýlupokum getur
leiðst að hlusta á.
Hljómsveitin varð til fyrir
um það bil tveimur og hálfu ári
að frumkvæði Johns Gear
trompetleikara, sem jafnframt
syngur með hljómsveitinni.
Auk hans verður hljómsveit-
in í kvöld skipuð þeim Samúel
J. Samúelssyni á básúnu, Stein-
ari Sigurðarsyni á sópransaxó-
fón, Hlyni Benediktssyni á
banjó, Stefáni Erni Arnarssyni
á kontrabassa og Finni Magnús-
syni á trommur.
„Á Íslandi eru til aðrar
dixiehljómsveitir en þær spila
allar eftir nótum. Hjá okkur er
þetta allt saman spuni, þótt við
styðjumst við grófan hljóma-
gang.“
John Gear hefur búið hér á
landi frá árinu 1996. Hann
kennir tónmennt í Smáraskóla í
Kópavogi, en segist reyndar
hafa komið fyrst til landsins í
þeim erindagerðum að fara í
jeppaferðir upp um fjöll og
firnindi.
Sem lítill strákur á Englandi
ólst hann upp við dixielandtón-
list, sem nýtur mikilla vinsælda
þar víða á hverfiskránum.
„Þegar ég var svona tíu ára
fór pabbi með mér á dixie-
kvöld. Ég var þá byrjaður að
læra á trompet og hann sagði
mér að taka trompetið með
mér.“
Ekkert var sjálfsagðara en
að strákurinn fengi að grípa í
trompetið á dixiekvöldinu með
hinum hljóðfæraleikurunum.
„Þetta er það sem strákar
gera á Englandi. Þetta er mjög
oft gert svona.“
Innan skamms ætlar hljóm-
sveitin að halda út fyrir land-
steinana. Meiningin er að heim-
sækja pabba Johns, sem verður
áttræður á næstunni.
„Við ætlum að fara til Eng-
lands til þess að spila á afmæl-
inu hans.“ ■
Útilokað að
láta sér leiðast
SPARIBUXURNAR HANS AFA
Spilar ekta Dixieland í Iðnó í kvöld, þar
sem spuninn ræður ríkjum. Sammi í
Jagúar spilar með þeim að þessu sinni.FR
ÉT
TA
B
LA
Ð
IÐ
/T
H
O
R
ST
EN
H
EN
N
Alþýðulög og meistarastykki
TRÍÓ REYKJAVÍKUR Sigurgeir Agnarsson
sellóleikari leikur á þessum tónleikum
með þeim Guðnýju Guðmundsdóttur og
Peter Maté.