Fréttablaðið - 19.03.2005, Blaðsíða 64
48 19. mars 2005 LAUGARDAGUR
HANDBOLTI Fjórir hörkuleikir eru á
dagskrá í kvöld og ljóst að móta-
nefnd HSÍ hefur unnið gott starf
fyrir mótið með uppröðun sinni á
leikjum. Liðin í efstu tveimur sæt-
unum, Haukar og ÍR, mætast inn-
byrðis á Ásvöllum í hreinum úr-
slitaleik, liðin í 3. og 4. sæti mæt-
ast einnig innbyrðis, HK og ÍBV,
og það sama á við um 5. og 6. sæt-
ið þar sem KA tekur á móti Val.
Það er ekki síður mikið í húfi hjá
liðunum í 7. og 8. sæti þar sem
Þórsarar fá Víking í heimsókn í
leik sem gæti mögulega gefið sæti
í úrslitakeppninni.
„Þetta er mjög skemmtileg
lokaumferð og þótt að mótafyrir-
komulagið hafi verið mikið gagn-
rýnt þá sést núna vel hvað það
getur boðið upp á. Það er gríðar-
lega spenna og það sést að þó að
þetta móta-
fyrirkomulag
hafi sína galla
þá hefur það
einnig sína
kosti,“ segir
G u ð m u n d u r
Guðmundsson
en hann býst
við mjög jöfn-
um leik á Ás-
völlum í kvöld.
„Ég hreifst
mjög af ÍR-ingum í bikarúrslitun-
um þar sem liðið spilaði með
hjartanu. Ef þeir ná að framkalla
það aftur þá er aldrei að vita en ég
hallast sem frekar að sigri Hauka
þar sem þeir eru á heimavelli,“
segir Guðmundur. Fyrri leik lið-
anna í Austurbergi fyrir rúmum
tveimur vikum lauk með stórum
sigri Hauka, 24-31, og segir Guð-
mundur að sá leikur gæti gefið
Haukum sálfræðilegt forskot.
„Haukar hafa verið með yfir-
höndina gegn ÍR í gegnum tíðina
og haft betur í þeirra rimmum í
úrslitakeppninni. En það má ekki
gleyma að ÍR braut ákveðið blað
með bikarsigrinum. Nú er spurn-
ingin hvort leikmenn liðsins nái
að fylgja því eftir það fylgir oft
ákveðið spennufall slíkum sigri.
En liðin hafa mjög áþekkan mann-
skap og ég held að þetta verði
mikill spennuleikur,“ segir Guð-
mundur.
Guðmundur spáir að ekki verði
síðri spenna í leik HK og ÍBV.
„Það er svo skrítið með HK að
þeir voru ósannfærandi í bikar-
úrslitunum og hafa ekki verið á
réttu róli eftir hann. En það býr
engu að síður mjög mikið í þessu
liði og þeir hagnast af því að vera
á heimavelli,“ segir Guðmundur.
Lið ÍBV hefur hinsvegar verið í
miklu stuði og fikrað sig upp töfl-
una á síðustu vikum.
„Ef Roland er í stuði er ÍBV
mjög hættulegt öllum liðum en
þeir sönnuðu að þeir geta vel unnið
án hans. Markvarslan mun ráða
miklu í þessum leik og ef Björgvin
Páll Gústavsson finnur sig þá er
HK í góðum málum. Ég held að HK
hafi betur í þessum leik.“
Í viðureign KA og Vals segist
Guðmundur halda að heimavöll-
urinn muni gera útslagið. „KA-lið-
ið hefur verið misjafnt en ég hall-
ast að þeirra sigri því þeir hafa
verið sterkir á heimavelli,“ segir
Guðmundur. Hann býst við
ánægju á tveimur vígstöðvum á
Akureyri.
„Þórsararnir hafa á köflum
komið mér á óvart í vetur og eru
með betra lið en ég átti von á. Vík-
ingar hafa ekki mikla breidd og
mega illa við því að vera án lykil-
manns eins og Bjarka Sigurðsson-
ar. Án hans standa þeir höllum
fæti og því spái ég Þórsurum
sigri.“ vignir@frettabladid.is
VINNA ÞEIR DEILDINA? Guðmundur Guðmundsson spáir því að Vignir Svavarsson og félagar í Haukum muni fara með sigur af hólmi
í miklu spennuleik gegn ÍR í kvöld.
Heimavellirnir drjúgir
Guðmundur Guðmundsson, fyrrverandi landsliðsþjálfari í handbolta, hallast að sigri Hauka gegn ÍR-
ingum í lokaumferð DHL-deildarinnar í kvöld og að liðið tryggi sér þannig deildarmeistaratitilinn.
GUÐMUNDUR
GUÐMUNDSSON
STAÐAN FYRIR LOKAUMFERÐINA
HAUKAR 13 8 1 4 402-378 17
ÍR 13 8 0 5 404-398 16
ÍBV 13 7 1 5 397-359 15
VALUR 13 7 0 6 356-363 14
HK 13 7 0 6 411-386 14
KA 13 5 2 6 373-389 12
VÍKINGUR 13 4 0 9 351-382 8
ÞÓR 13 4 0 9 370-410 8
Íslandsmótið í sundi:
Metin byrj-
uð að falla
SUND Íslandsmeistaramótið í
sundi í 50 metra laug hófst í Laug-
ardalnum í gær þar sem mættir
eru til leiks um 200 keppendur
sem etja kappi alla helgina. Fór
mótið vel af stað og þrjú met litu
strax dagsins ljós í fyrsta hlutan-
um. Anja Ríkey Jakobsdóttir úr
Ægi setti fyrsta metið á mótinu
þegar hún synti 50 metra baksund
á 30,69 sekúndum og bætti með
því met Kolbrúnar Kristjánsdótt-
ur frá árinu 1999, sem var 30,76.
Jón Oddur Sigurðsson setti
met í 50 metra bringusundi og
synti á 29,13, en skömmu síðar
mætti Jakob Jóhann Sveinsson til
leiks og bætti nokkura mínútna
gamalt met hans um tvo hund-
raðshluta þegar hann synti á
29,11 sekúndum. ■
ÍSLANDSMÓTIÐ Í SUNDI Fer fram í
Laugardalnum um helgina.
HM í kvennafótbolta:
Í undanriðli
með Svíþjóð
FÓTBOLTI Í gær var dregið í riðla í
undankeppni Heimsmeistaramóts
kvenna í knattspyrnu sem fram
fer í Kína árið 2007. Íslenska liðið
hafnaði í riðli með Portúgölum,
Tékkum, Svíum og Hvít-Rússum.
Þetta verður fyrsta verkefni Jör-
undar Áka Sveinssonar með
kvennalandsliðið, sem hefur kom-
ist í umspil í tveimur síðustu und-
ankeppnum.
Þá er einnig búið að draga í
riðla í undankeppni EM U-19 ára
landsliða kvenna og þar hafnaði
íslenska liðið í riðli með Rúss-
landi, Bosníu Hersegóvínu og
Georgíu. ■