Fréttablaðið - 05.05.2005, Blaðsíða 8

1Hvar verður ofbeldi sýnt rauða spjald-ið klukkan 17 á föstudag?
2Hvað kallast þinghús Breta?
3Hver mun leika hlutverk Elínborgar íkvikmyndinni Mýrinni?
SVÖRIN ERU Á BLS. 46
VEISTU SVARIÐ?
8 5. maí 2005 FIMMTUDAGUR
RÓM, AP George W. Bush, forseti
Bandaríkjanna, sagðist í samtali
við Silvio Berlusconi í gær harma
skotárásina fyrir tveimur mánuð-
um sem dró ítalskan leyniþjón-
ustumann til dauða.
Nokkur spenna hefur ríkt í
samskiptum Ítalíu og Bandaríkj-
anna eftir að bandarískir her-
menn skutu ítalska leyniþjónustu-
manninn Nicola Calipari til bana
þegar hann var í bíl á leiðinni á
flugvöllinn í Bagdad með blaða-
konuna Giuliana Sgrena sem
mannræningjar höfðu haft í haldi.
Niðurstöðum ítalskra og banda-
rískra rannsókna sem kynntar
voru í vikunni bar ekki saman um
tildrög atburðarins og töldu menn
því að fleygur hefði verið rekinn á
milli bandamannanna Bush og
Berlusconi.
Í gær hringdi hins vegar Bush
í félaga sinn og kvaðst harma
dauða Calipari, „hetjulegan þjón
Ítalíu og mikils metinn vin Banda-
ríkjanna,“ að sögn talsmanns
Hvíta hússins. Leiðtogarnir hétu
því að láta atvikið ekki spilla sam-
skiptum þjóðanna.
Skoðanakönnun sem Gallup
gerði nýverið í Bandaríkjunum
sýnir að sextíu prósent þjóðarinn-
ar telja að innrásin í Írak hafi ver-
ið mistök. Stuðningur við innrás-
ina hefur aldrei mælst minni. ■
Breytingar lagðar til á Fráveitunni:
Sameinist Orkuveitu
REYKJAVÍKURBORG Lagt
hefur verið til innan
borgarkerfisins að gera
Fráveituna að hluta af
Orkuveitu Reykjavíkur
og eru miklar líkur á að
það verði að veruleika.
Fráveitan kemur þá við
hlið Vatnsveitunnar og
Hitaveitunnar innan
Orkuveitunnar og hefur
sömu stöðu og þær í
skipuritinu.
Guðmundur Þórodds-
son, forstjóri Orkuveit-
unnar, og Hrólfur Jóns-
son, sviðsstjóri fram-
kvæmdasviðs, eru sam-
an í nefnd sem á að
kanna hagkvæmni þess-
arar breytingar. Guð-
mundur segir að sér lítist vel á
þessa hugmynd, það sé algengt
fyrirkomulag erlendis
að vatnsveitur og frá-
veitur séu undir sama
hatti en ekkert hafi ver-
ið ákveðið ennþá.
Ef af flutningi frá-
veitunnar verður eru
allar líkur á því að Sig-
urður Skarphéðinsson
gatnamálastjóri verði
fráveitustjóri enda
verða starfsmenn frá-
veitunnar þá fluttir yfir
og engin breyting gerð á
þeim hópi. Fráveitan
hefur fram að þessu
verið hluti af Gatna-
málastofu.
Nýtt skipurit fram-
kvæmdasviðs borgar-
innar tekur gildi 1. júní
og verður þá byrjað að vinna sam-
kvæmt því. -ghs
Útbo›i› var
fyrirsláttur
Reykjavíkurborg tók tilbo›i fleirra sem hafa
reki› Vi›eyjarferjuna undanfarin ár. Annar
a›ili telur sig hafa átt hagstæ›asta tilbo›i›.
SAMGÖNGUR „Þau svör sem við
höfum fengið eru að okkar mati
ófullnægjandi með öllu og þessi
ákvörðun því enn jafn óskiljan-
leg,“ segir Guðmundur Gestsson,
framkvæmdastjóri Hvalstöðvar-
innar ehf. Telur hann ótvírætt að
fyrirtæki sitt hafi átt hagstæðasta
tilboðið í áframhaldandi áætlun-
arsiglingar til Viðeyjar sem
Reykjavíkurborg bauð út fyrir
skömmu en tilboði sömu aðila og
rekið hafa Viðeyjarferjuna und-
anfarin ár var tekið.
Guðmundur gerir margvísleg-
ar athugasemdir við útboðsferlið
og það tilboð sem fyrir valinu
varð enda var tilboð Hvalstöðvar-
innar mun lægra í peningum talið
auk þess sem boðið var upp á auk-
inn fjölda ferða. „Það er kannski
eðlilegt að tilboði Viðeyjar-
ferjunnar hafi verið tekið þar sem
í liggur í augum uppi að útboðs-
gögnin miðuðust við þeirra starfs-
semi. Þannig er stærð og flutn-
ingsgeta þeirra báta sem óskað er
eftir til verksins nákvæmlega sú
sama og þeir hafa yfir að ráða.“
Hann finnur einnig að því að
ekki hafi verið metin sérstaklega
sú staðreynd að fyrirtæki hans
stundar þegar mikið kynningar-
starf meðal erlendra ferðamanna
og var ætlunin að nýta þá kynn-
ingarvél til að koma Viðey á
kortið. Ferðamönnum til eyjunnar
hefur fækkað mikið hin síðari ár
en aðeins sóttu hana heim um
fimmtán þúsund manns á síðasta
ári samanborið við 25 þúsund
manns árið 1999. Er opinber
stefna Reykjavíkurborgar að
auka fjöldann aftur og því kemur
það Guðmundi á óvart að slík
kynningarstarfsemi sem fyrir-
huguð var fengi hans fyrirtæki
verkið er lítt eða ekkert metin.
„Mér sýnist að útboðið hafi verið
fyrirsláttur einn og aldrei hafi
staðið til að skipta um þjónustuað-
ila.“
Karl Ragnarsson, hjá fram-
kvæmdasviði Reykjavíkurborgar,
var einn fjögurra fulltrúa sem
fóru yfir tilboðin. Hann segir að
vegna mikils umfangs hafi verið
ákveðið að meta hvert tilboð á
grundvelli punktakerfis í stað
þess að einblína á kostnaðartölur.
„Þarna spiluðu svo margir
þættir inn í að annað var vart
hægt. Meta þurfti styrkupphæð-
ina, fjölda ferða, bátakost,
reynslu viðkomandi og hvernig
ferðatíðni kom heim og saman við
þá þjónustu sem í eynni er. Tilboð
Viðeyjarferða þótti vænlegast að
okkar mati en þar með er ekki
sagt að þeir hafi staðið sig mjög
vel á öllum sviðum.“
albert@frettabladid.is
Stjórnmálamaður:
Misnota›i
unglingspilt
DANMÖRK Danski stjórnmálamað-
urinn og fyrrverandi þingmað-
urinn Flemming Oppfeldt hefur
verið ákærður fyrir að hafa haft
kynmök við dreng sem ekki var
orðinn lögráða.
Oppfældt komst í kynni við
drenginn á spjallsvæði á netinu
og eftir nokkurt spjall þeirra á
milli varð það úr að þeir hittust
í september síðastliðnum.
Höfðu þeir svo samfarir á heim-
ili Oppfeldts í Farum. Vitað er
að maðurinn reyndi að komast í
kynni við fleiri unglingspilta á
netinu.
Lögmaður Oppfeldt sagði í
samtali við Ritzau-fréttastofuna
að allt of langt væri gengið í
ákærunni, skjólstæðingur sinn
hefði ekki vitað hversu ungur
drengurinn væri. ■
VIÐEYJARFERJAN Þrátt fyrir að ferðamönnum til Viðeyjar hefði farið ört fækkandi hin síðari
ár þótti vænlegast að ganga aftur til samninga við þá sem hafa séð um áætlunarsiglingar
þangað undanfarin ár.
BREYTING Á SKIPURITI
Lagt er til að Fráveitan
flytjist til Orkuveitu
Reykjavíkur og verði þar
við hlið Vatnsveitu og
Hitaveitu. Sigurður
Skarphéðinsson gatna-
málastjóri yrði þá frá-
veitustjóri.
Fyrirspurn þingmanns Frjálslynda flokksins:
Vill vita fjölda sendiherra
ALÞINGI Sigurjón Þórðarson, þing-
maður Frjálslynda flokksins,
ætlar að reyna að fá því svarað
fyrir þinglok í næstu viku
hversu margir sendiherrar hafi
verið skipaðir á árunum 1995 til
ársins 2005. Hann vill jafnframt
vita hve margir þeirra hafi
fengið sendiherrastöður í sam-
ræmi við framgangskerfi utan-
ríkisþjónustunnar. Í öðru lagi
ætlar Sigurjón að spyrja utan-
ríkisráðherra hverjir sendi-
herranna höfðu ekki starfað í
utanríkisþjónustunni áður en
þeir fengu þar stöður. ■
SÁTTASÍMTAL Bush hringdi í Berlusconi í gær og bað fyrir kveðjur til fjölskyldu Nicola Calipari.
FR
ÉT
TA
B
LA
Ð
IÐ
/A
P
Bandaríkjaforseti segist harma dauða leyniþjónustumannsins Calipari:
Bush og Berlusconi segjast vera sáttir
08-09 ok 4.5.2005 22:17 Page 2