Fréttablaðið - 05.05.2005, Blaðsíða 24

24 5. maí 2005 FIMMTUDAGUR
Sjokksirkus
á Broadway
Sýningin Sirkus Jim Roseverður haldin á Broadwayþann 29. júlí næstkomandi.
Þetta er sex manna sjokksýning
sem á sér enga sína líka í heimin-
um. Forsprakkinn Jim Rose hefur
heillað áhorfendur um allan heim
með sínum einstaka, kaldhæðna
og töfrandi stíl í fimmtán ár og nú
er komið að Íslendingum.
Á meðal þeirra atriða sem Rose
og félagar ætla að framkvæma á
Broadway er að gleypa rakvéla-
blöð, þræða tveggja metra langa
slöngu inn í magann í gegnum nef-
ið, lyfta bíl með geirvörtum,
gleypa herðatré og losa sig úr
spennitreyju.
Jim Rose hefur verið áberandi í
bandarískum fjölmiðlum undan-
farin ár. Hann er stjarna í eigin
sjónvarpsþáttum, höfundur met-
sölubóka, kvikmynda- og sjón-
varpsleikari, persóna í tölvuleik
og að sjálfsögðu miðpunktur og
höfundur óvenjulegasta sirkuss
heims.
Rose þróaði og sýndi sín mögn-
uðu atriði árum saman í Evrópu og
Bandaríkjunum áður en hann varð
frægur. Það var svo árið 1992 að
öll heimsbyggðin stóð á öndinni
þegar Jim Rose Circus kom fram á
Lollapalooza-tónleikaröðinni með
þekktustu rokkhljómsveitum þess
tíma og áhorfendur, sem voru
ýmsu vanir, höfðu aldrei séð annað
eins. Í kjölfarið lagði Jim Rose
með sirkusinn í hvorki meira né
minna en sjö heimsreisur og árið
1994 var Rose valinn til að fara í
tónleikaferðir Nine Inch Nails og
Marilyn Manson og síðar með
Korn og Godsmack.
Árið 1998 voru vinsældir Jim
Rose orðnar gríðarlegar og var
lagt upp í enn eina heimreisuna,
nú stærri en nokkru sinni fyrr.
Einhvern veginn fann hann þó
tíma til að leika gestahlutverk í X-
files þáttunum, sem þá nutu
mikilla vinsælda.
Sýning Sirkus Jim Rose á
Broadway er stranglega bönnuð
innan 18 ára og alls ekki fyrir við-
kvæma. Ekki er nóg að vera 18 ára
á árinu og þess verður gætt sér-
staklega að enginn undir aldri
komist inn á Broadway þetta
kvöld. Miðasala mun fara fram í
verslunum Skífunnar, á event.is
og í síma 575 1522.
SJOKKSIRKUS
Jim Rose og aðstoðarkona hans
í sirkusnum sýna listir sínar. Þau
mæta hingað til lands 29. júlí.
24-57 (24-25) Helgar 4.5.2005 19:51 Page 2