Fréttablaðið - 22.09.2005, Qupperneq 36

2 ■■■ { útiverublaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■
Haustlitirnir klæða Skíðadalinn vel
og kyrrðin er allt að því áþreifanleg
þegar komið er inn í botn hans. Þar
er bærinn Klængshóll umlukinn
háum fjöllum Tröllaskagans. „Hér
er ekkert GSM-samband þannig að
gestir okkar skilja áreitið eftir utan
dalsins og geta sofnað við hjal bæj-
arlækjarins,“ segir Anna Dóra Her-
mannsdóttir brosandi. Hún er hús-
ráðandi á staðnum ásamt manni
sínum Erni Arngrímssyni. Anna
Dóra er jógakennari og leggur
áherslu á hugleiðslu og Örn tekur
fólk í höfuðbeina-og spjald-
hryggjarmeðferð, sem þykir góð
leið til efla heilsuna eftir veikindi
eða önnur áföll í lífinu. „Við erum
bara með gistingu fyrir ellefu
manns og yfir þennan árstíma ein-
beitum við okkur að einstaklingum,
pörum og litlum hópum,“ segir
Anna Dóra og upplýsir líka að þau
hjón vinni að því að fá umhverfis-
vottorð fyrir jörðina sína. „Við not-
um mikið af jurtum í fæðið, bæði
sem við ræktum sjálf og söfnum í
fjallinu,“ segir hún og tekur sem
dæmi að öll brauð séu heimabökuð
meðal annars með ýmsum grösum
úr náttúrunni.
Að Klængshóli er fimmtíu kílómetra
leið frá þjóðvegi 1 og 22 frá Dalvík.
„Stundum finnst mér þetta vera of
stuttur krókur en þó held ég að
hann sé bara hæfilegur,“ segir Anna
Dóra hugsandi. Hún segir þau hjón
hafa byrjað með venjulega gistingu
og morgunverð. „Svo fannst okkur
það ekki nógu skemmtilegt og vild-
um nýta okkar bakgrunn betur og
þennan einstaka stað,“ segir hún og
er nú beðin um að lýsa frekar því
sem hún kallar náttúrutúlkun í
gönguferðunum. „Þetta er aðferð
sem landverðir beita gjarnan í þjóð-
görðum. Hjá mér felst hún í því að
ég fræði fólk ekki aðeins um ör-
nefni í dalnum og mannlíf liðinna
alda heldur hjálpa því að upplifa
náttúruna og sjálft sig á dýpri hátt
en það á að venjast. Þar myndast
oft tengsl sem verða ekki rofin.
Þetta er meðal þess sem fólk er að
sækjast eftir þegar það ákveður að
dvelja hér í nokkra daga.“
Klængshóll er í botni Skíðadals, sem gengur inn úr Svarfaðardal.
Örn og Anna Dóra tvinna saman heimilislega stemningu, heilsueflingu og útivist á
Klængshóli.
Áreitið skilið eftir
fyrir utan dalinn
Á Klængshóli í Skíðadal er rekin heilsutengd ferðaþjón-
usta sem felst í gönguferðum með náttúrutúlkun, jóga,
höfuðbeina- og spjaldhryggjarmeðferð og heimilislegu
fæði með áherslu á lífrænt hráefni.
Laxveiði aldrei meiri en í sumar
LAXVEIÐI Í STÆRSTU ÁNUM Í SUMAR
Laxveiðiá 14. sept í ár* veiði 2004 breyting magnbreyting meðalveiði 1995-2004
Þverá-Kjarará 4.044 1.364 196% 2.680 1.614
Norðurá 3.138 1.386 126% 1752 1.727
Elliðaárnar 948 644 47% 304 638
Selá í Vopnafirði 2.252 1.691 33% 561 1.208
Eystri-Rangá 3.889 3.152 23% 737 2.237
Grímsá og Tunguá 1.310 1.101 19% 209 1.322
Haffjarðará 1.291 1.133 14% 158 773
Laxá í Dölum 1.717 1.537 12% 180 1.022
Laxá í Leirársveit 1.088 984 11% 104 1.044
Laxá í Aðaldal 1.014 937 8% 77 1.087
Vatnsdalsá 1.025 965 6% 60 717
Blanda 1.611 1.538 5% 73 984
Laxá í Kjós 1.520 1.502 1% 18 1.134
Hofsá í Vopnafirði 1.846 1.864 -1% -18 1.142
Víðidalsá 1.682 1.770 -5% -88 910
Ytri-Rangá 2.452 2.930 -16% -478 1.417
Langá 1.809 2.242 -19% -433 1.661
Miðfjarðará 1.466 2.268 -35% -802 996
34.102 29.008
HEIMILD: WWW.ANGLING.IS
*ATH: VEIÐI ER EKKI LOKIÐ Í FLESTUM ÁNNA OG BÚAST MÁ VIÐ EINHVERRI AUKNINGU Í HAUST.
„Sumarið var mjög fínt í Nauthóls-
vík,“ segir Óttar Hrafnkelsson, sem
var annar umsjónarmanna Yl-
strandarinnar í Nauthólsvík í sum-
ar. Hann segir að aðsóknin hafi
verið svipuð og síðastu sumur, um
120.000 manns.
Óttar tekur þó fram að ekki sé um
neitt kerfi að ræða sem geri mönn-
um kleift að fylgjast með aðsókn-
inni. Starfsmennirnir telji hins veg-
ar saman gestina á ströndinni
tvisvar á dag og því viti menn
gestafjöldann nokkuð nákvæmlega.
Að sögn Óttars er það ekki markmið
í sjálfu sér að fá sem flesta gesti í
Nauthólsvík, enda ekki innheimt
gjald fyrir komuna. „Það hefur þó
verið rukkað í búningsklefa, en það
var ekki gert í sumar.“ Það eina sem
fólk er rukkað fyrir er geymsla á
fötum. „Það sem við bjóðum upp á
er sandur og vatn. Þetta er þarna og
fólk getur komið ef það vill,“ segir
Óttar. „Síðan bjóðum við líka upp á
allt það sem íslensk veðrátta hefur
upp á að bjóða.“
„Menn eru orðnir meðvitaðri um
það en áður að veiðin er ekki sjálf-
gefin,“ segir Haraldur Eiríksson hjá
Stangveiðifélagi Reykjavíkur. Hann
segir að umgengni um laxveiðiár
hafi batnað mikið undanfarin ár og
álag á stofnana sé að minnka. „Til
að mynda hafa menn notað kvóta
og friðað fiskinn á ákveðnum
svæðum. Einnig er meira um að
menn sleppi veiddum laxi og þá
hefur maðkveiði að hausti víða ver-
ið hætt, en hún hjó mest í skörðin.“
Haraldur fullyrðir þó ekki að það sé
meginástæðan fyrir betri afla. „Það
hlýtur eiginlega að vera að aðstæð-
ur í sjó hafi verið hagstæðar þess-
um árgöngum. Þetta gæti verið út
af hlýjum sjó og hlýjum sumrum
undanfarin ár.“ Hann segir lítið
hafa veiðst af stórlaxi í sumar og
því virðist sem nú hafi komið mjög
sterkur árgangur af fiski sem hefur
verið eitt ár í hafi. Það er ólíkt því
sem var á síðasta metári árið 1978,
en þá blönduðust saman tveir
sterkir árgangar af löxum sem
höfðu verið eitt og tvö ár í sjó, sem
er mjög sjaldgæft. Í dag veiðist hins
vegar jafnan lítið af tveggja ára
stórlaxi.
Haraldur segir árið í ár ekki endi-
lega vera samanburðarhæft við
metárið 1978 þar sem ýmsir þættir
skekki myndina. „Það eru ekki
margar ár að skila neinni met-
veiði,“ segir hann. „Flestar árnar
eru svipaðar og árin á undan en
nokkrar ár að gera mun betur.“ Sér-
staklega bendir hann á Rangárnar
þar sem yfir sex þúsund laxar hafi
veiðst í ár, en þar hafi engir laxar
verið á þeim tíma.
Afgerandi meiri veiði hefur þó ver-
ið í tveimur ám, Norðurá og Þverá-
Kjarará, en í þeim hefur veiðin
meira en tvöfaldast og meira veiðst
í þeim en nokkurn tíma fyrr. Þá
hefur það aldrei gerst fyrr en í sum-
ar að yfir 4.000 laxar veiðist í einni
á hér á landi eins og nú hefur gerst
í Þverá-Kjarará.
Þá segir Haraldur að það hafi verið
sérstaklega gaman að sjá Elliðaána
stökkva upp. „Hún er jú ein af okk-
ar ám. Hún hefur átt undir högg að
sækja en það eru teikn á lofti um
meiri laxagöngur en við höfum séð
síðustu níu ár.“ Hún á þó enn nokk-
uð í land að ná sinni eðlilegu veiði
eins og hún var áður en kýlaveikin
kom upp.
Haraldur segir fátt hafa verið meira
rætt milli laxveiðimanna en mikla
veiði í sumar og að menn spái því
að heildarveiðin þegar sumri lýkur
verði 54.000-55.000 laxar.
Veiðimaðurinn Stefán Cramer bítur hér
veiðiuggann af sex punda hrygnu sem
hann veiddi í Breiðdalsá.
Haraldur Eiríksson sér um markaðs- og
sölumál hjá Stangveiðifélagi Reykjavíkur.
120.000 gestir heimsóttu Nauthólsvík í sumar
ÁLÍKA MARGIR GESTIR KOMU TIL NAUTHÓLSVÍKUR Í SUMAR OG UNDANFARIN SUMUR.
Sumarið 2005 er metár í laxveiði og því er spáð að end-
anleg veiði verði 55 þúsund laxar. Síðasta met var sett
1978. Þá gerðist það í fyrsta skipti í sumar að yfir 4.000
laxar veiddust í sömu ánni.
Óttar Hrafnkelsson í Nauthólsvíkinni.
Nauthólsvíkin á góðum degi í sumar.