Fréttablaðið - 22.09.2005, Page 38

4 ■■■ { útiverublaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■
Aloe Vera heilsunar vegna
Erum með þennan frábæra heilsudrykk
sem gefur aukið úthald og vellíðan.
Aloe vera styrkir ónæmiskerfið og hefur
reynstvel við húð og maga vandamálum
www.aloe.verslunin.net sjálfstæður dreifingaraðili á
Forever Living Products sími: 8696448
Viltu... minna hungur, meiri fitubrennslu,
meiri líkamsmótun... Árangur... ??
www.heilsufrettir.is/hm
Díana 18 kg Halldóra 20 kg Rósalind 16 kg
Hreyfing bætir ekki aðeins
þolið heldur líka geðheils-
una. Svo virðist sem hreyf-
ing hafi áhrif á boðefna-
kerfið í heilanum sem þung-
lyndi á rætur sínar í.
„Hreyfingin skiptir mjög miklu máli
fyrir geðheilsuna og útivera er
mjög góð,“ segir Guðrún Guð-
mundsdóttir, verkefnisstjóri Geð-
ræktar – Lýðheilsustöðvar. „Við
áttum okkur ekki alltaf á því hve
stutt er að fara til að komast í
kyrrðina og rólegheitin hérna rétt
við borgarmörkin og reyndar innan
þeirra líka. Við höfum mjög fín úti-
vistarsvæði við bæjardyrnar, til
dæmis Grasagarðinn, Elliðaárdal-
inn og Heiðmörk.“
Guðrún rifjar upp ráðstefnu sem
Íþrótta- og Ólympíusamband Ís-
lands hélt í samstarfi við Land-
læknisembættið, menntamálaráðu-
neytið og Lýðheilsustöð í vor. Yfir-
skrift ráðstefnunnar var: Heilbrigð
sál í hraustum líkama. Áhrif hreyf-
ingar á andlega líðan. „Meðal þess
sem kom fram þarna var að hreyf-
ing, þó ekki sé nema í litlum mæli
á hverjum degi, hefur mjög góð
áhrif á andlega líðan.“ Þó það sé
ekki vísindalega sannað segir Guð-
rún vísbendingar vera til um það að
hreyfingin hafi áhrif á boðefnakerf-
ið í heilanum sem þunglyndi á ræt-
ur sínar að rekja í. „Við vitum líka
öll að þegar við hreyfum okkur líð-
ur okkur betur.“ Hún minnir á að
fimmta geðorðið af geðorðunum tíu
er: „Hreyfðu þig daglega, það léttir
lundina.“
Þá segist Guðrún vera skotin í hug-
takinu „ávísun á hreyfingu“ sem
felur í sér að fagfólk í þessum geira
ávísi á hreyfingu sem hluta af með-
ferð, rétt eins og vísað er á lyf. „Við
endurhæfingu eftir til dæmis inn-
lagnir á geðdeildir er alltaf lögð
áhersla á hreyfingu sem hluta end-
urhæfingarinnar.“
Guðrún segir hreyfinguna alls ekki
þurfa að vera mikla, þó það henti
sumum. „Öll hreyfing er góð svo
lengi sem þér líður vel með það,“
segir hún. „Það er betra að byrja
hægt og taka lítil skref í einu því
það má alltaf bæta við, frekar en að
setja markið of hátt og gefast upp.“
Hún segir gott að hafa það í huga
að nota aðstæðurnar hverju sinni
til að hreyfa sig. „Það má leggja
bílnum lengra frá og labba þaðan í
vinnuna frekar en að leggja honum
rétt hjá. Það má nota stigann frek-
ar en lyftuna. Og það er hreyfing að
ryksuga.“
Sjálf fer Guðrún í sund alla morgna
og er þar í hópi fólks sem kemur
reglulega. „Mikið af þessu er eldra
fólk sem þrátt fyrir að vera hætt að
vinna rífur sig upp á morgnana til
að mæta í sund. Einn þeirra er rúm-
lega níræður maður sem kemur á
hverjum degi af því honum finnst
þetta hafa svo góð áhrif á sig.“
Guðrún segir að þarna sé félags-
skapur og það sé líka hluti af þessu.
„Við getum aldrei aðskilið hið and-
lega, líkamlega og félagslega. Það
spilar allt saman og ef brestir koma
í einn þessara þátta er það fljótt að
hafa áhrif á hina.“
Hreyfing skiptir miklu
máli fyrir geðheilsuna
Guðrún hvetur Reykvíkinga til að nýta sér betur kyrrðina á útivistarsvæðum í eða við borgina, eins og til dæmis í Heiðmörk, sem hér
sést, Elliðaárdal og Grasagarðinum.
„Mín tilmæli til skotveiðimanna
eru þau að þeir vandi sig í um-
gengni við rjúpuna og landið og
láta ekki græðgina ráða för,“ segir
Sigríður Anna Þórðardóttir um-
hverfisráðherra. Hún hefur sem
kunnugt er gefið út reglugerð sem
felur í sér leyfi til veiða á rjúpu á
tímabilinu 15. október til 30. nóv-
ember. Það er þremur vikum styttri
veiðitími en áður var. Einnig er
sölubann í gildi á rjúpu og rjúpna-
afurðum og þar með er veiði-
mönnum óheimilt að skjóta rjúpu í
atvinnuskyni og selja fuglinn til
verslana og veitingastaða. Sigríður
Anna segir sölubannið sett til að
koma í veg fyrir magnveiði og hef-
ur hún sterka trú á að það skili ár-
angri í að viðhalda rjúpnastofnin-
um. „Ég hef hvatt veiðimenn til að
gæta hófs. Við leggjum mikla
áherslu á að veiðarnar verði sjálf-
bærar, sem þýðir að það má ekki
ganga á stofninn. Það skiptir öllu
máli,“ segir hún. Náttúrufræði-
stofnun Íslands telur veiðina ekki
mega fara yfir 70.000 fugla og
ráðherrann segir nauðsynlegt að
fara eftir þeim ráðleggingum. „Það
byggist að sjálfsögðu á viðhorfi
veiðimannanna sjálfra og að þeir
fari eftir lögum og reglum,“ segir
Sigríður Anna og nefnir líka að
fleira tengist veiðunum eins og
akstur utan vega sem vissulega sé
bannaður. Hún er bjartsýn á að að-
gerðir stjórnvalda skili tilætluðum
árangri svo rjúpan hvíta fái áfram
að eiga sinn sess í íslenskri nátt-
úru. „Þau viðbrögð sem ég hef
fengið fyrir okkar ákvörðunum í
sambandi við veiðarnar eru mjög
góð enda höfum við vandað til
verka,“ segir hún að lokum.
Verðum að viðhalda rjúpnastofninum
Um miðjan næsta mánuð hefjast veiðar á rjúpu aftur eftir tæpra tveggja ára hlé. Stofninn hefur rúmlega þrefaldast en
þó biður umhverfisráðherra veiðimenn að gæta hófs.
Sigríður Anna biður rjúpnaveiðimenn að
gerast ekki of stórtækir og ganga um nátt-
úruna af virðingu.Ein er upp til fjalla.
Guðrún Guðmundsdóttir hjá Geðrækt seg-
ir hreyfingu skipta öllu máli fyrir geðheils-
una.
FR
ÉT
TA
B
LA
Ð
IÐ
/P
JE
TU
R
FR
ÉT
TA
B
LA
Ð
IÐ
/E
Ó
L