Fréttablaðið - 08.12.2005, Blaðsíða 12

12 8. desember 2005 FIMMTUDAGUR
Leki-göngustafir
fyrir þá sem gera kröfur
Verð frá kr. 4.990.-
SPÁNN Einn af hverjum fimm
Spánverjum verður að gera sér
að góðu að framfleyta sér fyrir
tæpar 24 þúsund krónur á mán-
uði samkvæmt tölum frá hag-
stofu landsins sem birtar voru
nýlega.
Upphæðin er undir fátæktar-
mörkum á Spáni en rannsókn-
in leiddi í ljós að fátæktin er
hvað mest í suðurhluta lands-
ins, í Andalúsíu og Castilla-La
Mancha.
Ungar fjölskyldur eiga erfitt
uppdráttar og eiga allt að sextíu
prósent þeirra í vandkvæðum
með að láta enda ná saman í lok
hvers mánaðar. ■
Ungar spænskar fjölskyldur:
Sextíu prósent
lifa við fátækt
AFRÍKA Barn lést og nokkrir eru
slasaðir eftir jarðskjálftann sem
reið yfir Austur-Afríku á mánudag.
Skjálftinn mældist 6,8 stig og
því var óttast að mikil eyðilegging
hefði orðið af hans völdum. Mest
virðist tjónið hafa orðið í Austur-
Kongó en þar hrundu nokkur hús
til grunna. Í einu húsanna varð barn
undir braki og lést.
Það var lán í óláni að upptök
skjálftans voru í óbyggðum og því
urðu afleiðingarnar af honum mun
minni en talið var í fyrstu. ■
Jarðskjálfti í Afríku:
Barn beið bana
BYGGINGAR RÝMDAR Í Nairobi, höfuðborg
Kenía, þusti fólk út úr húsum sínum enda
var kippurinn sem það fann fyrir allsterkur.
FRÉTTABLAÐIÐ/AP
Mafían í öryggisgeirann Skipulögð
glæpasamtök frá Austur-Evrópu hafa
reynt að undanförnu að kaupa fimm lítil
öryggisfyrirtæki í austurhluta Noregs, að
sögn Aftenposten. Ekki er talið að mafí-
an hyggist hasla sér völl á öryggissviðinu
heldur á að nota fyrirtækin til að greiða
fyrir glæpum.
NOREGUR
NÝIR GLUGGAR PÚSSAÐIR Presturinn
Günther Christoph Haase pússar hér nýjan
glugga sem sýnir mynd af fyrrum páfa,
Jóhannesi Páli II. Glugginn er í kirkjunni St.
Nicholas í Heuthen í austurhluta Þýska-
lands. FRÉTTABLAÐIÐ/AP
KJARAMÁL „Allnokkrir samning-
ar eru enn lausir og losna nú í
desember. Þar er kannski fyrst
og fremst um smærri hópa að
ræða,“ segir Ásmundur Stefáns-
son ríkissáttasemjari.
Margir aðilar hafa gengið frá
samningum sínum í þetta skiptið
og síðast í fyrradag samþykktu
blaðamenn nýja kjarasamninga
við Samtök atvinnulífsins. Ríkis-
sáttasemjari hefur ekki þurft
að hafa bein afskipti af mörg-
um kjaraviðræðum hingað til og
engar verkfallsboðanir eru fyrir-
hugaðar hjá þeim hópum sem enn
eiga eftir að semja.
Alls losnuðu tæplega fjörutíu
samningar í þessum mánuði og
segir Ásmundur stærsta samning-
inn vera milli ríkisins og Lækna-
félagsins. „Farmanna- og fiski-
mannasambandið á í viðræðum,
dýralæknar og Félag íslenskra
náttúrufræðinga eiga í viðræðum
og eins Verkamannafélagið Hlíf
í Hafnarfirði auk annarra hópa.
Þessir samningar geta að sjálfs-
sögðu tekið sinn tíma eins og þeir
stærri en öll samningagerð hing-
að til hefur gengið lipurlega og
embætti ríkissáttasemjara í raun
ekki þurft að koma að ýkja mörg-
um málum.“
- aöe
Mörg félög búin að ganga frá nýjum samningum:
Samningar gengið lipurlega
ENGIN VERKFÖLL Kjarasamningsgerð hefur
gengið vel hjá flestum án þess að ríkis-
sáttasemjari hafi þurft að koma að málum.
Aðeins sjúkraliðar hafa hingað til hótað
verkfalli en aðrir hópar hafa náð sátt um
samninga sína. FRÉTTABLAÐIÐ/VALLI
MENGUN Hjón með fimmtán mán-
aða barn sem búa við Nýlendu-
götu gátu ekki þolað lengur við í
íbúð sinni þar sem lykt sem kom
upp úr skolplögninni var farin að
valda þeim heilsutjóni og veru-
legum óþægindum um síðustu
helgi. Starfsmenn fyrirtækisins
Hreinsibíla voru að fóðra skólp-
lagnir í nálægri götu og spurði
Þór þá hverju þetta sætti. „Þeir
sögðust undrandi á því að þetta
kæmi til mín þar sem þeir væru
ekki að fóðra skólprör fyrir mína
götu,“ segir Þór Jóhannesson, íbúi
við Nýlendugötu.
Fyrst fundu þau fyrir lyktinni
á föstudagsmorgun og seinni part
sama dag var konan komin með
magapínu og afréðu þau þá að
pakka niður og fara með barnið og
gista annars staðar yfir helgina.
Lyktin beið þeirra svo enn á sunnu-
dagskvöldið og fram á mánudag.
Í síðasta mánuði sögðu tvær
fjölskyldur frá því í Fréttablaðinu
að þær hefðu þurft að flýja heim-
ili sín vegna lyktar sem kom upp
í íbúðum þeirra þegar verið var
að fóðra skólplagnir í grenndinni.
Fékk þá kona útbrot og önnur sýk-
ingareinkenni og asmasjúklingur
var margsinnis hætt kominn.
Lúðvík Gústafsson, deildar-
stjóri mengunarvarna á umhverfis-
sviði, sagði þá að ef slík lykt bær-
ist í hús þýddi það að skolplagnir
í húsinu væru ekki í lagi og borg-
aryfirvöld væru ekki ábyrg fyrir
þeim.
Gunnar Svavarsson, verkfræð-
ingur hjá Línuhönnun, sem hefur
eftirlit með fóðruninni, tekur í
sama streng: „Þetta er pólýester
sem er sett í lagnirnar en það er
lágmarks leysiefnanotkun í þessu
og það tekur efnið ekki nema tvo
til fjóra tíma að harðna þannig að
mér þykir afar ólíklegt að þessi
lykt hafi fundist yfir heila helgi.
Ef menn finna mikla lykt af þessu
eiga þeir að opna alla glugga og
taka því sem ábendingu um að
skólplagnirnar í húsinu séu ekki í
lagi.“
Hann segir að þær kvartan-
ir sem hafi borist vegna þessara
framkvæmda séu teljandi á fingr-
um annarrar handar.
Tilkynningar eru bornar í hús
áður en hafist er handa við fóðr-
un í viðkomandi götu. Fjölskylda
Þórs fékk enga tilkynningu þar
sem framkvæmdirnar fara ekki
fram í þeirri götu. Lúðvík segir
að til greina komi að endurskoða
þetta verklag svo að allt nágrenn-
ið viti af framkvæmdunum áður
en hafist er handa. jse@frettabladid.is
Flúðu eiturgufur og ólykt
Fjölskylda með fimmtán mánaða dreng varð að flýja úr íbúð sinni vegna fnyks sem barst inn í húsið
meðan verið var að fóðra skólplagnir í grenndinni. Eftirlitsmaður segir grunn vandans liggja í skólplögn.
HREINSIBÍLAR AÐ STÖRFUM Allnokkrir hafa þurft að fara úr húsum sínum meðan verið er
að fóðra skólpið. Eftirlitsmaður segir að í slíkum tilfellum sé sökin húseigandanna.
RANNSÓKNIR Rannsóknarmiðstöð
Íslands, Rannís, úthlutaði í gær
185 milljónum króna til rannsókna
á sviði erfðatækni og örtækni.
Fjórtán rannsóknarverkefni hlutu
styrk til næstu tveggja ára.
Fjögur verkefni sem fá styrk
voru kynnt á blaðamannafundi
í tilefni af styrkveitingunum.
Þau eru rannsóknir á stofnfrum-
um, arfgengum heilablæðingum,
lífnemum úr nanótækni og rann-
sóknir á örtækni til lyfjagjafar í
auga.
Rannsóknarverkefnin sem um
ræðir eru sameiginlegt átak opin-
berra aðila og einkaaðila. Þekk-
ing á sviði erfðafræði og örtækni
er á mismunandi stigi á Íslandi. Í
erfðafræði búa Íslendingar yfir
hlutfallslega mikilli þekkingu og
búist er við góðum árangri í verk-
efnum sem tengjast rannsóknum
á erfðum.
Þekkingargrunnur í örtækni er
hins vegar ekki mikill hér á landi
og talin er mikil þörf á að styrkja
rannsóknir þar. - sk
Rannsóknir í erfðafræði og örtækni styrktar:
185 milljónum úthlutað
ÞÓR JÓHANNESSON Þór þurfti að flýja með
fjölskylduna af Nýlendugötunni.
VERKEFNIN KYNNT Rannsóknarmiðstöð Íslands úthlutaði 185 milljónum til erfðafræði- og
örtæknirannsókna.