Fréttablaðið - 08.12.2005, Blaðsíða 44

[ ]eiga það til að fyllast af drasli sem ætti frekar heima á haugunum. Það er sniðugt að taka til í geymslunni fyrir jólin og henda því sem henda má svo pláss skapist fyrir það sem koma þarf fyrir í henni eftir jól.Geymslur
Ástvaldur Traustason píanó-
leikari á sér prívat afdrep uppi
í risi á heimilinu sínu.
„Hér er minn eftirlætisstaður og
hann á eftir að verða miklu flott-
ari þegar flygillinn kemur. Það
verður fyrir jól. Ég er með hjart-
slátt, ég er svo spenntur,“ segir
Ástvaldur hlæjandi um leið og
hann sýnir ágætt herbergi uppi á
lofti á heimilinu. Þar ætlar hann
að hafa setustofuhúsgögn og
hljóðfæri. „Hér get ég æft mig
í friði og jafnvel rekið fólk út ef
mér sýnist svo,“ segir hann prakk-
aralegur og bætir við: „Aðrir frá
samt náðarsamlegast að koma
hingað upp, gegn skriflegu leyfi.
Það endar sennilega með því að ég
setji upp passaskyldu og skanna í
stiganum!“
Ástvaldur hefur kennt fólki
að spila eftir eyranu í fimmtán
ár og rekur skólann Tónheima.
Nú hefur hann líka gefið út bók
handa öllum þeim sem hafa áhuga
á því að læra á píanó. Hún heitir
Hljómar í bókstaflegum skilningi
og nýtist jafnt byrjendum sem
lengra komnum, að sögn Ástvald-
ar. „Ég hef þá bjargföstu trú að
allir geti lært að spila á píanó ef
þá langar til og bókin er einföld
og aðgengileg fyrir almenning,“
segir hann. Sjálfur hefur hann
starfað sem píanóleikari í ýmsum
hljómsveitum, meðal annars
Milljónamæringunum og Sálinni
hans Jóns míns, og er nú í Stór-
sveit Reykjavíkur. Einnig leikur
hann á harmóniku í hljómsveit-
inni Bardukha og Tangósveit lýð-
veldisins. ■
Þegar flygillinn kemur
verður fjör á loftinu
Ástvaldur á loftinu góða sem flygillinn á eftir að setja svip sinn á. Gunnar Mikael Jóhannsson fékk líka góðfúslegt leyfi til uppgöngu.
FRÉTTABLAÐIÐ/HARI