Fréttablaðið - 08.12.2005, Page 22

22 8. desember 2005 FIMMTUDAGUR
HRAUNIÐ RENNUR Sextán hektara stór
hraunhella brotnaði úr jaðri Kilauea-fjalls
á Hawaii á dögunum og féll í hafið. Sam-
stundis tók nýtt hraun að renna og fylla
upp í skarðið. FRÉTTABLAÐIÐ/AP
Bandaríska sendiráðinu lokað
Sendiráði Bandaríkjanna í Maníla var
lokað í gær eftir vegna sprengjuhótunar.
Fulltrúar sendiráðsins töldu hana nægi-
lega trúverðuga til að lokun væri réttlæt-
anleg og hvöttu þeir Bandaríkjamenn
á eyjunum um leið til að gæta varúðar.
Herskáir íslamistar í samtökunum Abu
Sayyaf stóðu líklega fyrir hótuninni.
FILIPPSEYJAR
KÚBA, AP Einhver frægasti kúb-
verski drengur samtímans, Elian
Gonzales, hélt á þriðjudaginn upp
á tólf ára afmælið sitt og mætti
Fidel Castro, forseti í Kúbu, í
afmælið.
Sex ár eru liðin síðan móðir
Elians reyndi að flýja með strák-
inn til Bandaríkjanna. Bátur sem
mæðginin voru í sökk. Móðir
Elians drukknaði en drengurinn
fannst á reki í sjónum skammt
undan strönd Flórída. Í kjölfar
atburðarins vildi faðir Elians fá
hann aftur til Kúbu en ættingjar
drengsins í Bandaríkjunum vildu
halda honum í Bandaríkjunum.
Forræðisdeilan varð að milliríkja-
deilu milli Kúbu og Bandaríkjanna
og vakti hún heimsathygli. Svo fór
að lokum að faðirinn hafði betur í
forræðisdeilunni.
Castro minntist þessa sigurs í
tveggja tíma ræðu sem hann hélt í
afmæli Elians. ■
Sex ár eru síðan Elian Gonzalez fannst á reki undan strönd Flórída:
Castro mætti í tólf ára afmælið
DRENGNUM KLAPPAÐ Á HÖFUÐIÐ Elian
situr í skólabúningi við hlið Fídels Castro.
Forsetinn mætti til Cardenas, heimabæjar
Elians, til að fagna afmæli drengsins og
ekki síður sigursins í forræðisdeilunni.
Í ræðu sinni hrósaði Castro drengnum.
Sagði hann Elian þegar vera orðinn leið-
toga í skólanum og mikinn karate-snilling.