Fréttablaðið - 08.12.2005, Page 24

8. desember 2005 FIMMTUDAGUR24
nær og fjær
„ORÐRÉTT“
Söngelskir kirkjugestir í
Digraneskirkju þurfa ekki
lengur að grúfa sig ofan í
sálmabækurnar ætli þeir
sér að taka undir í söngn-
um. Sálmunum er varpað
upp á vegg og fyrir vikið
ómar söngur um alla kirkju
sem aldrei fyrr.
„Maður heyrir fólk syngja úti í
sal en heyrði ekki áður þegar fólk
var með hausinn ofan í sálmabók-
inni,“ segir Kjartan Sigurjónsson,
organisti í Digraneskirkju, en góð
reynsla er komin á nýja kerfið.
Sálmunum er varpað upp á vegg
með svonefndri Powerpoint-tækni
og birtast þeir í stóru letri. Ekki
er nóg með að almennir kirkju-
gestir taki betur undir í söngnum
en áður, Kjartan organisti segist
líka heyra betur í kórnum. „Höf-
uðstellingin er önnur,“ bætir hann
við til útskýringar.
Séra Gunnar Sigurjónsson
sóknarprestur er, eins og Kjart-
an, himinlifandi með nýja kerfið.
„Það er mikil bót að þessu. Fólk
tekur undir því sálmarnir blasa
við, þetta er því mjög hvetjandi
til söngs,“ segir hann. Gunnar
átti allt eins von á að eldra fólk-
ið yrði frekar á móti nýjunginni
en svo er nú aldeilis ekki. „Eldra
fólkið er mjög ánægt því þetta er
í svo stóru letri. Ein kona í sókn-
inni sagðist til dæmis loksins sjá
textann.“
Hugmyndin að því að leggja
sjálfar sálmabækurnar á hilluna
og varpa sálmunum upp á vegg
varð til í spjalli í kirkjunni og af
orðum Kjartans að dæma gerðist
það vegna áhuga hans og prestsins
á tækni fremur en að þörfin væri
knýjandi. „Þetta er nú fyrst og
fremst af því að við erum tækni-
frík,“ segir Kjartan og brosir.
Séra Gunnar hefur dásamað
ágæti nýju aðferðarinnar fyrir
prestum annarra sókna og má segja
að Powerpoint-væðing sálmanna
sé hafin. Nú eru gerðar tilraunir
í Breiðholtskirkju og áformað að
taka tæknina upp í Grafarvogs-
kirkju, svo eitthvað sé nefnt.
Nokkur vinna fylgir þessu fyrir-
komulagi; setja þarf sálmana og
aðrar upplýsingar inn í tölvu og
sérstakan starfsmann þarf til að
stýra kerfinu í messunni. Upp á
vegginn koma eitt til tvö vers í
einu, allt eftir lengd þeirra, og
birtast þau þar svart á hvítu. Ekki
verður letur- eða litabreyting eftir
því sem líður á sálminn, líkt og
þeir þekkja sem sungið hafa í kar-
ókí.
Þess má geta að séra Gunnar
er sterkasti prestur í heimi.
bjorn@frettabladid.is
Já, er FM hugsjón?
„Það voru ákveðnar
hugsjónir sem ég vildi að
yrðu hafðar að leiðarljósi
hjá stöðinni en á þessum
harða fjölmiðlamarkaði geta
minnstu mistök sett allt út
af sporinu.“
ÁSGEIR KOLBEINSSON FRÁFAR-
ANDI DAGSKRÁRSTJÓRI FM 957 Í
FRÉTTABLAÐINU
Góður maður Jón
„Jón Ólafsson virðist
einfaldlega hafa verið
meiri fagmaður en margir í
kringum hann og kunnað að
græða á kunnáttuleysi ann-
arra í mörgum tilvikum.“
EINAR KÁRASON RITHÖFUNDUR Í
MORGUNBLAÐINU.
„Ég er alltaf hræddur þegar ríkisfyrir-
tækjum er breytt í hlutafélög því það
getur endað með því að þau verði
gefin eins og við höfum dæmi um,“
segir Ragnar Þórðarson, kaupmað-
ur í Dúddabúð á Þingeyri, um nýtt
frumvarp menntamálaráðherra um
Ríkisútvarpið en samkvæmt því verður
stofnuninni breytt í hlutafélag. Dæmin
sem Ragnar vísar til eru bankarnir,
sem hann segir hafa verið gefna vild-
arvinum stjórnvalda.
Ragnar er ánægður með margt í dag-
skrá Sjónvarpsins og nefnir fréttir og
Kastljós sem dæmi. „Svo er Spaug-
stofan yndisleg, hún er toppurinn. Ég
dey ef þeir hætta,“ segir hann og hlær.
„Það breytir því hins vegar ekki að ég
er hræddur um afdrif Ríkisútvarpsins
ef því verður breytt í hlutafélag. Ég er
ekki hrifinn af hf.“
SJÓNARHÓLL
RÚV VERÐI HLUTAFÉLAG
RAGNAR ÞÓRÐARSON KAUPMAÐUR
VIÐ ORGELIÐ Kjartan Sigurjónsson organisti
heyrir mun betur í söngfólki í kirkjunni eftir
að byrjað var að varpa sálmunum upp á
vegg. FRÉTTABLAÐIÐ/GVA
SÁLMURINN Á SÍNUM STAÐ Séra Gunnar Sigurjónsson, sóknarprestur í Digraneskirkju,
tendrar ljósin á aðventukransinum með sálminn Kom þú, kom, vor Immanúel í bakgrunni.
Sigurbjörn Einarsson biskup þýddi sálminn, sem er franskur. FRÉTTABLAÐIÐ/GVA
Sálmunum varpað upp á vegg
Félag íslenskra bifreiðaeigenda aug-
lýsir nú á heimasíðu sinni aðild að
félaginu sem tilvalda jólagjöf. Sér-
stakt tilboð er á ársaðild; 3.600 krón-
ur í stað 4.140 króna. „Við höfum
ekki fengið rífandi viðbrögð við
þessu ennþá en þó einhver,“ segir
Runólfur Ólafsson, framkvæmda-
stjóri FÍB. Þetta er í fyrsta sinn sem
félagið beitir þessari aðferð til sókn-
ar í nýja félagsmenn en hugmyndin
er fengin frá erlendum systurfélög-
um.
Ýmislegt fylgir aðild að FÍB og
má þar nefna margvíslega verklega
aðstoð þegar bíllinn bilar, afsláttar-
tilboð hérlendis og erlendis og ráð-
gjöf af ýmsu tagi.
Spurður hvort aðild að FÍB sé
góð jólagjöf segist Runólfur ein-
dregið geta mælt með henni. „Ég
treysti mér vel til að vera jákvæður
í garð félagsins,“ segir hann og hlær
en býst síður við að gefa sjálfur
slíka gjöf.
Kostnaður af bílaeign er annar
stærsti útgjaldaliður heimilanna,
næst á eftir húsnæði. Og ef eitthvað
bjátar á getur aðild skipt sköpum.
„Félagsgjaldið er ekki há fjárhæð
en getur hjálpað mörgum ef á reyn-
ir,“ segir Runólfur.
Þó ekki hafi verið boðið sérstak-
lega upp á FÍB-aðild sem jólagjöf
fram til þessa hafa margir fengið
aðild að gjöf í gegnum árin því að
sögn Runólfs er ekki óalgengt að
foreldrar gefi börnum sínum aðild
að FÍB þegar þau hefja búskap.
Félagsmenn í FÍB eru á sex-
tánda þúsund og má því segja að um
tuttugu prósent fjölskyldna í land-
inu tengist Félagi íslenskra bifreiða-
eigenda. - bþs
RUNÓLFUR ÓLAFSSON Framkvæmdastjóri FÍB segir ekki óalgengt að foreldrar gefi börnum
sínum FÍB-aðild.
Samkeppnin um jólagjafir er hörð. Félag íslenskra bifreiðaeigenda býður eina:
Gefðu FÍB-aðild í jólagjöf!
Varhugavert
„Eins og flestir vita er mikið um að vera hér fyrir austan
og rífandi uppgangur. Við stöndum í miklum fram-
kvæmdum hjá sveitarfélaginu, í uppbyggingu skóla-
mannvirkja, íþróttahúss og sundlaugar,“ segir Þorbergur
Hauksson, slökkviliðsstjóri og formaður bæjarráðs
Fjarðabyggðar, þegar Fréttablaðið náði tali af honum.
Búist er við mikilli fjölgun íbúa í sveitarfélaginu vegna
framkvæmda og álvers á Reyðarfirði. Með slíkri fjölgun er
ekki nóg að gera ráð fyrir fleiri starfandi einstaklingum,
heldur þarf einnig að huga að öllum börnunum sem
flytja austur.
„Við erum að bæta við grunnskóla á Reyðarfirði og að
því loknu verðum við búnir að byggja upp alla grunnskól-
ana í Fjarðabyggð. Við erum nýbúnir að ljúka byggingu
leikskóla á Reyðarfirði og það er tiltölulega nýr leikskóli
á Eskifirði. Við erum að byggja sundlaug á Eskifirði og
knattspyrnuhús á Reyðarfirði. Fyrir utan allt þetta erum
við að byggja upp götur og útbúa nýjar lóðir.
Það er mikill hugur í fólki og það verður að segjast eins
og er að það er mikil breyting frá því sem var fyrir fjórum
árum síðan.“
Þegar Þorbergur er spurður um sérstakar ráðstafanir
slökkviliðsins í Fjarðabyggð í tilefni jólanna segir hann
að forvarnarstarf skipti miklu máli. Jólin eru hátíð
ljóssins og vegna fjölda kerta- og rafljósa sem lýsa
upp heimilin er brunahætta á þessum árstíma mun
meiri en á öðrum tímum ársins.
„Það er eldvarnavika í skólunum núna, ég fer í skól-
ana og er með fræðslu og kynningu um eldvarnir
heimilanna.
Við leggjum mikla áherslu á það fyrir jólin
að fólk kunni rétt viðbrögð þegar það fæst
við eld. Við höfum verið duglegir að kynna
eldvarnir í skólunum vegna þess að maður
nær langbest til foreldranna í gegnum
börnin,“ segir Þorbergur að lokum.
HVAÐ ER AÐ FRÉTTA? ÞORBERGUR HAUKSSON, SLÖKKVILIÐSSTJÓRI OG FORMAÐUR BÆJARRÁÐS Í FJARÐARBYGGÐ
Það er rífandi uppgangur í Fjarðabyggð
Við dauðans
dyr í Fossvogi
Sonja sveltir sig á aðventunni
Vill bætt kjör fyrir öryrkja
og ellilífeyrisþega
Heimtar bætt kjö fyri
öryrkja og ellilífeyrisþega
DV2x15 - lesið 7.12.2005 19:49 Page 1