Fréttablaðið - 08.12.2005, Qupperneq 88

8. desember 2005 FIMMTUDAGUR68
�����������
� � � � � � � �� � �
���������������
�������������� ��������������������������� ����������
�������� �������
��������� �������
������ ��������
������������
����
���������
��������������
������ ������
������������� ���
FÓTBOLTI Enn eina ferðina er Paul
Gascoigne kominn í blöðin fyrir
vandræði utan vallar. Hann var
rekinn sem þjálfari frá Kettering
þar sem hann var alltaf fullur í
vinnunni - hann hafnar ásökunum
og ber við að hann fái sér aðeins
einstaka staup - og nú er búið að
kæra hann fyrir að berja ljós-
myndara fyrir utan veitingastað í
Liverpool.
Gazza var í fylgd með vinum
og það fauk í hann er hann sá ljós-
myndarann fyrir utan. Þeir rifust
heiftarlega og endaði rifrildið
með því að Gazza kýldi ljósmynd-
arann svo hressilega að hann fékk
stóran skurð fyrir ofan augað og
blæddi hressilega úr. Gazza var
handtekinn í kjölfarið.
Kettering er með rannsókn í
gangi á hegðun Gazza hjá félag-
inu en forkólfar félagsins segja
hann hafa verið drukkinn í tíma
og ótíma. „Ég fékk mér tvöfald-
an brandí til að heiðra minningu
Best um helgina. Hvað með það?
Áður fyrr drakk ég fjórar flöskur
af viskí,“ sagði Gazza en Imraan
Ladak, eigandi Kettering, segir að
hann hafi verið drukkinn í leikj-
um, á æfingum, í búningsklefan-
um og í liðsrútunni.
„Ég hef átt samtöl við Paul
þar sem hann var svo fullur að
hann man ekki eftir þeim. Hann
þarfnast aðstoðar,“ sagði Imraan
Ladak.
Hegðun Gazza minnir um
margt á George Best sem lést
á dögunum en óhófleg áfengis-
neysla varð honum að falli. Lækn-
irinn sem reyndi að bjarga Best
óttast um Gascoigne.
„Maður hefði haldið að dauði
Bests fengi hann til þess að hugsa
en svo virðist ekki vera. Hann
þarf að sækja sér alla þá hjálp
sem hann getur. Það er ömurlegt
að horfa upp á ástandið á honum,”
sagði dr. Roger Williams.
- hbg
Fallna stjarnan Paul Gascoigne er í tómu rugli þessa dagana:
Fer Gazza sömu leið og Best?
PAUL GASCOIGNE Gengur illa í baráttunni
gegn Bakkusi.
FÓTBOLTI „Ég var að reyna að ná til
boltans þegar Essien setur takk-
ana í mig, rétt ofan við hné. Dóm-
arinn sá þetta ekki og þess vegna
reyndi ég bara að halda áfram.
Ég hélt að ég væri fótbrotinn, en
sem betur fer virðist ég ekki hafa
slasast alvarlega,“ sagði Dietmar
Hamann eftir leik Chelsea og
Liverpool á Stamford Bridge, en
Mickael Essien braut illa á Ham-
ann í leiknum, án þess að hann
fengi refsingu fyrir.
Hamann var undrandi á því að
Essien hafi ekki beðist afsökunar
á atvikinu eftir leikinn. „Yfirleitt
takast menn í hendur eftir leik
og biðjast afsökunar þegar svona
kemur fyrir. En Essien kom aldrei
til mín eftir leikinn, og gerði enga
tilraun þess að biðjast afsökunar á
þessum fáranlega broti. Þetta var
versta tækling sem ég hef orðið
fyrir á ferli mínum.“
Rafael Benitez, knattspyrnu-
stjóri Liverpool, sagðist hafa séð
brotið skýrt og greinilega. „Ég
sá þetta brot greinilega og hef að
auki skoðað það í sjónvarpi. Ham-
ann var heppinn að meiðast ekki
illa og ég veit ekki hvernig hann
fór að því að sleppa svona vel.“
Hamann sjálfur sagðist hafa
verið hikandi við að halda leik
áfram. „Þegar maður lendir í
svona löguðu er mikilvægt að
halda einbeitingu og láta ekki
deigan síga. Mér fannst ég þurfa
að halda áfram til þess að raska
ekki jafnvæginu í leiknum. En
ef ég hefði orðið fyrir þessari
tæklingu í einhverjum leik sem
ekki var jafn mikilvægur, þá hefði
ég beðið um skptingu.“
Jose Mourinho, knattspyrnu-
stjóri Chelsea, neitaði að tjá sig um
brotið á Hamann en sneri umræð-
unni fljótt upp í það að hann fengi
yfirleitt ósanngjarna meðferð hjá
dómurum. „Ég ætla ekkert að tjá
mig um þetta brot hjá Essien. En
ég er hættur á kvarta yfir dóm-
gæslunni þar sem ég fæ nú yfir-
leitt ekki sömu meðferð og aðrir
þjálfarar.“
Knattspyrnusamband Evrópu
ætlar að skoða brot Essiens á
Hamann nánar og er nú með
myndbandsupptökur af brotinu til
rannsóknar. magnush@frettabladid.is
UEFA rannsakar skrautlegt brot Essien á Hamann:
Hélt ég væri fótbrotinn
HÖRÐ TÆKLING Dietmar Hamann sést hér engjast af sársauka eftir harða tæklingu frá
Mickael Essien, sem liggur á vellinum.
FÓTBOLTI David Beckham er ekki
bara góður knattspyrnumaður
heldur er hann einstök peninga-
maskína sem malar gull á hverju
einasta ári. Nú er svo komið að
hann hefur algjörlega stungið
kollega sína af en auðæfi hans eru
metin á 75 milljónir punda sem er
rúmlega helmingi meira en næsti
maður á. Það er Hollendingurinn
Dennis Bergkamp hjá Arsenal en
auður hans er metinn á 37 milljón-
ir punda.
Beckham er með 116 þúsund
pund í vikulaun hjá Real Madrid
en það eru stórir auglýsingasamn-
ingar sem færa honum hvað mest-
ar tekjar. Athygli vekur að Robbie
Fowler er í fjórða sæti listans en
hann hefur fjárfest skynsamlega
í fasteignum og öðru og það skilar
honum í fjórða sætið.
Michael Owen er einnig að gera
góða hluti í þriðja sætinu en hann
er nýbúinn að gera samning við
Newcastle sem færir honum 102
þúsund pund í vikulaun.
Jose Mourinho er ríkasti stjór-
inn á Bretlandseyjum samkvæmt
listanum en auðæfi hans eru
metin á 20 milljónir punda. Helsta
ástæðan fyrir ríkidæmi Mour-
inhos eru feitir auglýsingasamn-
ingar við American Express og
Samsung. Næstríkustu stjórarnir
eru Sir Alex Ferguson og Sven-
Göran Eriksson.
Það þarf síðan vart að taka
fram að Roman Abramovich, eig-
andi Chelsea, er langríkasti eig-
andi knattspyrnuliðs á Bretlandi.
henry@frettabladid.is
Gullkálfurinn Beckham
græðir á tá og fingri
David Beckham verður ríkari með hverju árinu og nú er svo komið að hann á
helmingi meiri peninga en næstríkasti knattspyrnumaður Bretlands.
GULLKÁLFUR David Beckham er stærsta nafnið í knattspyrnuheiminum og þekkt út um
allan heim. Hann hefur markaðssett sjálfan sig frábærlega og uppsker eftir því.
FRÉTTABLAÐIÐ/GETTY IMAGES
Ríkastir Áætluð auðæfi
David Beckham 75 milljónir punda
Dennis Bergkamp 37
Michael Owen 30
Robbie Fowler 28
Sol Campbell 26
Roy Keane 25
Alan Shearer 22
Rio Ferdinand 20
Ryan Giggs 20
Ruud Van Nistelrooy 20
FÓTBOLTI Anton Ferdinand, yngri
bróðir Rios og leikmaður West
Ham, lenti í merkilegri uppákomu
á dögunum þegar öfundsjúkur
kærasti stúlku sem hann hafði
verið að spjalla við rændi síman-
um hans.
Forsaga málsins er sú að Anton
og félagi hans hjá West Ham,
Nigel Reo-Coker, hittu stúlkuna á
skemmtistað. Vel fór á með Antoni
og stúlkunni og gaf hún honum
símanúmerið sitt.
Kærasti stúlkunnar, sem heit-
ir Leon McDowall og leikur með
utandeildarliði, komst að þessu
og varð lítt hrifinn. Hann fór til
Antons og krafðist þess að hann
eyddi númeri stúlkunnar úr sím-
anum. Við því vildi Anton ekki
verða og þá greip Leon til þess
ráðs að ráðast á þá félaga og stela
símum stjarnanna. Þeir kærðu í
kjölfarið.
Anton Ferdinand:
Símanum rænt
af Antoni
ANTON FERDINAND Byrjaður að heilla
dömurnar eins og stóri bróðir hans.
FÓTBOLTI Pape Diouf, stjórnarfor-
maður Marseille, segir að franski
framherjinn Djibril Cisse vilji
ólmur ganga í raðir félagsins.
„Djibril er ekki sáttur við
ástandið hjá Liverpool og
Marseille er í hjarta hans,“ sagði
Diouf en Cisse gekk í raðir Liver-
pool frá Auxerre í júlí árið 2004
fyrir fjórtán milljónir punda.
Hann virtist ekki eiga mikla fram-
tíð á Anfield í upphafi árs en góð
frammistaða síðustu vikur hefur
styrkt stöðu hans.
Stjórnarformaður Marseille:
Cisse vill koma
FÓTBOLTI Félagarnir Agnar Freyr
Helgason og Guðjón Ingi Eiríks-
son eru búnir að skrifa bók um 100
ára sögu Chelsea sem nefnist „Frá
Feita-Willie til Eiðs Smára“.
Fjallað er um Feita-Willie, sem
var fyrsta knattspyrnustjarna
Chelsea og jafnframt fyrsti fyr-
irliði þess, og fleiri goðsagnir í
sögu félagsins. Eiður Smári Guð-
johnsen fær einnig veglegan sess
í bókinni. Fjölmargar myndir
prýða bókina, sem er rúmlega 120
blaðsíður.
Bók um Chelsea komin út:
Frá Feita-Willie
til Eiðs Smára