Fréttablaðið - 31.05.2006, Blaðsíða 14

14 31. maí 2006 MIÐVIKUDAGUR
KOSNINGAR „Ein tilgátan er sú að
keimlík stefnumál flokkanna sem
buðu sig fram nú hafi valdið því að
fólk hafi talið
það litlu skipta
hvort kosið var
eða ekki,“ segir
Ólafur Þ. Harð-
arsson, stjórn-
málafræðingur
við Háskóla
Íslands.
Kjörsókn í
sveitarstjórnar-
kosningunum í
Reykjavík var
sú dræmasta um langa hríð en
aðeins 77 prósent kosningabærra
manna í höfuðborginni greiddu
atkvæði um helgina samanborið
við 82 prósent fyrir fjórum árum.
Er þetta í fyrsta sinn sem dregur
verulega úr þáttöku í en Ólafur
segir þó að 77 prósent sé engu að
síður hátt hlutfall í alþjóðlegum
samanburði. „Erlendis hefur kjör-
sókn minnkað verulega bæði í
þing- og sveitarstjórnarkosning-
um og við gætum verið að taka
fyrstu skrefin til sams konar þró-
unar.“
Ólafur segist fullviss að
almennur áhugi á stjórnmálum
hafi ekki minnkað hérlendis held-
ur sé ástæða dræmari kjörsókn
núna séu minni hugmyndafræði-
leg átök milli flokka. „Þau eru lík-
leg til að skila sér í minni kjör-
sókn.“ - aöe
KJÖRDAGUR Dræm kjörsókn er ekki ávísun
á minni almennan áhuga á stjórnmálum
að mati Ólafs.
Kjörsókn í sveitarstjórnarkosningum í Reykjavík ekki verið minni um langa hríð:
Stefnumál flokka keimlík
DÓMSMÁL Hjálparsveit skáta í
Kópavogi og Slysavarnarfélagið
Landsbjörg voru í Héraðsdómi
Reykjavíkur í gær dæmd til að
greiða manni sameiginlega 3,1
milljón króna auk 300 þúsunda
króna í málskostnað.
Að kvöldi gamlársdags 2001 var
maðurinn að fást við skottertu,
sem sprakk skyndilega með þeim
afleiðingum að hann hlaut meðal
annars áverka á vinstri hendi.
Maðurinn var gestkomandi á heim-
ili tengdasonar síns umrætt kvöld.
Þeir voru að skjóta upp þriggja
tommu skottertu sem tengdason-
urinn hafði fengið hjá Hjálpar-
sveit skáta í Kópavogi. Maðurinn
var að skera pappalok af henni
þegar hún sprakk, en tengdasonur
hans stóð skammt frá með stjörnu-
blys í hendi. Maðurinn hlaut 12
prósenta varanlegan miska og 12
prósenta varanlega læknisfræði-
lega örorku. Hann stefndi Hjálpar-
sveit skáta á þeirri forsendu að
starfsmaður hennar hefði afhent
tengdasyninum skottertu, sem
ekki hefði verið ætluð til almennr-
ar sölu, heldur til flugeldasýninga.
Þá stefndi maðurinn tengdasyn-
inum fyrir að hafa undir höndum
ólöglegu vöru og að sprengingin
kynni að hafa orðið vegna elds frá
stjörnuljósinu sem tengdasonur-
inn hélt á.
Dómurinn sýknaði tengdason-
inn en rétturinn komst að þeirri
niðurstöðu að skottertan hefði
verið gölluð. - jss
Hjálparsveit skáta í Kópavogi og Landsbjörg dæmd til að greiða skaðabætur vegna slyss:
Milljónir vegna galla í skottertu
ÍTALÍA, AP Lögreglumenn víða um
Evrópu handtóku á sunnudag 41
mann, eftir að ítalska lögreglan
kom upp um glæpahring þar sem
börn níu ára og eldri voru keypt
eða leigð af fátækum fjölskyldum í
Búlgaríu. Lögregla telur að vel yfir
100 börnum hafi verið smyglað til
ýmissa Evrópulanda.
Að sögn lögreglu var flestum börn-
unum kenndur vasaþjófnaður, þó
eitthvað hafi verið um kynlífsþrælk-
un á þeim líka.
Mennirnir, sem allir eru Búlgarar,
voru handteknir á Ítalíu, í Búlgar-
íu, Þýskalandi og Austurríki. Jafn-
framt er verið að rannsaka aðild 75
manns til viðbótar að málinu. - smk
Börn seld mansali:
41 maður
handtekinn
MENNTAMÁL Samtök iðnaðarins
munu styrkja tvær stofnanir
Háskóla Íslands um 2,5 milljónir
króna á ári sam-
kvæmt samningi
sem undirritaður
verður á mánudag-
inn.
Um er að ræða
Aþjóðamálastofn-
un og Rannsóknar-
setur um smáríki
en með þessum
stuðningi verður
hægt að efla til
muna rannsóknir allar og verkefni
innan stofnananna tveggja. Eru þær
vettvangur fyrir þverfaglegt sam-
starf á sviði alþjóðamála og smá-
ríkjarannsókna innan skólans. - aöe
KRISTÍN
INGÓLFSDÓTTIR
Samtök iðnaðarins:
Styrkja tvær
stofnanir HÍ
Frestur til að afhenda ofangreinda seðla til innlausnar er fram
að 1. júní 2007. Allir bankar og sparisjóðir eru skyldugir að taka við
seðlunum til þess tíma og láta í staðinn peninga, sem ekki á að innkalla.
Seðlarnir, sem innkalla á, eru lögmætur gjaldmiðill í lögskiptum manna til
loka innköllunarfrestsins. Seðlabanki Íslands mun þó innleysa ofangreinda
seðla í ekki skemmri tíma en 12 mánuði þar á eftir.
Efni er varðar innköllunina má finna á vef Seðlabanka Íslands (www.sedlabanki.is).
Reykjavík, 31. maí 2006
SEÐALBANKI ÍSLANDS
Auglýsing um innköllun þriggja seðlastærða
Samkvæmt reglugerð nr. 1125 frá 25. nóvember 2005,
sem sett er með heimild í lögum um gjaldmiðil Íslands,
nr. 22/1968, hefur forsætisráðherra, að tillögu Seðlabanka Íslands,
ákveðið innköllun neðangreindra þriggja seðlastærða.
Þessir seðlar voru fyrst útgefnir árið 1981.
FLUGELDAR Skottertan var ekki ætluð í almenna sölu.
DAUÐIR FISKAR Þúsundir fiska hafa
drepist undanfarna daga á fiskeldisstöð í
Suður-Kína af ókunnum ástæðum. Þó að
Kínverjar verði ríkari með hverju árinu sem
líður er lítið um náttúruvernd þar í landi
og hefur mengun eyðilagt stóran hluta
vatnsforða landsmanna. FRÉTTABLAÐIÐ/AP
AFGANISTAN, AP Banvænt umferð-
arslys í Kabúl, sem bandarískir
herbílar áttu hlut að, varð á mánu-
dag kveikjan að verstu óeirðunum
sem upp hafa komið í afgönsku
höfuðborginni frá því innrásarlið
undir forystu Bandaríkjamanna
steypti talibanastjórninni þar í
lok árs 2001.
Talsmenn Bandaríkjahers í
Afganistan greindu í gær frá því
að bremsurnar hefðu bilað í her-
trukki sem var á leið niður brekku
í norðurhluta Kabúl á mánudags-
morgun. Hann hefði því rekist á
nokkra bíla heimamanna með
þeim afleiðingum að allt að fimm
manns létu lífið og aðrir slösuð-
ust.
Í framhaldi af slysinu óð æstur
múgur um götur borgarinnar, fór
ránshendi um verslanir og starfs-
stöðvar erlendra hjálparsamtaka,
kveikti í lögreglubílum og hrópaði
„niður með Bandaríkin“. Allt að
11 manns létu lífið í þessum átök-
um og 107 særðust, að sögn tals-
mann afganskra yfirvalda.
Hamid Karzai, forseti Afgan-
istans, gaf út yfirlýsingu þar sem
hann hvatti til stillingar. Útgöngu-
bann var sett á borgina aðfarar-
nótt þriðjudags og hermenn hafa
staðið vörð víða um borgina til
þess að koma í veg fyrir frekari
átök. Að minnsta kosti tíu Íslend-
ingar dvelja nú í borginni.
Byssumaður á mótorhjóli skaut
til bana þrjá afganska starfsmenn
alþjóðlegra hjálparsamtaka og
bílstjóra þeirra þar sem þeir voru
á ferð í norðurhluta Afganistans í
gær. Atvikið var ekki talið tengj-
ast uppþotunum í Kabúl. - aa
REIÐI Í GARÐ SETULIÐS Afganskir piltar henda grjóti að bandarískum herbíl í uppþotunum í
Kabúl á mánudag. FRÉTTABLAÐIÐ/AP
Óeirðir eftir banaslys sem herbíll olli í Kabúl:
Verstu uppþot
frá falli talibana
ÓLAFUR Þ.
HARÐARSON
Fundust hauslausir Lík þriggja
lögreglumanna fundust í suðurhluta
Afganistans á sunnudag og vantaði
höfuðin á þau öll. Leitað hafði verið
að mönnunum síðan á föstudag en
yfirvöld komust á sporið eftir ábendingu
frá þorpsbúum á svæðinu. Fullyrða
stjórnvöld að talibanar hafi drepið
lögreglumennina.
AFGANISTAN