Fréttablaðið - 31.05.2006, Blaðsíða 24

[ ]
VR og fleiri stéttarfélög styrkja þátttöku félagsmanna sinna á námskeiðinu.
Þau hafa
lengt sinn
sólarhring!
“Ekki eingöngu les ég hraðar.
Ég les með ...margfalt meiri skilning.”
Inger, 24 ára Sjúkraliði og nemi.
“...held ég sé á góðri leið með að ná
inntökuprófinu í læknadeild í vor.”
Bergþóra Þorgeirsdóttir, 18 ára næstum
því stúdent.
“...hvergi áður náð jafn hárri ávöxtun á
tímasparnað ...”
Fylkir Sævarsson, 39 ára Iðnfræðingur.
Hvað segja nemendur okkar um námskeiðið:
Frábært, markvisst, hnitmiðað, æviábyrgð, nytsamlegt, krefjandi,
skemmtilegt, mjög gott, skipulagning, einbeiting, jákvæðni, mikil aðstoð,
góður kennari, spennandi, árangursríkt, hvetjandi, góð þjónusta.
Nýtt námskeið - 6 vikna námskei hefst 7. júní
... næsta 3. vikna hraðnámskeið 13. júní
... Akureyri 3. vikna hraðnámskeið 26. júní
Skráning á sumarnámskeið er hafin
á www.h.is og í síma 586-9400
550 5000
AUGLÝSINGASÍMI
Menntamálaráðuneytið úthlut-
aði rúmum 17 milljónum til 42
þróunarverkefna í framhalds-
skólum og til fullorðinsfræðslu.
Menntamálaráðuneytið hefur
úthlutað styrkjum til þróunar-
verkefna í framhaldsskólum og til
fullorðinsfræðslu á árinu 2006.
Alls var sótt um styrki til 57 verk-
efna. Að fengnum tillögum
nefndar sem metur umsóknir og
gerir tillögur um úthlutun hefur
menntamálaráðherra ákveðið að
veita 17,1 milljón króna til 42 verk-
efna.
Hæstu styrkirnir fóru til
Íslenskubrautar Alþjóðahússins
sem fékk 900 þúsund krónur og
Fjölbrautaskóla Suðurlands sem
fékk 800 þúsund krónur fyrir
verkefnið Hestamennska í
almennum framhaldsskóla.
Styrkir veittir til
þróunarverkefna
Alþjóðahúsið fékk hæsta styrkinn fyrir
verkefnið Íslenskubraut.
Hildur Mist Friðjónsdóttir var
að ljúka öðru ári á hagfræði-
sviði viðskiptabrautar í Versl-
unarskóla Íslands. Hún segir
að nám og félagslíf í Verslunar-
skólanum sé frábært og mælir
hiklaust með skólanum.
Hildur er mjög ánægð með við-
skiptabrautina og segir að hún sé
að læra margt mjög skemmtilegt
á henni. „Ég valdi þessa braut af
því að á henni er kennt mikið af
bókfærslu, hagfræði og stærð-
fræði sem mér finnst allt mjög
skemmtilegt.“
Á brautinni eru auk sérgreina
kenndar allar hefðbundnar greinar
til stúdentsprófs. „Við erum í
íslensku og ensku öll árin, tökum
einn áfanga í náttúrufræði á fyrsta
ári og einn áfanga í sögu næsta
vetur og erum þrjú ár í þýsku eða
frönsku og tvö ár í dönsku. Grunn-
urinn er svipaður og hjá öðrum en
það sem er sérstakt við brautina
er bókfærsla og hagfræði. Við
vorum til dæmis í bókfærslu fyrir
áramót og tölvubókhaldi eftir ára-
mót, tökum rekstrarhagfræði og
þjóðhagfræði og svo held ég að við
tökum einn áfanga í lögfræði á
síðasta árinu,“ segir Hildur.
Hagfræðin er í mestu uppá-
haldi hjá Hildi af því sem hún
lærir á viðskiptabrautinni. „Það
kom mér eiginlega á óvart hversu
skemmtileg mér finnst hagfræð-
in. Ég væri alveg til í að fara í hag-
fræðinám í háskólanum eftir að ég
útskrifast þó að ég búist við því að
ég taki mér eitthvað frí fyrst. Mig
myndi langa til þess að fara í
háskóla úti en það getur vel verið
að ég byrji hérna heima og fari
síðan út.“
Hildur segir að á viðskipta-
brautinni sé hægt að taka ýmsa
valáfanga. „Við getum til dæmis
valið um áfanga í dönskum kvik-
myndum, heimspeki og Njálu. Mér
finnst mest spennandi áfangi sem
fjallar um gyðinga og nasista og
allar útrýmingarbúðirnar en í
þeim áfanga er farið til Póllands í
lok annarinnar þar sem útrýmingar-
búðir eru skoðaðar. Svo er hægt að
taka áfanga sem heitir Frakkland
- listir, menning og saga, og í
honum er farið til Parísar í skoð-
unarferð.“
Hildur telur að viðskiptabrautin
sé mjög góður grunnur fyrir
háskólanám í viðskiptafræði og
hagfræði. „Námið er alveg til fyrir-
myndar í Versló og ég mæli hik-
laust með þessari braut fyrir þá
sem hafa áhuga á viðskiptafræði
og hagfræði. Svo er búið að breyta
kerfinu í skólanum þannig að
námið er hætt að vera bara við-
skiptatengt og í honum er mjög
góð náttúrufræðibraut og alþjóða-
braut. Ég mæli með Versló fyrir
alla sem vilja komast í góðan
skóla.“
Félagslífið í Verslunarskólan-
um er líka mjög gott að sögn Hild-
ar. „Ég hef reyndar ekki tekið mik-
inn þátt í því þar sem ég hef haft
nóg annað að gera en flestir taka
mjög virkan þátt í félagslífinu og
það er mjög öflugt og gott starf
sem er unnið í því.“
Hildur er komin í sumarfrí og
ætlar að nota það vel en hún hlakk-
ar samt til þess að byrja aftur í
skólanum í haust. „Ég hlakka sér-
staklega til þess að fara í sögu því
ég hef ekki lært sögu síðan ég var
í tíunda bekk og svo finnst mér
alltaf mjög gaman að læra þýsku
og hagfræði.“
emilia@frettabladid.is
Viðskiptabrautin góður
grunnur fyrir háskólann
Hildi finnst hagfræði mjög skemmtileg og er ánægð með brautina sem hún valdi. FRÉTTABLAÐIÐ/HEIÐA
Allir geta gert eitthvað betur en aðrir. Það þarf ekki að vera mikið
eða merkilegt til að koma sér áfram í lífinu. Sjáðu bara Arnold
Schwarzenegger.