Fréttablaðið - 31.05.2006, Blaðsíða 45

MARKAÐURINN
A U R A S Á L I N
31. MAÍ 2006 MIÐVIKUDAGUR18
F Y R I R T Æ K I
Islandia hefur verið í Kringlunni frá árinu
1987 en var áður hluti Rammagerðarveldisins.
Tengdaforeldrar Kjartans Antonssonar, þau
Bjarni Jóhannesson og Ásta Jóhannsdóttir,
keyptu búðina árið 1993, skildu hana frá
Rammagerðinni og breyttu nafninu í
Islandia. Bjarni Jóhannesson er einmitt sonur
Jóhannesar Bjarnasonar í Rammagerðinni.
„Tengdaforeldrar mínir höfðu unnið lengi
áður í Rammagerðinni. Kringlan var opnuð
árið 1987 og búðin hefur verið á sama stað
síðan þá,“ segir Kjartan.
Tengdaforeldrar Kjartans stofnuðu einn-
ig Bol og ráku til margra ára. Þau seldu
Bol fyrir nokkrum árum en Kjartan segir
þó arfleifðina sjáanlega í Islandia-búðun-
um. „Við erum einmitt með mikið úrval
af bolum og höfum mikla kunnáttu í þeim
efnum.“
Islandia er nú að fullu í eigu Kjartans
og konu hans, Hönnu Heiðar Bjarnadóttur,
þótt stofnendurnir séu enn viðloðandi rekst-
urinn. Auk Islandia reka Kjartan og Hanna
heildverslunina Viking-Craft, sem býður
gjafa- og ferðamannavöru til verslana.
Kjartan er gamall fótboltamaður; spilaði
með Breiðabliki, ÍBV og Fylki. Hann nýtti
sér síðan knattspyrnuna og fór á fótbolta-
styrk til Bandaríkjanna. Þar spilaði hann
fyrir James Madison-háskóla í Virginíu
auk þess að læra viðskipta- og upplýsinga-
tækni.
Hanna lærði útstillingar við Iðnskólann
í Hafnarfirði og segir Kjartan námið hafa
nýst þeim vel við verslunarreksturinn. „Við
höfum einmitt lagt mikla áherslu á fram-
setningu vörunnar. Það er nú einu sinni
þannig að varan selst ekki af sjálfu sér.
Sjálfur hef ég verið að taka til í tölvumálum
fyrirtækisins og nýtt mér þá þekkingu sem
ég öðlaðist á skólaárunum.“
Á BESTA HORNINU Í BÆNUM
Kjartan segir enga tilviljun að ákveðið hafi
verið að opna verslun í Bankastrætinu og
þvertekur fyrir að verslunarrekstur í mið-
borginni eigi undir högg að sækja. „Mér
finnst vera bjartara yfir miðbænum
en áður. Við stúderuðum vel
og lengi hvar væri best
að opna nýja verslun og
ég tel okkur hafa opnað
á einu besta horninu í
bænum.“
Á mánudegi í miðbæn-
um er augljóst að ýmislegt
hefur gengið á um liðna helgi. Á skart-
gripaverslun í grenndinni hefur verið brotin
rúða en þó greinilegt að borgarstarfsmenn
hafa verið snöggir á vettvang og bjargað því
sem bjargað varð. Kjartan segist þó engar
áhyggjur hafa af ölþyrstum Reykvíkingum.
„Forveri minn hér í Bankastrætinu segir
skemmdarverk fáheyrð. Við erum líka á svo
áberandi stað að maður skyldi ætla að rúðum
og öðru væri óhætt. Maður sér kannski merki
helgarinnar á mánudegi, en starfsmenn borg-
arinnar eru mjög öflugir við að hreinsa.“
Kjartan telur um helming viðskiptavina
Islandia vera ferðamenn. „Túristarnir eru
í miðbænum. Þeir ganga Bankastrætið og
beygja síðan upp Skólavörðustíginn þegar
þeir sjá glitta í Hallgrímskirkju.“
Kjartan segir verslunina óhjákvæmilega
finna fyrir sveiflum á gengi. Hann segist
strax finna muninn nú þegar krónan hafi
lækkað gagnvart erlendum gjaldmiðlum.
„Útlendingar reikna auðvitað út frá sínum
eigin gjaldmiðli og kaupa í samræmi við það.
Hingað koma margir Bandaríkjamenn, en
einnig Bretar, Þjóðverjar og Skandinavar.
Kanarnir eru duglegastir við að versla. Þeir
virðast hafa meira milli handanna.“
HÖRÐ SAMKEPPNI
Rekstur verslunar sem leggur jafn ríka
áherslu á viðskipti við ferðamenn og
Islandia er óhjákvæmilega nokkuð árstíða-
bundinn. Þess vegna hefur Islandia alla
tíð lagt mikla áherslu á vandaða
gjafavöru, þá sérstaklega
kringum jólin. „Við
eigum nokkuð tryggan
íslenskan kúnnahóp.
Við höfum enda lagt
mikla áherslu á að hafa
sérstöðu í úrvali. Við
erum með gott úrval gjafa-
vöru og þess vegna er reksturinn
kannski ekki jafn veikur fyrir árstíðasveifl-
um og hjá dæmigerðum ferðamannaversl-
unum.“
Tveir fastir starfsmenn eru í versluninni
í Kringlunni. Þá hefur bókari verið í sextíu
prósenta starfi hjá versluninni. Einn fastur
starfsmaður er í búðinni í Bankastrætinu.
Kjartan reiknar með að ráða 10-12 starfs-
menn til viðbótar yfir sumarið. „Við opnum
snemma á morgnana og lokum seint á kvöld-
in og veitir ekkert af fólkinu. Við erum mikið
hérna hjónin, auk þess sem tengdaforeldrar
mínir eru alltaf viðloðandi reksturinn.“
Kjartan er bjartsýnn á framtíð Islandia.
Verslunin í Bankastrætinu hafi farið vel
af stað og hann eigi ekki von á öðru en að
framhald verði á. „Við ætlum að byrja á því
að sjá hvernig sumarið fer. Fólkið er hérna,
það þarf bara að fá það inn. Það verður
vissulega erfiðara hérna í vetur en þá er
bara að reyna að ná til Íslendinganna.“
Margar gjafavöruverslanir er að finna í
Reykjavík og samkeppnin því hörð. Í mið-
bænum er Rammagerðin með verslun auk
þess sem gjafavöru má finna í stærri versl-
unum á borð við Mál og menningu og Iðu.
Kjartan segir að til að standast samkeppn-
ina sé nauðsynlegt að ná sérstöðu en er ófá-
anlegur til að gefa upp tölur úr rekstrinum.
„Það er nú einmitt það sem keppinautarnir
vilja vita,“ segir Kjartan Antonsson.
Á besta horninu í bænum
Kjartan Antonsson er framkvæmdastjóri minjagripaverslana Islandia. Nýverið var opnuð ný Islandia-
verslun í Bankastrætinu til viðbótar við þá sem fyrir var í Kringlunni. Jón Skaftason fór og hitti
Kjartan og komst að raun um að verslunarrekstur í miðbænum á síður en svo undir högg að sækja.
KJARTAN ANTONSSON, FRAMKVÆMDASTJÓRI ÍSLANDIA BÚÐANNA
Islandia
Eigendur: Kjartan Antonsson og Hanna
Heiður Bjarnadóttir
Verslanir: Tvær. Í Bankastræti og Kringlunni.
Stofnunarár: 1987 þá Rammagerðin. Varð
Islandia árið 1993.
„Við ætlum að byrja á því að sjá hvernig sumarið fer. Fólkið er hérna,
það þarf bara að fá það inn. Það verður vissulega erfiðara hérna í
vetur en þá er bara að reyna að ná til Íslendinganna.“
Nú loks verður það að veruleika sem
Aurasálina hefur dreymt um.
Reykjavík fær loksins stóriðju. Með
kjöri nýrra athafnamanna í stjórn
Reykjavíkur á laugardaginn eru
hagsmunir Reykjavíkur tryggðir.
Höfuðborgin mun ekki lengur sitja
á hakanum þegar kemur að því að
velja næsta stað fyrir álbræðslu.
Með því að tengja Vatnsmýrina við
Sundahöfn með glæsilegri stofn-
braut þvert yfir Þingholtin verður
hægt að skapa gríðarlegan hagvöxt.
Tækifærin fyrir skólabúningaklædd
ungmenni borgarinnar eru óþrjót-
andi í hátæknivæddu álveri við hlið
hátæknisjúkrahúss í miðri höfuð-
borginni.

Markaðurinn brást vel við tíðind-
um mánudagsins þegar Fram-
sóknarflokkurinn náði völdum í
Reykjavík með sína athafnastefnu
að leiðarljósi. Það kom Aurasálinni
ekki á óvart enda fagnaði hún
hækkun hlutabréfa. Það var verð-
skuldað að þessu sinni.

Aurasálin hefur alltaf stutt Fram-
sóknarflokkinn að málum og það
verður að játast að hún var orðin
ansi smeyk um að fylgi hennar í
Reykjavík dygði ekki til að ná
meirihluta í Orkuveitunni. Það
tókst þó á endanum. Hvað það var
sem á endanum sannfærði
Reykvíkinga um að koma Fram-
sóknarflokknum í forystu skal
ósagt látið, en þar hlýtur ein-
hverju að hafa ráðið skýr og klár
vilji flokksins til þess að móta
landið eftir þörfum fólks en
hvorki fugla né fiska.

Því miður hafa skynsamir kjósend-
ur engan annan valkost hér á landi
en Framsóknarflokkinn. Allir hinir
flokkarnir eru úti að aka. Sjálf-
stæðisflokkurinn er flokkur auð-
manna og kauphallargróða. Vinstri
grænir halda að fólk geti lifað af
því að tína fjallagrös og halda að
foss sé fegurri en fallvatnsvirkj-
un. Frjálslyndir eru við sama hey-
garðshornið og Samfylkingin er of
ungur flokkur til þess að hægt sé
að taka afstöðu til hans.

Reyndar fer tal sumra framsóknar-
manna um að gera Ísland að fjár-
málamiðstöð í taugarnar á
Aurasálinni. En líklega er það enn
eitt klókindalegt bragð þeirra til
þess að laða að sér kjósendur og
styrktaraðila. Aurasálinni dettur
ekki í hug að framsóknarmenn
myndu nokkru sinni láta þessa
fásinnu verða að veruleika - en
það sakar engan að ljúga smá í
kosningum ef málstaðurinn er
réttur. Í upphafi skal endinn skoða
- og tilgangurinn helgar meðalið.

Það var eins með þjóðarsáttina í
þessum kosningum. Aurasálin
tekur undir með oddvita Fram-
sóknarflokksins í að hlæja að
þessu loforði nú þegar kosningar
eru afstaðnar. Það stóð aldrei til að
gera neitt í þessum kosningalof-
orðum, nema ef það hentaði. Nú er
tími samræðu og loforða liðinn.
Besta að gleyma þeim og hefja
framkvæmdir. Upp með skófluna!
Stóriðju í
Vatnsmýrina