Fréttablaðið - 04.10.2006, Side 6

6 4. október 2006 MIÐVIKUDAGUR
KJÖRKASSINN
HVALVEIÐAR Verið er að gera Hvalstöðina í Hvalfirði
upp til að hún verði tilbúin ef stjórnvöld ákveða að
heimila hvalveiðar í atvinnuskyni.
Kristján Loftsson, framkvæmdastjóri Hvals hf.,
segir verkið komið vel á veg. „Við erum bara að fara
yfir þessi tæki og tól og laga það sem þarf að laga.
Það eru lagnir sem eru utandyra sem þarf að endur-
nýja. Þetta er allt að ryðga í sundur enda hefur húsið
staðið ónotað síðan 1989. Við höfum staðið í þessu
dálítið lengi og það fer að sjá fyrir endann á þessu.“
Íslendingar settu fyrirvara um að hefja ekki veiðar
að nýju þegar þeir gengu aftur í Alþjóðahvalveiðiráð-
ið árið 2001. Sá fyrirvari rann út í ár og gætu stjórn-
völd því ákveðið að hefja veiðar í atvinnuskyni að
nýju. Kristján segist vona að það gerist bráðlega. „Við
erum bara að bíða eftir að einhver geri eitthvað í
framhaldinu. Til hvers að hafa svona fyrirvara ef
ekkert gerist í framhaldinu?“
Hvalveiðiskipið Hvalur 9 var sett í slipp í sumar og
er nú tilbúið. Haffærnisskírteini á skipið er væntan-
lega í vikunni. „Við ætlum hins vegar ekkert að eiga
við hin skipin í bili. Þetta tekur svo langan tíma að við
gerum ekkert í þeim fyrr en í fyrsta lagi á næsta ári,“
segir Kristján. - sh
Vongóðir hvalveiðimenn vinna hörðum höndum að undirbúningi veiða:
Gamla hvalstöðin gerð upp
KJÖRKASSINN
Ferðu reglulega í messu?

Já 9,7%
Nei 90,3%
SPURNING DAGSINS Í DAG
Fylgdist þú með stefnuræðu
forsætisráðherra?
Segðu skoðun þína á visir.is
LÖGREGLUMÁL Tæplega tvítugur
maður var stöðvaður af lögregl-
unni í Reykjavík um miðnættið á
mánudagskvöld þar sem
skrásetningarnúmer vantaði á
framhlið bifreiðar sem hann ók.
Þegar lögreglan kannaði
bifreiðina nánar kom í ljós að
hún var einnig ótryggð.
Ungi maðurinn gat ekki
framvísað neinum persónuskil-
ríkjum þegar lögreglan krafðist
þess og reyndi að blekkja
lögreglu með því að gefa upp
kennitölu annars manns.
Að sögn lögreglu er slíkt
athæfi ekki einsdæmi en þó
fjarri því að vera algengt. - þsj
Reyndi að blekkja lögreglu:
Gaf upp kenni-
tölu annars
DÓMSMÁL Fimmtán mótmælendur
hafa verið ákærðir fyrir að halda
til inni á lokuðu vinnusvæði við
Kárahnjúka og neita að hlýða
lögreglu. Málið var tekið fyrir í
Héraðsdómi Austurlands í gær.
Þrír Íslendingar eru meðal ákærðu.
Ákærðu er sögð hafa framið meint
lögbrot í sumar er þau voru að
mótmæla framkvæmdunum við
Kárahnjúka. Lögreglan á Egilsstöð-
um fer með stjórn á svæðinu en
mótmælendurnir hlekkjuðu sig
meðal annars við vinnuvélar. Ekki
hefur tekist að birta öllum efni
ákærunnar þar sem hluti þeirra er
farinn af landinu. - mh
Mótmælendur ákærðir:
Mótmælt á lok-
uðu vinnusvæði
MARKAÐURINN Fjármálaeftirlitið
hefur reiknað út áhrif af álagsprófi
á bankana. Álagsprófið gerir ráð
fyrir að fjármálafyrirtæki standist
samtímis áföll í formi tiltekinnar
lækkunar á hlutabréfum, markaðs-
skuldabréfum, vaxtafrystum/
virðisrýrðum útlánum og fullnustu-
eignum og áhrifa af lækkun á
gengi íslensku krónunnar án þess
að eiginfjárhlutfallið fari niður
fyrir lögboðið lágmark.
Niðurstaða framangreindra
álagsprófa er að eiginfjárhlutfall
KB lækkar úr 12,1% í 9,2%, Glitnis
úr 13,7% í 12,5%, Landsbanka úr
15,1% í 12,7% og Straums Burða-
ráss úr 31,7% í 24%. Bankarnir
standast allir álagsprófið og eru
töluvert yfir lögbundnu 8%
hlutfalli eftir reiknuð áföll. -hh
Afallaþol íslensku bankanna:
Standast prófið UMRÆÐUR UM STEFNURÆÐU FORSÆTISRÁÐHERRA
HVALSTÖÐIN Í HVALFIRÐI Unnið er að því að gera hana upp
þannig að hægt verði að vinna hval í stöðinni.
„Um kvótakerfið
ríkir engin sátt
og við í Frjáls-
lynda flokknum
munum leggja
hiklaust í baráttu
gegn óbreyttu
kerfi sem veikir
byggðir landsins
eins og dæmin
sanna, hvert af
öðru,“ sagði Guðjón A. Kristj-
ánsson, formaður Frjálslynda
flokksins.
Hann ræddi brotthvarf varnar-
liðsins og sagði ríkisstjórnina hafa
látið taka sig í bólinu. Sagði hann
nauðsynlegt að miða við að örygg-
isviðbúnaður á friðartímum væri
virkur til eftirlits og viðbragða.
Guðjón gagnrýndi forgangs-
röðun í skattamálum, hún hefði
aukið misskiptingu og ítrekaði vilja
Frjálslyndra til afnáms verðtrygg-
ingar og stimpilgjalda.
Guðjón sagði sérkennilega þá
vegferð ríkisstjórnarflokkanna að
lagfæra aðeins kjör þeirra sem
lægsta afkomu hafa, að undan-
gengnum hótunum eða með
málaferlum. Hann furðaði sig á
því að það hefði aðeins tekið þrjá
mánuði að vinna gegn þenslu og
sagði fram komna nýja hagfræði-
þekkingu – 90 daga Haarde-
áætlunina – sem vænleg væri til
útflutnings. -bþs
Guðjón A. Kristjánsson:
Engin sátt um
kvótakerfið
ATVINNUMÁL Bæjarráð Bolungar-
víkur lýsir miklum vonbrigðum
með þá ákvörðun Ratsjárstofnunar
að segja upp starfsfólki við ratsjár-
stöðina á Bola-
fjalli. Búið er að
segja upp níu af
ellefu starfs-
mönnum og með
þessu hverfa lið-
lega fimm pró-
sent útsvarstekna
Bolungarvíkur-
kaupstaðar sem er talsvert högg
fyrir samfélagið að sögn Gríms
Atlasonar bæjarstjóra.
„Ég er sérstaklega ósáttur við
aðdraganda uppsagnanna því fyrir
mánuði síðan var ákveðið að reka
ratsjárstöðina með óbreyttu sniði
fram til 15. ágúst
á næsta ári. Í síð-
ustu viku kom í
ljós að Banda-
ríkjamenn ætluðu
sér ekki að leggja
meiri pening í
ratsjárstöðina og
að til uppsagna
kæmi nú þegar.“
Grímur segir þetta ótæk vinnu-
brögð því ráðherrar og þingmenn
hafi sagt að unnið yrði að því að
halda starfsmönnunum við ratsjár-
stöðina á Bolafjalli.
„Það er einnig óskiljanlegt að
hluti þessara starfa skuli fluttur á
höfuðborgarsvæðið þar sem
þenslan er mest á meðan Vestfirð-
ingar leitast við að fjölga atvinnu-
tækifærum á svæðinu.“
Grímur segist hafa ýmsar hug-
myndir varðandi atvinnuuppbygg-
ingu á svæðinu og óskar eftir við-
ræðum við ráðamenn um þessi
málefni. - hs
Uppsagnir starfsfólks Ratsjársstofnunar áfall:
Bæjarstjóri ósáttur
við uppsagnir
GRÍMUR
ATLASON Óskar
eftir viðræðum
við ráðamenn
um atvinnu-
uppbyggingu í
Bolungarvík.
Það er einnig óskiljan-
legt að hluti þessara
starfa skuli fluttur á höfuðborg-
arsvæðið
GRÍMUR ATLASON
BÆJARSTJÓRI
Samstarf ríkis-
stjórnarflokkanna
hefur skilað
miklu til þjóð-
arinnar, sagði
Jón Sigurðs-
son, formaður
Framsóknar-
flokksins. Hann
sagði stjórnina
vera ríkisstjórn
nýsköpunar, frjálslyndis og alhliða
framfara.
Jón sagði nýlegar mótvægisað-
gerðir gegn óróleika í efnahags-
kerfinu væru byrjaðar að skila
árangri. Þá bæri samkomulag við
eldri borgara vitni um sanngirni
ríkisstjórnarinnar. Hann gat þess
einnig að fyrirhugaðar aðgerðir
til að lækka matvælaverð væru
gerðar í samstarfi við bændur og
afurðastöðvar.
Jón sagði unnið að gerð
heildaráætlunar um nýtingu og
vernd auðlindanna og ráði þar
ferðinni ráðdeild og aðgát, varúð
og virðing. Þá sagði Jón þjóðina
hafa orðið vitni að ótrúlegum
rangfærslu m um Kárahnjúkavirkj-
un. „Árangur ríkisstjórnarinnar er
ótvíræður og því hverfa stjórnar-
andstæðingar í örvæntingu að því
óráði að sá fræjum ótta og kvíða,
efasemda og samsæriskenninga.
En þessi viðleitni hittir þá aðeins
sjálfa fyrir.“ - bþs
Jón Sigurðsson:
Stjórnin skilað
miklu til fólks
„Stjórnarandstað-
an er einhuga
í því að takast
á við þjáningar
ríkisstjórnarinn-
ar, veita henni
líkn frá þraut og
skipta um ríkis-
stjórn hér eftir
kosningar í vor,“
sagði Ingibjörg
við upphaf ræðu sinnar.
Ingibjörg fagnaði brottför
bandaríska hersins og sagði svika-
brigsl hafa verið höfð uppi í áratugi
vegna deilunnar um hersetuna, og
hætta væri á svipuðum svika-
brigslum í tengslum við deiluna
um stóriðju og náttúruvernd. Hún
sagði jafnframt stóriðjustefnuna
ekkert erindi eiga við framtíðina.
Hún sagði ríkisstjórnina koma
tómhenta til þings. Hún hefði ekki
staðið vörð um gildi samfélagsins,
og að Íslendingar hefðu tapað
stolti sínu; stéttlausu þjóðfélagi,
ósnortinni náttúru og stöðu sinni
sem friðsöm þjóð. Hún minnt-
ist sérstaklega á að vöruverð á
Íslandi drægi úr samkeppnishæfni
þjóðarinnar og að tímabært væri
að atvinnufrelsi yrði innleitt í
íslenskan landbúnað.
Hún boðaði ríkisstjórn frjáls-
lyndis og jafnaðar sem myndi inn-
leiða stöðugleika í þjóðfélagið og
fjárfesta í menntun og mannauði.
-sh
Ingibjörg Sólrún Gísladóttir:
Ríkisstjórnin
mætir tómhent
„Það dugir
ekki að lifa í
draumaheimi
eigin ímyndaðr-
ar snilligáfu og
ágætis og kenna
öllum öðrum um
ef eitthvað bjátar
á, Seðlabankan-
um, Viðskipta-
bankanum, eða
jafnvel dönskum bönkum,“ sagði
Steingrímur um efnahagsástandið
í landinu og gagnrýndi forsætis-
ráðherra fyrir að kalla ástandið
„óróa í þjóðarbúskapnum“.
Steingrímur fagnaði brotthvarfi
hersins og gagnrýndi Morgun-
blaðið og ritstjóra þess alvarlega
fyrir ásakanir í Staksteinum á
hendur andstæðingum hersetu.
Hann sagði varnarsamninginn ekki
góðan, í ljósi þess að Bandaríkja-
mönnum hafi ekki verið gert að
hreinsa mengun á svæðinu.
Steingrímur sagði nauðsynlegt
að upplýsa almenning um það
hvað leyniþjónusta Sjálfstæðis-
flokksins, eins og hann orðaði
það, aðhafðist á tímum Kalda
stríðsins. Hann sagði einnig að
ríkisstjórnin hefði glutrað niður
tækifæri til að sameina þjóðina
eftir að herinn tilkynnti brotthvarf
sitt með því að halda stóriðju-
stefnu sinni til streitu og ala áfram
á sundrung. -sh
Steingrímur J. Sigfússon:
Fagnar brott-
för hersins
ALÞINGI Umræður verða um
varnarmál á Alþingi í dag. Geir
H. Haarde forsætisráðherra
flytur munnlega skýrslu um
nýgerðan samning Íslendinga og
Bandaríkjamanna og í kjölfarið
fylgja umræður þar sem fulltrúar
allra flokka taka þátt.
Í dag verða einnig fundir í
öllum fastanefndum þingsins þar
sem kjörið verður í embætti
formanns og varaformanns.
Þá er stefnt að gerð samkomu-
lags um aukinn aðgang að
opinberum skjölum, í tilefni af
umræðum og kröfum um aðgang
að gögnum er varða hleranir á
tímum Kalda stríðsins. -bþs
Umræður á Alþingi í dag:
Varnarmálin
rædd á þingi
ALÞINGI Fastanefndir funda í dag.