Fréttablaðið - 04.10.2006, Page 29

MIÐVIKUDAGUR 4. október 2006 7
Ráðstefna um hreyfinám og
hreyfiþroska barna verður
haldin í Íþróttaakademíunni
13. og 14. október næstkom-
andi. Aðalfyrirlesari ráðstefn-
unnar er Hermundur Sig-
mundsson, prófessor í sálfræði
við Háskólann á Akureyri.
Hermundur hefur unnið mikið að
rannsóknum um nám og færni
barna. „Ég hef meðal annars verið
að skoða hreyfiþroska og hreyfi-
nám mikið og hvernig það tengist
til dæmis lesblindu og öðrum
vandamálum,“ segir hann.
Stöðugt fleiri börn greinast
með hreyfiþroskavandamál að
sögn Hermundar. „Þessir krakkar
eru mjög oft lesblindir líka og oft
tengist þetta félagslegum og and-
legum vandamálum. Mörg þeirra
eru í verra líkamlegu ástandi og
eru eiginlega aldrei með í neinum
íþróttum og eru því með heilsu-
vandamál sem tengjast þessu eins
og offitu og annað.“
Á ráðstefnunni verður fjallað
um hvaða þættir hafa áhrif á
hreyfiþroska barna og hvað er til
ráða ef upp koma hreyfiþroska-
vandamál. „Við fjöllum um nýj-
ustu kenningar á þessu sviði og
hvernig við lærum hreyfingar og
hvernig þær þróast. Hvernig
hreyfiþroskavandamál barna
tengjast öðrum þroskavandamál-
um og hvað er til ráða. Við skoðum
hvað við erum að gera í íþrótta-
kennslunni og hvað við getum gert
í leikskólunum og skólunum. Við
verðum að vera örugg um að allir
séu að fá þá hreyfingu sem þeir
þurfa og skólinn er afar mikilvæg-
ur í fyrirbyggjandi aðgerðum.
Meðal fyrirlesara verður Erlingur
Jóhannsson prófessor við Kennara-
háskólann en hann mun tala um
rannsóknir sem gerðar hafa verið
á hreyfingu og offitu barna á
íslandi.“
Ráðstefnan er öllum opin en
skráning fer fram í Íþróttaaka-
demíunni. emilia@frettabladid.is
Mikilvægt að allir séu í
einhverjum íþróttum
Börn að leik. FRÉTTABLAÐIÐ/HEIÐA
Hermundur og Fredrik sonur hans. FRÉTTABLAÐIÐ/ÖRLYGUR HNEFILL
Börn hafa viðkvæmari heyrn
en fullorðnir og mikilvægt er
að hlífa eyrum þeirra fyrir
miklum hávaða.
Í Dynjanda og Baby Sam verslun-
unum fást Peltor Kid heyrnarhlíf-
ar fyrir börn. Hlífarnar geta
komið sér vel þegar farið er með
börn á tónleika, þegar verið er að
smíða eða þegar þau eru nálægt
háværum vinnuvélum.
Mikilvægt er að foreldrar geri sér
grein fyrir því að eyru barna eru
viðkvæmari en fullorðinna og láti
þau alltaf vera með heyrnarhlíf-
arnar þegar þau eru í miklum
hávaða því engin leið er að bæta
skaðann sem getur orðið ef litlu
eyrun eru óvarin. - eö
Vörn fyrir viðkvæm eyru
Peltor Kid heyrnarhlífarnar fást bæði
bleikar og grænar.
Skeifunni 8 - s. 568 2200 - Smáralind - s. 534 2200
www.babysam.is
KULDAGALLARNIR KOMNIR
Full búð af nýjum vörum
útigallarnir frá metoo komnir
munið afsláttinn til 10. október
Sjón er sögu ríkari
550 5000
AUGLÝSINGASÍMI