Fréttablaðið - 04.10.2006, Page 43

MARKAÐURINN 13MIÐVIKUDAGUR 4. OKTÓBER 2006
S K O Ð U N
Í starfsemi fyrirtækja kemur
margoft upp að starfsmenn
þurfa að ganga um lausa stiga við
vinnu sína. Mikilvægt er að þeir
stigar sem fyrirtæki kaupa inn
til notkunar á vinnustaðnum séu
öruggir og rétt sé um þá gengið.
Fjölmörg dómsmál hafa sprottið
af vinnuslysum sem verða vegna
þess að menn detta í eða úr stig-
um eða stigi er þannig búinn
að hann gefur sig þegar upp í
hann er stigið. Passa þarf að allir
stigar séu heilir og þrep þeirra
örugg. Einnig þarf að huga að
undirlagi þar sem stigi er reistur,
en reynt hefur á það í nokkrum
málum að gólf hefur verið talið
of hált. Einnig þarf að huga að
því að rétt getur verið að setja
stamt undirlag undir fætur stiga
sem reisa á upp, til að koma í veg
fyrir að þeir renni á gólfi.
Það er ekki bara stiginn sjálf-
ur og búnaður hans sem skiptir
máli heldur einnig hvernig hann
er reistur. Í síðustu viku dæmdi
Hæstiréttur í máli ungs manns
sem starfaði við að þrífa flug-
vélar. Við vinnuna var notað-
ur þjónustustigi sem var festur
við landgangsrana flugvélar af
stærstu gerð. Leiddi það til þess
að umræddur þjónustustigi var
þannig reistur að hann var tal-
inn hafa verið óvenju brattur.
Dómkvaddur matsmaður taldi
framstig hans grunnt og að þrep
stigans hafi hallað fram um
þrjár gráður. Veðurskilyrði voru
þannig þegar slysið varð að það
var blautt og gekk á með slyddu-
éljum. Hæstiréttur komst að
þeirri niðurstöðu að staða stigans
við þær aðstæður sem voru fyrir
hendi hefði verið aðalorsök slyss-
ins og dæmdi vinnuveitanda hins
slasaða bótaábyrgan. Þrátt fyrir
að vinnuveitandi hafi verið talinn
ábyrgur vegna þessa slyss þurfti
einnig að taka afstöðu til kröfu
vinnuveitandans í þessu máli
um að hinn slasaði bæri einnig
ábyrgð á slysinu þar sem hann
hefði sýnt gáleysi við störf sín.
Um var að ræða ungan mann sem
hóf störf þremur mánuðum fyrir
slysið. Hann var að
vinna einfalt verk
og gekk niður stig-
ann þannig að hann
snéri fram auk þess
sem hann var með
byrði í höndunum.
Taldi Hæstiréttur
að þar sem stiginn
var brattur og fram-
stig í honum stutt
að hinn slasaði hefði
ekki gætt nægilegrar varkárni
og það hafi einnig orsakað slysið.
Var ungi maðurinn látinn bera
þriðjung tjóns síns sjálfur.
Eigin sök tjónþola kemur iðu-
lega til skoðunar í dómsmálum
og forsendur dómstóla í ein-
hverjum málum hafa verið á þá
leið að sú hætta sem fylgir því
að ganga um stiga
sé augljós öllum
sem um þá ganga
og stundum þurfa
starfsmenn að bera
allt sitt tjón sjálf-
ir. Það er því ljóst
að starfsmennirn-
ir sjálfir verða að
gæta að sér, ganga
ekki með byrðar í
stigum eða of hratt
upp og niður. Einnig verða þeir
augljóslega að tryggja sér næga
hand- og fótfestu.
Hugum að þessum málum
og komum í veg fyrir slysin.
Stuðlum að góðu vinnuumhverfi
og öruggum vinnustað!
Þóra Hallgrímsdóttir
framkvæmdastjóri Tjónasviðs Sjóvár
Að ganga um stiga
����������������������������������
����������������������������������
�� ����� ���� ����� ���������� ���
��������� �� ��������� ����� ����
����������� �����������������
���� ������������� �������� �� ���
������ ��� ������ ��������������
�
�
����� ��������� ��� ����� ���� ������
������������� ��� ��������������� ��������������� �� ������ �����
����� �������������� ����
���������������
Þótt ótrúlegt megi virðast bærist
í mér viðkvæm taug sem fær
útrás í aðdáun minni á hinum
fögru listum. Ég ætla mér þegar
upp er staðið að hreiðra um mig
í góðum hægindastól og njóta
fagurra lista. Gott ef maður
gerir bara ekki eins og Gertrude
Stein, sem opnaði heimili sitt
fyrir öllum helstu listamönnum
Parísar fyrir rúmri öld.
Rós er rós er rós er frægasta
setning kerlingarinnar, en þar
sem atgervi mitt beinist nú að
öðru segi ég auðviða fé er fé er
fé og mér er næstum alveg sama
hvaðan það kemur.
Mér finnst stundum eins og
það þyki eitthvað lítið fínt að
vera tækifærissinni. Á markaði
er það mikil dyggð. Við tækifæris-
sinnarnir erum hið raunverulega
hreyfiafl markaðarins. Þess
vegna tek ég ofan fyrir Hannesi
Smárasyni sem lokar engum
leiðum og stefnir nú í að ná að
innleysa annan stóra hagnað árs-
ins fyrir FL Group. Ef af skrán-
ingu verður bókfærir FL Group
26 milljarða í hagnað og þaðan
verða að minnsta kosti 13 millj-
arðar tekinir í hús. Fyrir er í húsi
hluturinn í EasyJet sem er annað
eins á bankabók FL Group. Þessi
hagnaður hefur náðst vegna þess
að þeir hjá FL Group eru tæki-
færissinnar, eins og ég.
Við eigum líka sameiginlegt að
hafa náð umtalsverðum árangri í
tækifærismennskunni. Það eru
nefnilega til margar gerðir fjár-
festa. Sumir kaupa og eiga, aðrir
kaupa og selja. Ég ætla ekkert
að vera að fabúlera um að annar
hópurinn sé betri en hinn. Innan
beggja hópa eru menn misgóðir í
því sem þeir eru að gera.
Ólafur Ólafsson sem vildi
kaupa Icelandair hefði líklega
ætlað að eiga félagið lengi. Hann
hefur gaman af því að reka félög.
Mér finnst hann hafa gert það
ágætlega. Ég hefði aldrei nennt
að halda Samskipum á floti öll
þess ár, né hefði ég nennt að taka
SÍF í fangið og bjarga því frá
gjaldþroti. Ég er bara ekki sú
týpan. Ég hefði hins vegar alveg
verið til í að kaupa með honum
Búnaðarbankann, sérstaklega
þegar á eftir fylgdi sú snilld að
láta Kaupþingsliðið fá bankann.
Ég reyndar var með Óla í kaup-
unum án þess að hann vissi nokk-
uð um það, enda keypti maður
eins og vitleysingur í bönkunum
í aðdraganda einkavæðingarinn-
ar. Það gat bara ekki klikkað að
vera með.
Svona er þetta nú bara, það
skiptir ekki máli hvaða leið
maður velur. Michael Porter
segir að maður eigi ekki að vera
bestur, heldur einstakur. Ég get
hins vegar lítið að því gert að
vera bæði einstakur og bestur.
Það er ekkert slæm blanda.
Spákaupmaðurinn á horninu
S P Á K A U P M A Ð U R I N N
Fé er fé er fé
INNKAUPAKORT VISA
Nýr dagur – ný tækifæri
Bjarni reddar öllu.
• Innkaupakort VISA er ókeypis kreditkort.
• Ekkert stofngjald, árgjald eða seðilgjald.
• Kortið er ætlað í rekstrarinnkaup og kemur
í stað beiðna- og reikningsviðskipta.
• Lengri greiðslufrestur.
Hægt er að sækja um Innkaupakort VISA á www.visa.is og hjá öllum bönkum og sparisjóðum.
Nánari upplýsingar í síma 525-2280
Úttektartímabil Innkaupakorts er almanaksmánuður og
gjalddagi reiknings 25. næsta mánaðar.