Fréttablaðið - 04.10.2006, Side 74

38 4. október 2006 MIÐVIKUDAGUR
FÓTBOLTI Dregið var í riðla í
UEFA-bikarkeppninni í gær en
eitt Íslendingalið, AZ Alkmaar, er
meðal þeirra 40 sem eftir eru í
keppninni. Með AZ leika
Grétar Rafn Steinsson og
Jóhannes Karl Guðjónsson.
Efstu þrjú liðin í hverjum riðli
komast áfram í 32 liða úrslit
ásamt þeim átta liðum sem lentu í
þriðja sæti sinna riðla í Meistara-
deildinni. - esá
A-RIÐILL
AUXERRE (FRAKKLANDI), RANGERS (SKOT-
LANDI), PARTIZAN (SERBÍU), LIVORNO
(ÍTALÍU), MACCABI HAIFA (ÍSRAEL).
B-RIÐILL
LEVERKUSEN (ÞÝSKALANDI), CLUB BRUGGE
(BELGÍU), BESIKTAS (TYRKLANDI), DINAMO
BÚKAREST (BÚLGARÍU), TOTTENHAM (ENG-
LANDI).
C-RIÐILL
SEVILLA (SPÁNI), AZ ALKMAAR (HOLLANDI),
LIBERCEC (TÉKKLANDI), GRASSHOPPER
(SVISS), BRAGA (PORTÚGAL).
D-RIÐILL
PARMA (ÍTALÍU), LENS (FRAKKLANDI), HEER-
ENVEEN (HOLLANDI), OSASUNA (SPÁNI),
ODENSE (DANMÖRKU).
E-RIÐILL
FEYENOORD (HOLLANDI), BASEL (SVISS),
WISLA (PÓLLANDI), BLACKBURN (ENG-
LANDI), NANCY (FRAKKLANDI).
F-RIÐILL
AJAX (HOLLANDI), SPARTA PRAG (TÉKK-
LANDI), ESPANYOL (SPÁNI), AUSTRIA WIEN
(AUSTURRÍKI), ZULTE WAREGEM (BELGÍU).
G-RIÐILL
PANATHINAIKOS (GRIKKL.), PSG (FRAKK-
LANDI), RAPID BÚKAREST (BÚLGARÍU), TEL
AVIV (ÍSRAEL), MLADA BOLESLAV (TÉKKL.).
H-RIÐILL
NEWCASTLE (ENGLANDI), CELTA (SPÁNI),
PALERMO (ÍTALÍU), FENERBAHCE (TYRK-
LANDI), EINTRACHT F. (ÞÝSKALANDI).
UEFA-bikarkeppnin:
Eitt Íslendinga-
lið í keppninni
ÍÞRÓTTALJÓS
HENRY BIRGIR GUNNARSSON
henry@frettabladid.is
HANDBOLTI Dómur féll í máli mark-
varðarins Egidijusar Petkevicius-
ar á dögunum en HSÍ vildi ekki
samþykkja félagaskipti hans frá
Fram yfir í HK. Markvörðurinn
taldi eðlilegt að HSÍ samþykkti
félagaskiptin þar sem viðauka-
samningur hans (launasamning-
ur) var útrunninn en eitt ár var
eftir af leikmannasamningnum
hans, sem heitir A-leikmanna-
samningur. Petkevicius taldi sig
lausan allra mála þar sem hann
var ekki lengur á launum en því
var HSÍ ekki sammála.
Dómstóll HSÍ staðfesti fyrri
niðurstöðu sambandsins og neit-
aði að staðfesta félagaskiptin. HK
ætlaði í fyrstu að áfrýja dómnum
alla leið en komst að samkomulagi
við Fram áður en til þess kom og
greiddi fyrir leikmanninn en það
ætlaði félagið aldrei að gera. Það
er í raun miður að málið hafi ekki
farið alla leið í dómskerfi HSÍ því
áhugavert hefði verið að fá endan-
legan úrskurð í þessu máli, enda
um mikið hagsmunamál fyrir leik-
menn að ræða.
Réttur leikmanna enginn
En af hverju dæmdi dómstóll
HSÍ ekki markverðinum í vil og
hver er eiginlega réttur þeirra
leikmanna sem eru með styttri
viðaukasamning en leikmanna-
samning? Seinni spurningunni er
fljótsvarað: enginn!
Ástæðan er klaufalegt orðalag í
A-leikmannasamningnum sem
gerir félögum kleift að ráðskast
með leikmenn séu þeir svo „vit-
lausir“ að hafa ekki sömu dagsetn-
ingu á A-leikmannasamningnum
og viðaukasamningnum.
Á móti kemur að hægt er að
velta fyrir sér hvað vaki fyrir
þeim félögum sem hundsi leið-
beiningar Handknattleikssam-
bandins og geri samninga við
leikmenn með mismunandi dag-
setningum.
Í leikmannasamningnum stend-
ur stórum stöfum: „Viðaukasamn-
ingur skal ávallt hafa sömu tíma-
mörk og A-leikmannasamningur
viðkomandi samningsaðila“. Þetta
er frekar afdráttarlaus setning
sem ekki á að vera hægt að mis-
skilja en vandamálið liggur í lítilli
línu aðeins ofar sem af einhverj-
um óskiljanlegum ástæðum var
bætt inn í samninginn: „Ef að
samningarnir hafa ekki sama
gildistímann þá gilda tímamörk
A-leikmannasamnings HSÍ“.
Þessi setning, sem átti augljós-
lega að vera leiðbeinandi, gjald-
fellir í raun fyrri setningu þar sem
afdráttarlaust var sagt að sömu
tímamörk ættu að vera á samn-
ingnum.
Með öðrum orðum þýðir þessi
setning að ef leikmaður gerir til
að mynda tveggja ára viðauka-
samning og þriggja ára A-leik-
mannasamning þá „á“ félagið
hann þriðja árið og réttur leik-
mannsins er í raun enginn.
„Það er ekkert sem segir að
félagið verði að gera nýjan við-
aukasamning við leikmanninn eða
að gamli viðaukasamningurinn
haldi þar sem A-samningurinn sé
lengri.
Hefðu getað haldið Petja
Ef mið er tekið af niðurstöðu
dómsins hefði Fram í raun getað
haldið Petkevicius hjá félaginu
fram á næsta sumar án þess að
borga honum krónu fyrir, hefði
félagið kosið svo.
Leikmenn verða því að að passa
upp á að sömu tímamörk séu á
samningunum því annars nær
félagið hreðjataki á leikmannin-
um miðað við úrskurðinn. Í raun
er ótrúlegt til þess að hugsa að
einhverjir leikmenn skuli hrein-
lega gera þessi mistök.
Ensk útgáfa samningsins öðruvísi
Það sem er einnig athyglisvert
í máli Petkeviciusar er að hann
skrifar undir íslensku útgáfu leik-
mannasamningins en ekki ensku
útgáfuna eins og tíðkast þegar
erlendir leikmenn semja við
íslensk félög.
Í fyrstu gæti einhver haldið að
samningarnir væru nákvæmlega
eins en svo er ekki. Þessa „afdrifa-
ríku“ setningu sem segir „að ef
samningarnir séu ekki með sömu
tímamörk gildi A-samningurinn“
er nefnilega ekki að finna í ensku
útgáfunni.
Með öðrum orðum er líklegt að
Petkevicius hefði verið laus um
leið og viðaukasamningnum lauk
hefði hann skrifað undir ensku
útgáfuna miðað við þennan
nýfallna dóm.
Lögfróðir menn sem Frétta-
blaðið ræddi við segja að ef Pet-
kevicius hefði sagt upp A-samn-
ingnum skriflega á sínum tíma, á
þeim forsendum að ekki væri leng-
ur um greiðslur að ræða, hefði
hann líklega losnað frá Fram án
vandræða. Það myndi tæplega
halda vatni að hægt væri að halda
leikmanni nauðugum í vinnu án
greiðslu.
„Leikmenn verða að sjálfsögðu
að lesa vel það sem þeir skrifa
undir og þótt erlendi samningur-
inn sé ekki eins er meiningin sú
sama og það er ætlast til að sömu
tímamörk séu á þessum samning-
um,“ sagði Einar Þorvarðarson,
framkvæmdastjóri HSÍ. „Við hljót-
um að bregðast við þessu á réttan
hátt því breytinga er augljóslega
þörf. Líklegt er að formannafund-
ur skipi nefnd sem fer yfir málið.
Niðurstaða þessa dóms sýnir galla
sem við sáum ekki fyrir.“
Leikmannasamningur HSÍ gerir félög-
um kleift að ráðskast með leikmenn
Leikmannasamningur HSÍ í núverandi mynd er meingallaður og ef leikmenn gá ekki að sér í samninga-
gerð getur félagið haft öll ráð þeirra í hendi sér, miðað við nýfallinn dóm dómstóls HSÍ. Breytinga er þörf
segir framkvæmdastjóri HSÍ sem býst við að málið verði tekið fyrir á næsta ársþingi.
EGIDIJUS PETKEVICIUS Tapaði máli sínu gegn Fram og HK varð því að greiða fyrir
hann. Dómur í hans máli sýnir að leikmenn geta misst réttindi sín passi þeir ekki
upp á að hafa sömu tímamörk á A-leikmannasamningi sínum og viðaukasamningn-
um. FRÉTTABLAÐIÐ/STEFÁN
FÓTBOLTI Knattspyrnumaðurinn
Baldur Bett hefur tilkynnt for-
ráðamönnum knattspyrnudeildar
FH að hann muni ekki endurnýja
samning sinn við félagið þegar
hann rennur út um áramótin. Eins
og reglur KSÍ kveða á um verður
honum frjálst að ræða við önnur
félög eftir 15. október næstkom-
andi.
„Ég mun fara frá FH eftir leik-
inn gegn KF Nörd,“ sagði Baldur
en Íslandsmeistararnir mæta
sjónvarpsstjörnunum í dag. Hann
segir að ákvörðin sín hafi komið
forráðamönnum FH nokkuð á
óvart en Baldur hefur ekki átt víst
sæti í byrjunarliði liðsins undan-
farin ár. Hann hefur þó spilað
mikið og tók til að mynda þátt í
sextán leikjum FH í Landsbanka-
deildinni í sumar.
Hann segist vera harðákveðinn
að reyna sig hjá öðru liði en ekki
sé enn ljóst hvar hann muni spila.
Hann er þó þess fullviss að hann
vilji spila í Landsbankadeildinni
næsta sumar. „Það er alveg 100%
öruggt,“ sagði hann.
Baldur er 25 ára gamall og
hefur spilað með FH undanfarin
fimm ár. Á þeim tíma hefur hann
þrívegis orðið Íslandsmeistari
með liðinu.
Yngri bróðir hans, Calum,
hefur ekki spilað mikið undanfar-
in ár en hann hefur fengið að taka
þátt í æfingum með HK undanfar-
ið. Óljóst er hvort að hann muni
freista gæfunnar með HK eða
öðru liði á næsta keppnistímabili.
- esá
Á LEIÐ FRÁ FH Baldur Bett (lengst til
vinstri) er á leið frá FH. Hér fagnar hann
Íslandsmeistaratitlinum í haust ásamt
félögum sínum. FRÉTTABLAÐIÐ/VILHELM
Íslandsmeistarar FH missa sterkan miðjumann sem hyggur á að leika áfram í Landsbankadeildinni:
Baldur Bett hefur ákveðið að fara frá FH
FÓTBOLTI Jóhannes Harðarson
hefur lítið sem ekkert getað spilað
með liði sínu Start í norsku úrvals-
deildinni í sumar. Lítið er eftir af
tímabilinu og segir hann í samtali
við Fréttablaðið að hann sé nú
þegar farinn að huga að því næsta.
Hann er samningsbundinn Start
út leiktíðina 2008.
„Ég er búinn að vera meiddur
síðan í febrúar ef frá eru taldar
nokkrar vikur í upphafi tímabils-
ins,“ sagði Jóhannes en einu leik-
irnir sem hann hefur komið við
sögu er þegar hann kom inn á sem
varamaður í tveimur leikjum í
apríl. „Þá tóku sig upp sömu
meiðsli aftur og ég hef verið í
sömu sporunum síðan þá.“
Óhætt er að segja að meiðsli
Jóhannesar séu þrálát en vöðva-
festing í nára skaddaðist og hefur
enn ekki náð að gróa. „Á meðan
svo er get ég ekki spilað fótbolta.
Það er útilokað að ég geti eitthvað
verið meira með á þessu tímabili
og ef ég batna ekki á næstu vikum
þarf ég væntanlega að fara í
aðgerð.“
Hann segir þó ekki sjálfsagt að
aðgerðin verði til bóta og er því
nokkuð áhættusöm. Hann neitar
því ekki að meiðslin stofni ferli
hans jafnvel í hættu. „Forráða-
menn Start hafa viljað bíða með
aðgerðina fram á síðustu stundu
þar sem hún er nokkuð áhættu-
söm.“
En þar sem hann er samnings-
bundinn liðinu næstu ár ætlar
hann fyrst og fremst að einbeita
sér að ná sér á strik á nýjan leik.
„Við verðum að sjá til hvernig það
gengur og svo sér maður til með
framtíðina.“
Start er sem stendur í fjórða
sæti norsku úrvalsdeildarinnar að
fjórum umferðum óleiknum. - esá
MEÐ LANDSLIÐINU Jóhannes Harðar-
son (til vinstri) á æfingu með íslenska
landsliðinu. FRÉTTABLAÐIÐ/VALLI
Jóhannes Harðarson hefur lítið getað spilað í Noregi í sumar vegna meiðsla:
Meiðsli stofna ferli Jóhannesar í hættu
FÓTBOLTI Ágúst Gylfason staðfesti
í samtali við Fréttablaðið í gær að
hann væri að velta fyrir sér
framtíð sinni hjá KR. Hann hitti
Teit Þórðarson að máli í fyrradag
og gekk sá fundur vel. Ágúst er
nú erlendis en mun í næstu viku
funda með stjórn KR. Hann segir
helmingslíkur á því að hann verði
áfram hjá KR.
Hann sagði einnig að honum
hefðu borist nokkrar óformlegar
fyrirspurnir frá öðrum félögum
og væri áhugi fyrir því að fá hann
sem spilandi þjálfara. - esá
Ágúst Gylfason og KR:
Helmingslíkur
á að vera áfram
ÁGÚST GYLFASON Hefur hugsanlega
leikið sinn síðasta leik með KR.
FRÉTTABLAÐIÐ/VILHELM
FÓTBOLTI Guðmundur Viðar Mete,
varnarmaður Keflvíkinga,
verður samningslaus í lok ársins
og segist vera í viðræðum við
stjórn félagsins um nýjan
samning.
„Ég er í viðræðum við
Keflavík þessa dagana en maður
á aldrei að segja aldrei,“ sagði
Guðmundur og bætti því við að
viðræður gengju vel.
„Við erum með mjög gott lið
hérna í Keflavík og ég stefni á að
vera hér áfram. Ég myndi skoða
öll tilboð sem kæmu en eins og
staðan er núna er Keflavík eina
liðið sem hefur boðið mér
samning,“ sagði Guðmundur.
- dsd
Guðmundur Viðar Mete:
Til í að skoða
önnur tilboð