Fréttablaðið - 04.10.2006, Side 75

MIÐVIKUDAGUR 4. október 2006
FÓTBOLTI Mikill áhugi var fyrir leik
Íslands og Danmerkur í síðasta
mánuði og var uppselt á leikinn
tæpri viku áður en hann hófst. Eitt-
hvað virðist áhuginn fyrir leiknum
gegn Svíþjóð í næstu viku vera
minni, en samkvæmt lauslegri
úttekt Fréttablaðsins í gær voru
rétt rúmlega 1000 miðar enn til
sölu á netinu, á ksi.is og midi.is.
Þó er ljóst að langflestir þeirra
óseldu miða, um 95 prósent, eru á
ódýrasta svæðinu, hólfum A og I
sem eru á svokölluðu grænu
svæði. Grænn miði kostar 2.000
krónur en blár 4.500 krónur og
rauður 5.000 krónur.
Bláa svæðið er stúkan austan-
megin við völlinn, sem liggur að
Valbjarnarvelli. Rauða svæðið er
hólfin fyrir miðju í nýju stúkunni
sem er vestanmegin við völlinn.
Grænu hólfin tvö eru hvort við
sinn enda rauðu svæðanna.
Geir Þorsteinsson, fram-
kvæmdastjóri KSÍ, segir að von
sé á fleiri miðum í almenna sölu
þar sem sænska knattspyrnu-
sambandið hefur tilkynnt að það
geti ekki selt alla þá miða sem
því var úthlutað. Þeir miðar
verða væntanlega til sölu á leik-
dag eða daginn fyrir leik en
stuðningsmönnum gestaliðsins
er úthlutað sæti norðanmegin í
bláu stúkunni.
Nákvæmlega sama fyrirkomu-
lag er á sölunni fyrir þennan leik
og var fyrir leikinn gegn Dan-
mörku. Af tæplega tíu þúsund
miðum sem prentaðir eru fara
rúmlega fjögur þúsund í almenna
sölu. Aðrir miðar eru að stórum
hluta seldir fyrirtækjum og
styrktaraðilum auk boðsmiða og
miða fyrir handhafa KSÍ-passa.
Nokkurrar óánægju gætti í
þjóðfélaginu vegna þeirra fáu
miða sem fóru í almenna sölu en
Geir segir að þessi umræða sé
ekki ný af nálinni. „Hún hefur
verið til staðar í minni tíð,“ sagði
Geir við Fréttablaðið í gær. „Ég
hef sjálfur verið að reyna að efla
þessa fyrirtækjasölu frá því að
ég hóf störf, ég tel það mikilvægt
að ná til atvinnulífsins og fá
stuðning þaðan í landsleiki.“
Leikurinn gegn Svíum er
þriðji stóri landsleikurinn í röð á
Laugardalsvelli og hefur áhugi
almennings verið mikill. „Fólk
vill hins vegar gleyma litlu leikj-
unum sem minni áhugi er fyrir.
Mitt markmið er að reyna að ná
sem flestum á völlinn. Stundum
er það auðvelt og stundum erfitt.
En það er engu að síður alveg
ljóst að jafnvægi þarf að vera á
milli almennrar miðasölu og
fyrirtækjasölu.“
Miklar framkvæmdir hafa
staðið yfir á Laugardalsvelli og
sætum fyrir áhorfendum fjölg-
að. Geir segir að þess vegna sé
enn verið að þreifa sig áfram
hvað varðar miðasölukerfið og
útilokar ekki breytingar í fram-
tíðinni. „Það þarf að athuga
hvernig skipting er í svæði og
fleira í þeim dúr. Við munum
meta stöðuna og reynum að hafa
sem flesta ánægða. En það er
auðvitað gömul saga og ný að
það er erfitt að gera öllum til
hæfis.“
eirikur.asgeirsson@frettabladid.is
GÓÐ STEMNING Mikil og góð stemning skapaðist á leik Íslands og Danmerkur á Laugardalsvelli í september. FRÉTTABLAÐIÐ/VILHELM
Þúsund miðar enn til sölu
Eftir rétta viku kemur knattspyrnulandslið Svíþjóðar hingað til lands og mætir
því íslenska á Laugardalsvelli í undankeppni EM 2008. Sama fyrirkomulag er á
miðasölu og var fyrir Danaleikinn í síðasta mánuði en það var nokkuð umdeilt.
– Vel lesið
Áhugasamir auglýsendur vinsamlegast hafið samband
í síma 5505844 | orn.geirsson@365.is
Einblöðungar - bæklingar - blöð - umslög
vertu inní Fréttablaðinu með þitt kynningarefni
*Gallup maí 2006
Notaðu mest lesna* blað
landsins til að dreifa
kynningarefni til
þinna viðskiptavina
Vertu inní
Fréttablaðinu
með þitt
kynningarefni
Íþróttabandalag Reykjavíkur (ÍBR) og Sparisjóður Reykavíkur
og nágrennis (SPRON) hafa gert með sér samkomulag um
stofnun sjóðs til að styrkja ungt og efnilegt íþróttafólk í
íþróttafélögum í Reykjavík.
Markmið sjóðsins er að styrkja ungt og
efnilegt reykvískt íþróttafólk á aldrinum 15–22 ára sem hefur
hæfileika til að verða afreksfólk í íþróttum. Hægt er að sækja
um styrki fyrir eftirfarandi:
• Þátttöku þjálfara í námskeiðum erlendis.
• Verkefni sem tengjast afreksíþróttum svo sem
æfingabúðir, námskeið og ferðir á mót erlendis.
Félög eru sérstaklega hvött til að sækja um styrki til nýsköpunar á sviði
afreksíþrótta. Hugmyndin er að félögin búi til verkefni sem miða að því
að bæta árangur síns fólks, gjarnan eitthvað sem ekki hefur verið gert
áður. Í því sambandi sé litið til samstarfs við aðra aðila sem tengjst
afreksstarfi með einum eða öðrum hætti auk faglegra þátta og
raunhæfra markmiða.
Umsókn skal fylgja lýsing á verkefni ásamt
fjárhagsáætlun. Umsóknum skal skilað til ÍBR,
Engjavegi 6, 104 Reykjavík eða á ibr@ibr.is.
Reglugerð sjóðsins er að finna á heimasíðu ÍBR
www.ibr.is.
Afrekssjóður ÍBR og SPRON
auglýsir eftir umsóknum
Íslendingar og útlendingar fá allar upplýsingar á ensku um allt það sem heimsborgin Reykjavík státar af á hverjum
tíma.; menningarviðburðir, tónleikar, skemmtistaðir, veitingastaðir, söfn, gallerí, tíska, verslanir og næturlíf.
Líka fyrir þig; lífið, fréttirnar og fjörið á ensku
FÓTBOLTI Ekki er annað að heyra á
Kristjáni Finnbogasyni en að
hann sé hættur við að hætta að
spila og muni því standa á milli
stanganna hjá KR næsta sumar.
Kristján hefur rætt málin bæði
við Teit Þórðarson og stjórnar-
mann í KR Sport og segir að það
sé grundvöllur fyrir því að fram-
lengja samninginn við KR.
„Ég ræddi við Teit og þar sagði
hann mér frá sínum hugmyndum
og ræddi við mig um veturinn
framundan og svo ræddi ég líka
við stjórnarmann hjá félaginu,“
sagði Kristján sem hefur mikinn
áhuga á því að halda áfram að
spila. Er þá eitthvað þvi til fyrir-
stöðu að hann verði áfram hjá
KR?
„Viðræður standa bara yfir
þessa dagana, í rólegheitum.
Þannig standa málin bara í dag og
það er ekkert ákveðið í þessum
efnum,“ sagði Kristján en KR
hefur ekki ennþá boðið honum
nýjan samning.
Kristján var kallaður inn í
landsliðshópinn í síðasta mánuði
eftir að Daði Lárusson meiddist
og Kristján sagðist áfram gefa
kost á sér í landsliðið ef hann
héldi áfram að spila. „Maður segir
aldrei nei við landsliðið ef kallið
kemur þaðan en það er eitthvað
sem ég er ekkert að velta fyrir
mér í dag,“ sagði Kristján sem
virðist alls ekkert vera á þeim
buxunum að hætta í fótbolta.
- dsd
Kristján Finnbogason vill spila áfram með KR:
Ekkert ákveðið enn
KRISTJÁN FINNBOGASON Virðist vera hættur við að hætta að spila og hefur mikinn
áhuga á að spila með KR næsta sumar. FRÉTTABLAÐIÐ/DANÍEL