Fréttablaðið - 05.10.2006, Qupperneq 2

2 5. október 2006 FIMMTUDAGUR
LÖGREGLUMÁL Drengirnir tveir
sem fóru ránshendi um landið
fyrir nokkru síðan eru grunaðir
um innbrot í allt að tíu bústaði í
umdæmi lögreglunnar í Borgar-
nesi. Þeir eru einnig grunaðir um
ýmis afbrot á Suðurnesjum,
höfuðborgarsvæðinu, á Húsavík
og á Selfossi.
Að sögn varðstjóra lögreglunn-
ar var litlu stolið úr bústöðunum
en töluverðar skemmdir unnar á
þeim.
Drengirnir, sem eru fæddir
1988 og 1985, voru fyrir nokkru
úrskurðaðir í síbrotagæslu til 20.
október. - þsj
Slóð þjófagengis skýrist:
Brutust inn í
tíu sumarhús
SPURNING DAGSINS
Andri, hefurðu hugleitt að
setja upp slaufuna?
Nei, ég held ég haldi mig við
bindin.
Andri Óttarsson tók við af Kjartani
Gunnarssyni sem framkvæmdastjóri
Sjálfstæðisflokksins í gær, en Kjartan er
þekktur fyrir að vera með slaufu.
STJÓRNMÁL Átta þingmenn úr
þremur flokkum vilja að gerð
verði faraldsfræðileg rannsókn á
mögulegum áhrifum rafsegul-
sviðs farsíma
og rafsegul-
bylgna á
mannslíkam-
ann. Rannsókn-
in verði
framkvæmd á
næstu tíu árum
og niðurstöðum
hennar skilað
fyrir 1. október
2017.
Flutnings-
menn, sem
skilgreina
rafsegulsvið
sem mengun,
telja vert að
skoða hvort nýgengi krabbameins
í heila, gláku og annarra augn-
skemmda hafi aukist síðan
noktun farsíma hófst.
Þingsályktunartillaga um
rannsóknina er nú lögð fram á
þingi öðru sinni. - bþs
Þingmenn vilja rannsókn:
Áhrif farsíma á
fólk verði könnuð
DRÍFA HJARTAR-
DÓTTIR SJÁLFSTÆÐ-
ISFLOKKI Fyrsti
flutningsmaður
tillögunnar.
DÓMSMÁL Karlmaður búsettur í
Reykjavík hefur verið úrskurðað-
ur í farbann eftir að kona kærði
hann fyrir hrottalega nauðgun og
annað líkamlegt ofbeldi.
Atburðurinn átti sér stað
aðfaranótt sunnudagsins 10. sept-
ember. Konan hafði farið út að
skemmta sér, hitt manninn á
skemmtistað og farið heim með
honum, ásamt fleira fólki, undir
morgun. Maðurinn bað hana að
koma með sér inn í herbergi, réðst
síðan að henni, beitti hana miklu
ofbeldi og hafði síðan við hana har-
kalegt samræði gegn vilja hennar,
að því er kemur fram í greinar-
gerð lögreglu. Konan kærði atburð-
inn og fór á neyðarmóttöku fyrir
þolendur kynferðisofbeldis að
kvöldi sunnudagsins. Samkvæmt
réttarlæknisfræðilegri skoðun var
konan með mikla áverka og eymsli
í andliti og á líkama. Hún fór aftur
í skoðun daginn eftir þar sem ekki
reyndist unnt að ljúka skoðun á
sunnudag vegna mikilla eymsla.
Maðurinn játaði að hafa haft
samfarir við konuna, en kvað það
hafa verið að hennar frumkvæði.
Hann var í Héraðsdómi Reykja-
víkur úrskurðaður í gæsluvarð-
hald. Hann kærði til Hæstaréttar
sem hnekkti úrskurðinum, þar sem
rannsóknarhagsmunir gæfu ekki
tilefni til gæsluvarðhalds. Maður-
inn, sem er portúgalskur og hefur
verið búsettur hér á landi er í far-
banni, að sögn Helgu Leifsdóttur
hdl. réttargæslumanns konunnar.
- jss
Portúgali, búsettur í Reykjavík, kærður fyrir hrottalegt kynferðisofbeldi:
Í farbanni vegna nauðgunar
STJÓRNMÁL Alþingi samþykkti í gærkvöldi lög sem
aflétta þagnarskyldu opinberra starfsmanna á
málum er varða öryggi Íslands á árunum 1945-1991.
Lögin ná einnig til opinberra starfsmanna sem látið
hafa af störfum.
Forsætisráðherra skipaði í júní nefnd til að gera
tillögu um tilhögun á frjálsum aðgangi fræðimanna
að opinberum gögnum um öryggismál. Samkvæmt
lögunum, sem samþykkt voru í gærkvöldi, skal
nefndin hafa frjálsan aðgang að öllum gögnum í
vörslu stjórnvalda sem snerta öryggismál Íslands,
innra og ytra öryggi, á tímum kalda stríðsins.
Sólveig Pétursdóttir, forseti Alþingis, var fyrsti
flutningsmaður frumvarpsins en meðflutningsmenn
voru þingflokksformenn allra flokka. Sólveig sagði
mikilvægt að lögin næðu fram að ganga svo nefnd
forsætisráðherra gæti sinnt störfum sínum.
Henni er ætlað að kanna hvaða stjórnvöld hafa
gögn um öryggismál í fórum sínum og gera könnun
á þeim. Opinberum starfsmönnum er gert skylt að
svara fyrirspurnum nefndarinnar um verklag við
öflun, skráningu og varðveislu upplýsinga um
öryggismál. Sjálfir verða nefndarmenn bundnir
þagnarskyldu um viðkvæmar einkalífsupplýsingar
og upplýsingar um öryggismál sem varða virka
öryggis- eða varnarhagsmuni. - bþs
Alþingi samþykkir lög um aðgang að gögnum um öryggi á tímum Kalda stríðsins:
Trúnaði um öryggismál aflétt
SÓLVEIG PÉTURSDÓTTIR Forseti Alþingis var fyrsti flutnings-
maður frumvarps um aðgang að upplýsingum um öryggismál.
Kristín Gísladóttir sjúkraþjálfari aðstoðar við val
á réttri dýnu alla fimmtudaga á milli kl. 16 og 18.
Opið virka daga: 10-18
Reykjavík: Mörkin 4, s: 533 3500
HÉRAÐSDÓMUR REYKJAVÍKUR Úrskurð-
aði manninn í farbann eftir að hann
hafði verið kærður fyrir nauðgun.
VIÐSKIPTI Þórdís Sigurðardóttir,
stjórnarformaður Dagsbrúnar,
keypti í gær hlutabréf í Dagsbrún
fyrir fjögur hundruð milljónir
króna.
Seljandi bréfanna var Fjárfest-
ingafélagið Selsvör sem var í eigu
hennar, Árna Haukssonar og
Gunnars Smára Egilssonar,
fyrrverandi forstjóra Dagsbrún-
ar. Selsvör á nú engin bréf í
félaginu.
Þórdís keypti einnig hlutabréf
í félaginu í síðasta mánuði, en þá
nam kaupverðið tæpum 335
milljónum króna.
Dagsbrún er eigandi 365,
útgefanda Fréttablaðsins. - eþa
Stjórnarformaður Dagsbrúnar:
Kaupir fyrir
400 milljónir
FRAMKVÆMDIR „Umfang fram-
kvæmda á vegum ríkisins er í
sjálfu sér ekki það mikið en
kannski hefði verið æskilegra að
fá þessi skilaboð ekki á þessum
tímapunkti. Það hefði verið betra
að þetta væri enn í biðstöðu um
sinn því það skiptir máli að menn
séu samstiga þannig að Seðlabank-
inn og fjármálaráðuneytið gangi í
takt að þessu leyti,“ segir Vil-
hjálmur Egilsson, framkvæmda-
stjóri Samtaka atvinnulífsins um
yfirlýsingu forsætisráðherra um
að ríkisstjórnin hætti við að fresta
framkvæmdum.
„Ef fjármálaráðuneytið spáir
því að verðbólga sé svo mikið á
niðurleið þá veltir maður vöngum
yfir því hvort óhætt sé að hætta
við og setja verkin í gang aftur.
Það er spurning hvort Seðlabank-
inn hafi sama skilning á stöðunni
og hvort bankinn sé tilbúinn til að
hefja vaxtalækkunarferilinn og
ganga í takt með ríkisstjórninni,“
segir hann.
Vilhjálmur bendir á að fram-
kvæmdir ríkisins nemi ekki háum
fjárhæðum og því skipti tölurnar
sem slíkar ekki miklu máli. Skila-
boðin skipti meira máli. „Í þessu
felast sterk og afgerandi skilaboð
frá ríkisstjórninni og því vildi ég
gjarnan sjá að ríkisstjórnin og
Seðlabankinn gengju í takt,“ segir
Vilhjálmur og telur að gengið
verði hærra en annars og verð-
bólgugusa komi fram í lok næsta
árs eða byrjun þarnæsta fari
Seðlabankinn í þveröfuga átt við
ríkisstjórnina.
„Ég verð að viðurkenna að ég
hrökk svolítið við þegar ég heyrði
að það væri búið að aflýsa hættuá-
standinu,“ segir Gylfi Arnbjörns-
son, framkvæmdastjóri Alþýðu-
sambands Íslands. „Verðbólgan er
tæplega átta prósent sem er þri-
svar sinnum meira en verðbólgu-
markmið Seðlabankans þannig að
það er dálítið snemmt að aflýsa
ástandinu. Það hefur verið stöðug-
ur órói í efnahagskerfinu og það
er greinilega markmið ríkisstjórn-
arinnar að svo haldist áfram. Í því
felist stöðugleikinn,“ segir hann
og telur yfirlýsinguna bera þess
merki að kosningavetur sé að hefj-
ast.
Tryggvi Þór Herbertsson, for-
stöðumaður Hagfræðistofnunar,
segir að miðað við spár KB banka
og fjármálaráðuneytisins minnki
hagvöxtur og dragist jafnvel
saman. ghs@frettabladid.is
Stöðugleikinn felist
í stöðugum óróa
Stöðugur órói hefur verið í efnahagskerfinu og greinilega markmið ríkisstjórn-
arinnar að þannig verði áfram, að mati ASÍ. „Í því felist stöðugleikinn.“ Fram-
kvæmdastjóri SA vill að Seðlabankinn og fjármálaráðuneyti gangi í takt.
BANDARÍKIN, AP George W. Bush
Bandaríkjaforseti beitti sér í gær
gegn botnvörpuveiðum, sem og
öðrum veiðum. Tilkynning
Bandaríkjaforseta barst daginn
fyrir allsherjarþing Sameinuðu
þjóðanna, þar sem fjallað verður
um hugsanlegt bann við botn-
vörpuveiðum á alþjóðlegum
hafsvæðum.
Umhverfisverndarsinnar hafa
löngum haft horn í síðu þessara
veiða, sem íslenskir togarar
stunda gjarnan. „Það má líkja
þessari veiðiaðferð við að höggva
niður öll trén í skóginum til þess
að ná íkorna,“ ssegir Joshua
Reichert, talsmaður náttúruvernd-
arsamtakanna Pew Charitable
Trust.
Íslendingar mótmæla banninu,
ásamt Rússum og Spánverjum.
- smk
Botnvörpuveiðar:
Bush vill banna
botnvörpu
GRÆNFRIÐUNGAR FYRIR Grænfriðungar
reyndu að stöðva þennan eistneska
togara frá botnvörpuveiðum í fyrra.
FRÉTTABLAÐIÐ/AP
Atlantsolía lækkaði bensínverð um
1,5 krónu í gærkvöld. Bensínlítrinn
kostar nú 115,9 krónur og hefur
lækkað um rúmar 15 krónur síðan
um miðjan júlí. Þetta er þriðja bens-
ínlækkun fyrirtækisins á mánuði.
ELDSNEYTISVERÐ
Bensínlítrinn lækkar í verði
VEGAFRAMKVÆMDIR Framkvæmdastjóri Samtaka atvinnulífsins segir yfirlýsingu forsætisráðherra um að hætt verði við að fresta
framkvæmdum fela í sér sterk og afgerandi skilaboð. Betra hefði verið að fá þessi skilaboð á öðrum tímapunkti.