Fréttablaðið - 11.10.2006, Blaðsíða 6

6 11. október 2006 MIÐVIKUDAGUR
BAUGSMÁL Jón Ásgeir Jóhannes-
son, forstjóri Baugs Group, og
Tryggvi Jónsson, fyrrverandi
aðstoðarforstjóri Baugs, hafa lagt
fram kæru gegn lýðveldinu Íslandi
á grundvelli 6. greinar mannrétt-
indasáttamála Evrópu. Byggir
kæran öðru fremur á því að Jón
Ásgeir og Tryggvi hafi ekki notið
„réttlátrar og opinberrar máls-
meðferðar innan hæfilegs tíma
fyrir sjálfstæðum og óvilhöllum
dómstóli“, eins og segir orðrétt í
bréfi sem sent var til Mannrétt-
indadómstóls Evrópu í Strassborg
3. október síðastliðinn.
Í bréfinu eru málsatvik rakin
stuttlega frá þeim tíma er starfs-
menn efnahagsbrotadeildar Ríkis-
lögreglustjóra gerðu húsleit í
höfuðstöðvum Baugs 28. ágúst
2002. Gerð er grein fyrir ann-
mörkum á málsmeðferð Baugs-
málsins í fjórum köflum í bréfinu,
og þar sérstaklega hugað að lengd
málsmeðferðar, ónægs réttar-
öryggis, yfirlýsingum Björns
Bjarnasonar dómsmálaráðherra
um málið og afskiptum setts sak-
sóknara, Sigurðar Tómasar
Magnússonar, af skipun dómsins.
Er þar sérstaklega vitnað til þess
er Sigurður Tómas átti fund með
Helga I. Jónssyni, dómstjóra
Héraðsdóms Reykjavíkur, 31.
mars síðastliðinn, og tjáði honum
að hann myndi kalla til vitni fyrir
dóminn sem leiða myndi til van-
hæfis Péturs Guðjónssonar dóm-
ara vegna fjölskyldutengsla. Arn-
grímur Ísberg var í kjölfarið
skipaður dómari í málinu.
Efnismeðferð vegna þeirra
átján ákæruliða sem eftir standa
af Baugsmálinu hófst formlega í
gær. Lagði Sigurður Tómas
Magnússon fram nýjan vitnalista í
málinu sem samtals telur 82 vitni.
Hefur hann verið endurnýjaður
töluvert frá fyrri stigum málsins
en í málflutningi vegna málsins
fyrr á þessu ári kom fram í máli
Sigurðar Tómasar að um helming-
ur vitna á lista yfir rúmlega sjötíu
vitni væri vegna fyrsta ákæruliðs-
ins, sem nú hefur verið vísað frá
dómi. Meðal þeirra sem bæst hafa
á vitnalistann eru lögreglumenn
frá Færeyjum og Lúxemborg.
Sérstakt þinghald verður hald-
ið vegna vitnalistans 20. nóvem-
ber og verður þá farið nákvæm-
lega yfir það hvernig hvert og eitt
vitni tengist ákæruliðunum átján
sem eftir standa.
Óvíst er ennþá hvenær aðal-
meðferð í málinu fer fram en verj-
endur Jóns Ásgeirs og Tryggva
Jónssonar komu þeim sjónarmið-
um á framfæri að þeir teldu eðli-
legast að aðalmeðferðin hæfist
ekki fyrr en niðurstaða Hæsta-
réttar í fyrra Baugsmálinu væri
ljós. Í því máli sýknaði Héraðs-
dómur ákærðu í þeim átta ákæru-
liðum sem eftir stóðu, eftir að 32
ákæruliðum af 40 hafði verið vísað
frá.
Samkvæmt upplýsingum frá
Hæstarétti verður málið ekki
tekið fyrir þar fyrr en í janúar á
næsta ári.
Sigurður Tómas vill koma þeim
sjónarmiðum á framfæri fyrir
hönd ákæruvaldsins að aðalmeð-
ferð geti farið fram innan skamms
hans vegna. magnush@frettabladid.is
KJÖRKASSINN
BAUGS M Á L I Ð
Jón Ásgeir og Tryggvi kæra
til Mannréttindadómstólsins
Kæra var send til Mannréttindadómstólsins í Strassborg 3. október síðastliðinn vegna málsmeðferðar í
Baugsmálinu. Afskipti setts saksóknara vegna skipunar dómara í málinu eru sérstaklega tiltekin í bréfi.
BAUGSMÁL Gestur Jónsson og Sigurður Tómas
Magnússon deildu um það fyrir dómi í gær hvort
bíða þyrfti niðurstöðu í fyrra Baugsmálinu í
Hæstarétti, áður en aðalmeðferð þess máls sem nú
hefur verið tekið til efnismeðferðar fer fram.
Sagðist Sigurður Tómas ekki líta svo á að
rökrænt samhengi væri á milli málanna tveggja.
„Í Hæstarétti er verið að fjalla um aðra ákæruliði
en í þessu máli, og Hæstiréttur sagði í úrskurði
sínum í fyrra málinu að ekki væri ástæða til þess
að bíða eftir nýrri ákæru vegna þess að þetta væru
alveg sjálfstæð sakarefni. Á þeim forsendum er
það mat ákæruvaldsins að það þjóni engum
sérstökum tilgangi að bíða dóms Hæstaréttar um
önnur sakarefni.“
Gestur Jónsson segist hins vegar telja eðlilegt
að bíða eftir dómsúrskurði. „Í Hæstaréttarmál-
inu eru ákæruliðir sem varða ætluð brot á lögum
um ársreikninga og þar reynir á skýringar
ýmissa lagaákvæða sem eru þær sömu eða
nátengdar þeim lögum sem reynir á í þessu nýja
máli. Á þeim forsendum teljum við óskynsam-
legt að bíða ekki niðurstöðu Hæstaréttar um
skýringu á þessum lagareglum sem um ræðir,
áður en farið verður að dæma um sambærileg
atvik í þessu nýja máli.“ - mh
Sigurður Tómas Magnússon og Gestur Jónsson tókust á um málsmeðferð:
Telur óþarft að bíða dómsins
RÚSSLAND Rússum á Íslandi gefst
ekki kostur á að lýsa yfir samúð
sinni vegna morðsins á rússneska
blaðamanninum Önnu Politkov-
skaju með því að skrifa nafn sitt í
bók í rússneska sendiráðinu í
Reykjavík. Anna var jarðsungin í
gær og var jarðarförin sýnd í
rússneska sjónvarpinu.
Sendiráðsstarfsmenn segja að
morðið sé harmleikur og allir séu
miður sín yfir því en leitin að
morðingjanum sé hafin. Anna
hafi hins vegar ekki gegnt
opinberu embætti, en samkvæmt
prótókól sé það skilyrði fyrir því
að minningarbækur séu lagðar
fram. - ghs
Rússneska sendiráðið:
Jarðarförin í
sjónvarpinu
ANNA POLITKOVSKAJA BLAÐAMAÐUR
Gögn lögð fram
Gestur Jónsson, lögmaður Jóns
Ásgeirs Jóhannessonar, færði
Sigurði Tómasi Magnússyni,
settum saksóknara, gögn er
lögð voru fram þegar Baugs-
málið var tekið fyrir í gær.
Meðal gagna sem verjendur
lögðu fram var matsgerð vegna
tölvupósta sem lagðir hafa
verið fram í málinu en Tryggvi
Jónsson kannast ekki við að
hafa sent. Á myndinni að ofan
sést Sigurður Tómas láta Gest
og Jakob Möller fá gögn.
FRÉTTABLAÐIÐ/GVA
UTANRÍKISMÁL Jörundur Valtýsson,
ráðgjafi utanríkisráðherra, sem
staddur er í Washington, kannast
ekki við að undirritun varnarsam-
komulags Íslands og Bandaríkjanna
hafi verið frestað vegna annríkis
Condoleezzu Rice, utanríkisráðherra
Bandaríkjanna, eins og hermt var á
vef Ríkisútvarpsins í gær. Hann
segir að aldrei hafi verið dagsett
nákvæmlega hvort af undirritun
yrði í gær eða í dag en nú liggi stað-
festur tími fyrir.
Jörundur segir að fundurinn
með Rice verði í dag klukkan 12 að
staðartíma og skrifað verði undir
samninginn í kjölfar hans. Einnig
að Geir Haarde og Valgerður
Sverrisdóttir hafi ráðgert marga
aðra fundi meðan á dvöl þeirra í
Washington stendur, til dæmis
fund með viðskiptafulltrúa Banda-
ríkjanna í dag og fund við Donald
Rumsfeld varnarmálaráðherra á
morgun klukkan 13.30.
Til stendur að ræða samskipti
ríkjanna í öryggis- og varnarmál-
um við Rumsfeld, sérstaklega um
útfærslu varnarsamningsins hvað
heræfingar hérlendis og ýmislegt
samráð varðar, en engin formleg
dagskrá liggur fyrir. - kóþ
Undirritun varnarsamkomulags Íslands og Bandaríkjanna í Washington:
Fundur með Rice verður í dag
UTANRÍKISRÁÐHERRA BANDARÍKJANNA
Rice hittir Valgerði Sverrisdóttur og Geir
Haarde um hádegisbilið að staðartíma í
Washington. FRÉTTABLAÐIÐ/AP
Tekur þú slátur?
Já 18,1%
Nei 81,9%
SPURNING DAGSINS Í DAG
Manstu eftir leiðtogafundinum
í Höfða 1986?
Segðu skoðun þína á visir.is
LONDON, AP Bresk stjórnvöld hafa
sett fram áætlun um að veita
erlendum föngum, sem sitja í
breskum fangelsum, margvíslega
fyrirgreiðslu ef þeir fallast á að
afplána dóm sinn erlendis.
John Reid innanríkisráðherra
skýrði frá þessum hugmyndum á
mánudaginn. Samkvæmt þeim geta
fangar frá löndum utan Evrópska
efnahagssvæðisins meðal annars
fengið fjárhagslegan stuðning til
þess að stunda nám og reka
fyrirtæki fari þeir úr landi.
Þeir fá þó engar beinar
peningagreiðslur í hendurnar,
heldur aðeins staðfestingu frá
stjórnvöldum. - gb
Útlendir fangar í Bretlandi:
Styrktir til að
fara úr landi