Fréttablaðið - 11.10.2006, Qupperneq 66

11. október 2006 MIÐVIKUDAGUR16
Sir Sean Connery er sjálfsagt þekktastur fyrir
hlutverk sitt í kvikmyndum um njósnarann
James Bond, þótt hann hafi komið víða við
á löngum og farsælum ferli. Connery vann
margvísleg störf áður en hann sneri sér að leik-
listinni, fægði meðal annars líkkistur, vann sem
mjólkurpóstur og síðast en ekki síst fyrirsæta
sem átti þátt í að ryðja fyrir hann brautina inn
í kvikmyndirnar. Hann var þó lengi að vinna sig
upp í áliti og átti erfitt með að fóta sig í kvik-
myndaheiminum eftir áralanga velgengni sem
njósnari hennar hátignar. Um miðjan níunda
áratuginn hlaut Connery hins vegar uppreisn
æru með leik í myndum á borð við The Name
of the Rose (1986), Highlander (1986) og The
Untouchables (1987), en fyrir hana hlaut hann
Óskarsverðlaun fyrir aukahlutverk karla.
1. The Untouchables (1987). Lítil sveit innan
alríkislögreglunnar einsetur sér að ráða niður-
lögum glæpaforingjans Al Capone. Connery
er feikisterkur í hlutverki hins heiðvirða Jim
Malones. Hreimur hans í myndinni var reyndar
seinna valinn sá versti í kvikmyndasögunni af
tímaritinu Empire.
2. From Russia With Love (1963). Í annarri
myndinni um 007 þarf Bond að kljást við
rússnesku leyniþjónustuna. Margt af því sem er
kynnt í myndinni, eins og sérstök saga áður en
sjálf aðalsagan hefst, átti eftir að liggja til grund-
vallar seinni myndum. Af mörgum talin sú besta
í seríunni og Connery eitilharður sem Bond.
3. The Hunt for Red October (1990). Rússnesk-
ur kafbátur stefnir inn í bandaríska lögsögu og
setur samband heimsveldanna í hættu. Fyrsta
myndin af fjórum um leyniþjónustumanninn
Jack Ryan er sú besta og Connery kemur sterkur
inn sem sovéskur skipstjóri þrátt fyrir skoska
hreiminn og dularfulla hárkollu. Þess má geta
að Connery er nánast ætíð með hártopp í
kvikmyndum sínum.
4. The Name of the Rose (1986). Munkur og
aðstoðarmaður hans eru fengnir til að rann-
saka dularfull dauðsföll í einangruðu klaustri.
Sumum þykir þessi aðlögun á samnefndri
skáldsögu Umbertos Eco hafa elst illa, en hún
þótti stórgóð á sínum tíma og hvað svo sem
hverjum þykir stendur Connery sig vel.
5. Highlander (1986). Ódauðlegur maður og
erkifjandi hans keppast um að verða dauðlegir.
Sé horft framhjá fjarstæðukenndum söguþræði,
frönskum hreim Christophers Lambert í hlut-
verki Skota og aftur skoskum hreim Connerys
sem Spánverja er myndin hin besta skemmtun.
Hún gat hins vegar af sér afleitar framhalds-
myndir.
TOPP5: SEAN CONNERY
VISSIR ÞÚ...
að söngvarinn Sir Elton John
heitir réttu nafni Reginald Kenneth
Dwight?
að hann fæddist 25. mars 1947 í
Pinner á Englandi?
að hann var að mestu alinn upp af
móður sinni og kvenkyns ættingjum?
að hann hóf að spila á píanó fjög-
urra ára gamall?
að hann hlaut skólastyrk í virtan
tónlistarskóla ellefu ára gamall?
að fyrsta hljómsveit Dwights hét
Bluesology?
að árið 1967 breytti hann nafni sínu
í Elton John?
að þá sama ár hófst samstarf hans
við textahöfundinn Bernie Taupin?
að hann hefur selt yfir 250 milljónir
hljómplatna og diska?
að yfir fimmtíu lög hans hafa komist
á topp-40 listann?
að þetta gerir hann einn af farsæl-
ustu tónlistarmönnum allra tíma?
að hann var mjög áberandi og hafði
mikil áhrif á heim rokktónlistar á
áttunda áratugnum?
að Elton John var kvæntur en lét
hafa eftir sér í Rolling Stones árið
1976 að hann væri tvíkynhneigður?
að hann hefur dregið þá staðhæf-
ingu til baka og lítur nú á sig sem
samkynhneigðan?
að árið 1997 var ár mikilla and-
stæðna hjá Elton?
að það ár hélt hann upp á fimmtíu
ára afmæli sitt með pompi og prakt
en síðar sama ár missti hann tvo
góða vini?
að það voru Gianni Versace og Díana
prinsessa?
að í kjölfar láts Díönu gaf Elton út
lagið Candle in the wind með nýjum
texta?
að lagið rokseldist?
að Elton hefur í gegnum árin átt í
miklum vandræðum með að takast
á við frægðina?
að hann hefur átt við fíkniefna-
vanda að stríða svo og þunglyndi og
búlimíu?
að hann hefur verið stutt baráttu
gegn alnæmi í fjöldamörg ár?
að hann var sleginn til riddara árið
1998?
– Mest lesið
Þetta gæti tekið tíma
Er fasteignin þín ekki í mest lesna fasteignablaðinu?
Þegar hægist um á fasteignamarkaði er mikilvægara en nokkru sinni að auglýsa
á besta staðnum. Samkvæmt nýjustu könnun Gallup* lesa 40% fleiri Íslendingar á
aldrinum 25–49 ára Allt-fasteignir en Fasteignablað Morgunblaðsins. Vertu viss
um að eignin þín nái athygli sem flestra!
*Samkvæmt könnun Gallup, maí 2006
F
í
t
o
n
/
S
Í
A
Upplýsingar,
viðburðir,
afþreying og fréttir
Upplýsingar,
viðburðir,
afþreying og fréttir