Fréttablaðið - 11.10.2006, Síða 55

MARKAÐURINN 17MIÐVIKUDAGUR 11. OKTÓBER 2006
H É Ð A N O G Þ A Ð A N
Hólmfríður Helga Sigurðardóttir
skrifar
Stuðningur fjárfestingarsjóðsins Tónvíss við verk-
efni þeirra Garðars Thórs og Bang
Gang, með Barða Jóhannsson í
broddi fylkingar, mun meðal ann-
ars felast í útgáfu- og kynning-
arstarfsemi. Við kynningu á sjóð-
inum sem haldin var í Listasafni Reykjavíkur
í vikunni voru listamennirnir sammála um það
að samstarfið kæmi sér einkar vel fyrir þá enda
hafa þeir báðir næg verkefni á takteinum í nán-
ustu framtíð. „Það kostar gríðarlega mikið að
gefa út erlendis og erfitt að gera það upp á eigin
spýtur,“ segir Garðar, sem mun til að byrja með
njóta stuðnings sjóðsins í Bretlandi, þangað sem
hann á fyrirhugaða tónleikaferð á næstu miss-
erum. Barði vinnur nú að útgáfu tónlistar Bang
Gang í Bandaríkjunum ásamt útgáfufélagi sínu og
Sigurðar Pálma Sigurbjörnssonar, From Nowhere
Records, og sjóðurinn mun
koma að því verkefni.
Tónvís verður, að sögn
Hannesar Smárasonar,
forstjóra FL Group, ólík-
ur styrktarsjóðum eins
og þeir hafa þekkst hingað
til hér á landi. „Við munum
hjálpa listamönnunum að
koma sinni list á framfæri utan
landsteinanna, taka áhætt-
una með þeim og fá af því
ávinning ef hann verður
til. Okkar styrkur til þeirra
felst ekki bara í fjárfestingunni heldur ætlum við
að koma með ákveðna viðskiptahugmyndafræði
inn líka og fylgjast náið með framgangi mála.“
Hannes segir stofnun sjóðsins falla vel að mark-
miði FL Group um að styðja við
íslenska tónlist. „Við höfum sett
okkur það markmið að styðja við
menningu og höfum einbeitt okkur
sérstaklega að tónlistinni. Við erum
aðalstyrktarfélag Sinfóníunnar, við erum að fara
að styrkja tónleikana hjá Sykurmolunum og nú
erum við að stofna þennan sjóð.“
Því fylgir vissulega mikil áhætta að fjárfesta í
útrásarverkefni með tónlist og sumir myndu álíta
það fé glatað sem færi í slíkar fjárfestingar. Þess
vegna segir Hannes þá einungis styðja við lista-
menn sem þeir hafi mikla trú á að eigi möguleika
á góðum frama. „Þetta er ekki styrktarsjóður.
Við erum að fjárfesta í listamönnunum,“ segir
Hannes.
Þeir Barði og Garðar eru fyrstu
listamennirnir til samstarfs við
Tónvís en ekki þeir síðustu
að sögn Tryggva Jónssonar,
framkvæmdastjóra sjóðsins.
„Þetta er sjóður sem hefur
sjálfstætt líf og mun
taka að sér sambæri-
leg verkefni fyrir
fleiri. Það er ekki
búið að velja næstu
þátttakendur en það
verður gert á næstu
vikum og mánuð-
um.“
FL Group styður útrás
íslenskrar tónlistar
Tónlistarmennirnir Barði Jóhannsson og Garðar Thór Cortes verða fyrstu lista-
mennirnir til að njóta liðstyrks nýja fjárfestingarsjóðsins Tónvíss sem mun fjár-
festa í mögulegri velgengni íslenskra tónlistarmanna á erlendri grundu.
BARÐI Í BANG GANG.GARÐAR THÓR CORTES
Matthias Jungemann, fram-
kvæmdastjóri samstarfssviðs
Vodafone Group, heimsótti land-
ið í tilefni af undirritun fyrsta
samningsins sem Vodafone gerir
við sjálfstætt félag um að það
megi nota nafn Vodafone án
viðskeytis af einhverju tagi.
Samningurinn var undirritaður
fyrir helgi og í kjölfarið breyttist
nafn Og Vodafone í Vodafone á
Íslandi.
„Þetta er merkur áfangi í
nálgun okkar á samstarfið við
sjálfstæð félög,“ segir Matthias,
en auk þess að fá að nota vöru-
merkið fær félagið hér aðgang að
vörum og þjónustu sem Vodafone
þróar á heimsvísu. „Með þessu
móti getum við dýpkað mark-
aðinn sem Vodafone starfar á,“
bætir hann við og telur að með
þessari nálgun nái félagið að
hugsa á heimsvísu en beita sér
staðbundið. Ísland varð svo fyrir
valinu, bæði vegna þess að hér
hafði samstarfsaðilinn staðið sig
vel í að innleiða nýjungar og
vegna smæðar markaðarins. „En
við erum samt ekki með frekari
svona samninga í burðarliðnum
til undirritunar í öðrum löndum,
heldur ætlum við að staldra við
og meta árangurinn af starfinu
hér.“
Þá segir hann að þótt Vodafone
sé að gera þarna tilraun í mark-
aðsetningu vörumerkis sé ekki
horft til markaðarins hér sem
einhvers konar tilraunamarkaðs
fyrir nýja vöru eða þjónustu.
„Þau mál eru í nokkuð föstum
skorðum og valdir smærri mark-
aðir til að setja út vörur í fyrsta
sinn og meta árangur.“
Matthias Jungeman áréttar að
Vodafone Group hafi ekki bund-
ist samstarfsfélaginu hér, Og
fjarskiptum, neinum fjárhags-
böndum og ekki fest kaup á hlut
í félaginu. „Við erum ekki í neinu
yfirtökuferli heldur sjáum við
þessa leið sem tækifæri til að
starfa náið með samstarfsfyrir-
tækjum okkar víða um heim um
leið og viðhaldið er sveigjanleika
og ákveðnu frelsi í athöfnum
beggja.“ - óká
Vilja flagga vöru-
merkinu sem víðast
Með einstæðum samningi fékk Og Vodafone nýverið
leyfi til að taka upp nafn Vodafone án viðskeytis.
GLAÐBEITTUR FRAMKVÆMDASTJÓRI
VODAFONE GROUP “Ég sit nú almennt
undir stýri í annarri bíltegund. Þú veist að
ég er þýskur,” sagði Matthias Jungemann,
framkvæmdastjóri hjá Vodafone Group,
hlæjandi þegar hann var fenginn til að
setjast undir stýri bresks leigubíls sem
Vodafone á Íslandi hefur til sýnis í verslun
sinni í Reykjavík. Markaðurinn/GVA
Sheer Driving Pleasure
BMW X5
www.bmw.is