Fréttablaðið - 11.10.2006, Blaðsíða 42
■■■■ { sendum grýluna heim } ■■■■■■■■■■■■■■■■■■■■■■■■■■■■■■■■■■■■■■■■■■■■2
Stuðningsmannafélag íslenska
landsliðsins ber heitið Áfram Ísland
og var stofnað árið 1998. Í dag eru
meðlimir í félaginu á fjórða þús-
und. Hugsunin með þessu félagi
er að virkja sem flesta áhorfendur
og auka stuðninginn við íslenska
landsliðið. Fréttablaðið náði tali af
Kjartani Má Hallkelssyni, formanni
félagsins og einum af stofnendum
þess.
„Við hittumst alltaf á Ölveri
fyrir heimaleikina og það fer dálít-
ið eftir stærð leikjanna og tíma-
setningu hversu mikið er í gangi.
Ef leikurinn er um helgi þá reynum
við yfirleitt að hafa einhverja dag-
skrá, fáum jafnvel einhverja gamla
landsliðkempu í heimsókn og
förum svo í skrúðgöngu á völlinn.
Jafnvel bjóðum við líka stuðnings-
mönnum andstæðinganna að koma
á Ölver,“ sagði Kjartan og tók fram
að félagið væri einnig mjög virkt í
útileikjunum. „Við höfum farið til
fjölda landa; nú síðast vorum við í
Belfast, og þá reynum við að hitt-
ast fyrir leiki, hafa smá upphitun
og búa til íslenska stemningu, það
er virkilega gaman,“ sagði Kjartan
en félagið er í samstarfi við Ice-
landair í skipulagningu ferða á
útileikina.
Áfram Ísland stendur fyrir sölu á
ýmiss konar varningi á landsleikjum
og eru félagsmenn mjög áberandi á
leikjum. Meðal þess sem er til sölu
eru búningar, treflar, hattar, lúðrar
og á Svíaleiknum verður hægt að
kaupa sérmerkta trefla, Ísland-Sví-
þjóð.
Hver er eftirminnilegasti útileik-
urinn sem Kjartan hefur farið á?
„Ég held að verði að segja Frakk-
land-Ísland, 3-2 leikurinn. Þetta
var fyrsti leikurinn sem við fórum
á og það var ótrúlegt að lenda 2-0
undir og ná svo að jafna. Það sló
hreinlega þögn á 80 þúsund manns
og það er erfitt að toppa svoleið-
is stemningu. Leikurinn í Belfast á
dögunum var líka alveg magnaður.
Stemningin á honum var alveg ein-
stök. Við vorum um 100 Íslendingar
á vellinum og það var sannkölluð
þjóðhátíðarstemning hjá okkur
þarna,“ sagði Kjartan og bætti því
við að stefnt sé á ferð til Spánar á
næsta ári.
Þeir sem hafa áhuga á að skrá sig
í félagið geta farið á heimasíðuna
www.aframisland.is og skráð sig þar
og það kostar ekkert að vera í félag-
inu. Stuðningsmannafélagið Áfram
Ísland ætlar að hittast á Ölveri í dag
og gera sér glaðan dag en þangað
eru allir velkomnir, hvort sem þeir
eru meðlimir eða ekki. - dsd
Á fjórða þúsund meðlimir í Áfram Ísland
29. júní árið 1951 skráði Ríkharður
Jónsson nafn sitt í sögu íslenskrar
knattspyrnu þegar hann skoraði öll
mörk Íslands í 4-3 sigri á frændum
vorum Svíum. Fréttablaðið náði
tali af þessum mikla markaskor-
ara á dögunum. „Barnið mitt sagði
fyrir nokkrum árum að þegar Svíar
kæmu til Íslands þá væri ég alltaf
puntaður upp. Þetta er eins þegar
mamma er að fægja silfrið fyrir
jólin,“ sagði Ríkharður glaður í
bragði í upphafi samtalsins. Hver
er hins vegar minning Ríkharðs af
þessum leik þar sem hann skoraði
fjögur mörk?
„Almennt séð þá er nú litið á
Ísland sem lítið land sem á ekki
að geta mikið. Í flestum tilfellum
þá held ég að svo sé einnig þegar
svona sigrar koma, eins og þessi
var. Svíar vinna Ólympíutitilinn
þremur árum áður í London og voru
með mjög gott lið á þessum árum.
Maður man bara eftir því sjálfur að
þegar stóru liðin hér heima mættu
minni liðum í bikarkeppni eða eitt-
hvað þá ætluðu menn að taka þetta
nokkuð auðveldlega. Leikmenn
segja alltaf að þeir muni ekki van-
meta andstæðinginn en það er ein-
faldlega komið inn í sálina og það
er ekki hægt að losna við það. Þeir
voru þarna ellefu eins og við og
skoruðu einfaldlega færri mörk en
við. Fótboltinn snýst ekki bara um
spil, hann snýst um að skora fleiri
mörk en andstæðingurinn. Ef lið
er með leikmenn sem geta skorað
mörk þá er hægt að vinna ótrúleg-
ustu lið,“ sagði Ríkharður Jónsson.
Samherji Ríkharðs í framlínunni á
þessum árum var Þórður Þórðar-
son og hann var ekki síður mikill
markaskorari en í 18 landsleikjum
skoraði hann 9 mörk.
„Ef Ísland væri með leikmann
sem skoraði eitthvað líkt og við
gerðum í gamla daga þá væri stað-
an sennilega eitthvað öðruvísi en
í dag. Okkur vantar markaskor-
ara. Eiður er yfirburðaspilari og
var ótrúlega óheppinn í síðasta
leik,“ sagði Ríkharður sem er ekki
alveg nógu sáttur við spilamennsku
íslenska landsliðsins í dag. „Miðað
við það að við erum með 100%
atvinnumenn í þessu liði þá finnst
mér úrslitin ekki nógu hagstæð.
Það var talað um að við værum
bara áhugamenn hér áður fyrr en
nú erum við að spila með atvinnu-
menn á móti atvinnumönnum og
útkoman er ekkert mikið betri. Að
því leytinu er ég ekki alveg nógu
sáttur. Það virðist ekki nást út úr
þessu liði það sem til er í því, nema
alltof sjaldan.“
„Mér finnst fótboltinn í dag
almennt ekki nógu góður. Það er
einhver þvingun í honum. Það
muna margir eftir Maradona, hann
var ekki fimm eða tíu metra með
boltann, hann fór fimmtíu metra,
plataði alla varnarlínuna og skor-
aði. Þetta er ekki til í boltanum í
dag. Maradona er sá albesti sem
uppi hefur verið. Í dag er það þannig
að ef einhver ætlar sér að fara af
stað og leika á mann, tekst það ekki
einu sinni eða tvisvar, þá er honum
skipt út af. Leikmenn fá of lítið að
reyna sig. Það er of mikið verið að
banna leikmönnum að prófa svona
hluti. Við erum að kenna tíu og
tólf ára gömlum krökkum einhver
kerfi. Það á leyfa þessum krökkum
að leika sér og plata andstæðinginn
alveg eins mikið og þau vilja. Þegar
þau verða fimmtán eða sextán ára
gömul þá má byrja að kenna þeim
að spila saman,“ sagði Ríkharður
en hvernig spáir að leikurinn móti
Svíunum fari?
„Við fengum flengingu úti í Lett-
landi og ættum því að berjast eins
og ljón í þessum leik og Svíarnir eru
í skýjunum eftir sigur gegn Spán-
verjum. Ég hugsa að þetta verði jafn
leikur og ég spái jafntefli, það verð-
ur ekki mikið skorað í þessu,“ sagði
Ríkharður Jónsson að lokum. - dsd
Fjögur mörk í einum leik gegn Svíum
Ríkharður Jónsson er einn mesti markaskorari sem við Íslendingar höfum átt. Ríkharður skoraði 17 mörk í 33 leikjum
og þar af komu fimm þessara marka gegn Svíum. Hann skoraði fjögur mörk í einum og sama leiknum árið 1951.
29. júní 1951:
Ísland-Svíþjóð 4-3
Mörk Íslands: Ríkharður Jónsson
4.
24. ágúst 1954:
Svíþjóð-Ísland 3-2
Mörk Íslands: Þórður Þórðarson
og Ríkharður Jónsson.
10. júlí 1973:
Svíþjóð-Ísland 1-0
20. júlí 1977:
Ísland-Svíþjóð 0-1
17. júlí 1980:
Svíþjóð-Ísland 1-1
Mark Íslands: Guðmundur Þor-
björnsson.
17. ágúst 1983:
Ísland-Svíþjóð 0-4
18. ágúst 1988:
Ísland-Svíþjóð 0-1
7. september 1994:
Ísland-Svíþjóð 0-1
1. júní 1995:
Svíþjóð-Ísland 1-1
Mark Íslands: Arnar Gunnlaugs-
son.
16. ágúst 2000:
Ísland-Svíþjóð 2-1
Mörk Íslands: Ríkharður Daða-
son og Helgi Sigurðsson.
13. október 2004:
Ísland-Svíþjóð 1-4
Mark Íslands: Eiður Smári Guð-
johnsen.
12. október 2005:
Svíþjóð-Ísland 3-1
Mark Íslands: Kári Árnason.
L U J T
Ísland 12 2 2 8 12-24
Svíþjóð 12 8 2 2 24-12
Fyrri viðureignir
Það er oft góð stemning í stúkunni á landsleikjum, hvort sem spilað hér heima eða
erlendis. Hér eru Íslendingar í góðum gír í Þýskalandi. ÞFRÉTTABLAÐIÐ/ÞÖK
Guðmundur Árni Stefánsson,
sendiherra Íslands í Svíþjóð, er
knattspyrnuáhugamaður mikil.
Ósjaldan sést hann á heimaleikj-
um FH enda fyrrverandi formaður
knattspyrnudeildar félagsins. Guð-
mundur Árni var nokkuð brattur
fyrir leikinn í dag og sagði að sigur
Svía á Spánverjum gæti alveg
eins virkað okkur í hag. „Svíar
eru skýjum ofar eftir þennan sigur
og tala eins og þeir séu nú þegar
komnir í úrslitaleik Evrópukeppn-
innar,“ sagði Guðmundur Árni og
lét fylgja með að Svíar væru nokk-
uð sigurvissir fyrir leikinn gegn
Íslendingum.
„Einstaka menn reyna að tala
þetta niður en undirtónninn er sá
að þeir eigi að vinna þetta örugg-
lega. Það örlar dálítið á þeim anda
að þeir séu stóri bróðir sem eigi að
vinna litla bróður. Það getur líka
virkað okkur í hag. Ég vona að
íslensku strákarnir séu alveg kol-
vitlausir eftir þetta ósanngjarna
tap gegn Lettum, sá leikur hefði
getað farið á báða vegu,“ sagði
Guðmundur Árni og bætti því við
að Svíar söknuðu Zlatans Ibrahim-
ovic ekki mikið þessa dagana.
„Þeir gerðu það til að byrja
með en þeir hafa nú verið að gera
kannanir á meðal íþróttaáhuga-
manna og það er um það bil helm-
ingur þeirra sem segir það skipta
engu hvort Zlatan sé í liðinu. Fyrir
mánuði voru það 90% sem töldu
að Svíar gætu ekki verið án hans
en það er engin spurning að þetta
veikir liðið. Svíar unnu hins vegar
Spánverjana á samstöðunni og þeir
hafa alltaf haft trú á sjálfum sér.
Ég tel að við getum komið í bakið
á þeim, það er stutt á milli þess að
hafa mikla trú á sér og að vera of
sigurviss og ég held að Svíar séu
alveg við þá línu,“ sagði Guð-
mundur Árni og þó að Svíar segist
ekki vanmeta Íslendinga þá er það
ávallt í huga manna.
„Fjölmiðlar virðast nú aðallega
hafa áhyggjur af veðrinu sem er
mjög undarlegt því þeir eru vanir
að spila í harða frosti og snjókomu
í Svíþjóð. Veðrið ætti því ekki að
koma þeim á óvart. Undirtónninn
er samt sem áður að þeir eigi að
vinna þetta nokkuð auðveldlega og
í því gætu möguleikar okkar legið,“
sagði Guðmundur Árni en hvernig
spáir hann leiknum?
„Þrátt fyrir tapið gegn Lettum
um daginn þá fannst mér spilið
vera ágætt á köflum og við sköp-
uðum okkur góð færi. Ég held að
við vinnum þennan leik 2-1. Það
yrði gaman að vera hér í Svíþjóð
dagana á eftir ef að það gengur
eftir,“ sagði Guðmundur Árni að
lokum, sem mun liggja límdur við
sjónvarpið í Svíþjóð í dag. - dsd
Svíar eru sigurvissir en við vinnum leikinn
Ríkharður Jónsson var markaskorari mikill og á markametið með íslenska landsliðinu með
Eiði Smára.
Guðmundur Árni Stefánsson, sendiherra
Íslands í Svíþjóð, er mikill knattspyrnu-
áhugamaður og er bjartsýnn fyrir leikinn
gegn Svíum í dag.
Miðasala á leikinn í dag er enn í
fullum gangi og enn eru til miðar.
Miðasala stendur yfir á heima-
síðunni www.midi.is, í verslunum
Skífunnar og í verslunum BT. Sætin
eru númeruð og getur kaupandi
valið sér sæti.
Forsala hefur staðið yfir síðustu
daga en miðaverð á leikdegi er frá
tvö til fimm þúsund krónum; allt
fer það eftir því hvar í stúkunni
viðkomandi vill sitja. Rétt er að
geta þess að börn 16 ára og yngri fá
miðann á hálfvirði. - dsd
Miðasala í
fullum gangi
Tveir leikmenn íslenska liðsins eru
með gult spjald á bakinu fyrir leik-
inn í dag,
sem þýðir
að ef þeir fá
gult spjald í
leiknum í dag
þá fara þeir í
leikbann og
verða ekki
með í leikn-
um gegn
Spánverjum
28. mars á
næsta ári.
Þetta eru þeir
Eiður Smári
Guðjohnsen
sem fékk gult spjald gegn Dönum í
síðasta mánuði og Ívar Ingimarsson
sem fékk spjald á síðustu mínútu í
síðasta leik. - dsd
Eiður er á
gulu spjaldi
Eiður Smári Guðjohnsen
fer í leikbann ef hann
fær gult spjald og sömu
örlög hlýtur Ívar Ingi-
marsson fái hann gult
spjald í dag. FRÉTTABLAÐIÐ/HEIÐA