Fréttablaðið - 11.10.2006, Blaðsíða 32
MARKAÐURINN 11. OKTÓBER 2006 MIÐVIKUDAGUR2
F R É T T I R
G E N G I S Þ R Ó U N
Vika Frá áramótum
Actavis 3% 39%
Alfesca -1% 24%
Atlantic Petroleum -4% 33%
Atorka Group 1% 2%
Avion Group 1% -32%
Bakkavör 2% 15%
Dagsbrún 1% -15%
FL Group 0% 19%
Glitnir 3% 21%
KB banki 6% 19%
Landsbankinn 0% 6%
Marel 5% 23%
Mosaic Fashions -3% -9%
Straumur -2% 7%
Össur 0% 9%
Miðað við gengi í Kauphöll á mánudaginn
Bloomberg hefur valið
Kepler Equities, dótturfélag
Landsbankans í París, sem besta
greiningaraðilann í að velja
hlutabréf í Evrópu.
Skaut Kepler stórlöxum á
borð við Merrill Lynch, Morgan
Stanley og UBS, sem komu
í næstu sætum, ref fyrir rass.
Horft var til þess hvernig verð
hlutabréfa þróaðist út frá kaup
og sölu ráðleggingum.
Sigurjón Þ. Árnason, banka-
stjóri Landsbankans, segir að
útnefning Bloomberg sé mikill
heiður fyrir Kepler og bankann
í heild og beini augum fjárfesta
að Kepler. „Það er dropinn sem
holar steininn. Því oftar sem þú
sýnir að þér gangi vel þá skilar
það sér til baka jafnt og þétt.“
- eþa
KEPLER Í PARÍS Besti greiningaraðil-
inn í hlutabréfum í Evrópu samkvæmt
Bloomberg.
Bloomberg setur
Kepler í fyrsta sæti
Óli Kristján Ármannsson
skrifar
Þýski þróunarsjóðurinn KfW bætti í gær níu millj-
örðum króna við útgáfu sína á skuldabréfum í
krónum. Slík erlend útgáfa bréfa í krónum hefur
ýmist hafa verið nefnd krónu- eða jöklabréf. Í
morgunkorni Glitnis er greint frá því að sjóðurinn
hafi gefið bréfin út í þremur jafnstórum útgáfum
þar sem gjalddögunum er dreift á árin 2008, 2009
og 2010, allir í október.
Bankinn bendir á að með þessari viðbót nemi
heildarútgáfa KfW 87 milljörðum króna. „Til saman-
burðar eru allir ríkisbréfaflokkarnir tæpir 86 millj-
arðar króna að markaðsvirði,“ segir í morgunkorni
bankans. Alls hafa nú verið gefin út krónubréf
fyrir tæpa 310 milljarða króna en útistandandi eru
tæplega 260 milljarðar. Þar af koma nálægt því 100
milljarðar til innlausnar næsta haust. „Aukinn kraft-
ur í útgáfu krónubréfa á síðustu vikum hefur haft
veruleg áhrif á gengi krónunnar sem hefur hækkað
um 3,5 prósent síðasta mánuðinn. Áhugavert verður
að sjá hvað gerist á gjaldeyrismarkaði þegar draga
mun úr áhuga erlendra fjárfesta á frekari útgáfu.
Þetta gæti vel átt sér stað með lækkun stýrivaxta á
næsta ári og jafnvel fyrr,“ segir bankinn og telur að
dragi hratt úr útgáfu krónubréfa að nýju gæti fylgt
því snörp lækkun gengis krónunnar.
Það sem af er árinu nemur útgáfa jöklabréfa
141 milljarði króna. Lánasýsla ríkisins grein-
ir frá því að í síðasta mánuði hafi alls bæst við
29,5 milljarðar króna frá Deutsche Bank, HSBC,
Rabobank, Rentenbank, Depfa Bank, Toyota og frá
KfW. Innlausn jöklabréfa hófst um miðjan síðasta
mánuð en hefur ekki haft teljandi áhrif á gengi
krónunnar, meðal annars vegna áframhaldandi
útgáfu og endurnýjun bréfa sem drifin er áfram af
vaxtamun við útlönd.
Þorvarður Tjörvi Ólafsson, hagfræðingur á
rannsóknar- og spádeild hagfræðisviðs Seðlabanka
Íslands, er sérfróður um útgáfu jöklabréfa. Hann
segir erfitt að spá fyrir um hvert framhaldið verði
í þessari útgáfu. „Við höfum svo sem sagt að þetta
muni halda áfram svo lengi sem þessir drifkraftar
eru til staðar. Sérstaklega er það vaxtamunurinn og
svo hefur greinilega skapast meiri ró hjá erlendum
fjárfestum gagnvart krónunni og íslensku efna-
hagslífi almennt,“ segir hann og bendir á að krón-
an sé ekki jafnsterk nú og fyrir ári þegar útgáfa
jöklabréfanna fór af stað. „Erlendir fjárfestar telja
það því væntanlega ekki jafnáhættusamt og þá að
fjárfesta í þessum bréfum þegar ef til vill voru
líkur á að krónan myndi gefa meira eftir. Á móti
kemur að viðskiptahallinn er verulega hár sem
kallar náttúrlega á einhverja gengisaðlögun þannig
að fjárfestingin er vissulega áhættusöm.“
Þorvarður Tjörvi segir áframhaldandi útgáfu
ráðast af mati erlendu fjárfestanna á hvort vaxta-
munur verði hér áfram mikill við útlönd, bæði hver
verði peningastefna Seðlabankans og eins vaxta-
þróun í útlöndum. „Í Japan þar sem menn hafa
verið að fjármagna þessi viðskipti hefur ýmislegt
bent til þess að stýrivextir muni ekki hækka jafn-
hratt og menn töldu í sumar.“
ÞORVARÐUR TJÖRVI ÓLAFSSON Þorvarður Tjörvi, hagfræðingur
á rannsóknar- og spádeild Seðlabankans sem fyrir rúmu ári síðan
skrifaði ritgerð um jöklabréf, fjallaði um þau á fundi Viðskiptaráðs
um stöðu krónunnar fyrir skömmu. Markaðurinn/GVA
Erlendur skuldabréfaút-
gefandi stærri en ríkið
Þýski þróunarsjóðurinn bætti í gær 9 milljörðum króna
við jöklabréfaútgáfu sína. Heildarútgáfa sjóðsins er yfir
markaðsvirði allra ríkisbréfaflokkanna, bendir Glitnir á.
Byggingavörufyrirtækið
MEST, sem nýlega sam-
einaðist Súperbygg,
hefur í byggingu nýja
3.600 fermetra versl-
un í Norðlingaholti sem
stefnt er á að verði opnuð
í vetur. Þar að auki eru
áætlanir uppi um að reisa
2.000 fermetra verslun-
ar- og þjónustuhúsnæði
á Malarhöfða. Fyrir eru
þrjár verslanir reknar
undir nafni MEST á höfuð-
borgarsvæðinu.
Þórður Birgir Bogason,
forstjóri MEST, segir félagið
stefna að því að ná afgerandi
stöðu á byggingavörumarkaðnum.
Fyrirtækið hafi þegar yfir helm-
ings markaðshlutdeild í múr- og
steypuvörum á markaði fagaðila
og stefni að því að ná
sambærilegri hlut-
deild í öðrum vörum.
„Við erum að víkka
okkar vöruframboð
og færa okkur frek-
ar inn á bygginga-
vöruhluta markað-
arins. Nú erum við
komin með allar
vörur til húsbygg-
inga og höfum klár-
lega mikla sérstöðu
á markaðnum þar
sem við höfum mun
breiðara vöruúrval
en aðrar byggingavöruverslanir.“
Áætluð ársvelta MEST eftir
sameininguna, sem gekk form-
lega í gegn síðastliðinn mánu-
dag, er um 6 milljarðar króna og
starfsmenn eru um 250. - hhs
MEST OG SÚPERBYGG
SAMEINAST Þórður Birgir
Bogason og Pétur Hans
Pétursson handsala samn-
inginn.
Stefna að afgerandi
markaðshlutdeild
Sala var góð á fiskmörkuðum í síð-
ustu viku en þá seldust 2,6 tonn af
fiski. Meðalverð var 147,98 krón-
ur á kíló og nam söluverðmæti 387
milljónum króna í vikunni sem er
ríflega 64 milljóna króna aukning
á milli vikna.
Þetta er nokkuð betra en vik-
una á undan en þá seldust tæp 2,3
tonn af fiski og var meðalverðið
142,33 krónur á kíló.
Ýsa heldur sæti sínu sem mest
selda tegundin líkt og fyrri vikur
og þorskur situr fast í öðru sæti.
Verð fyrir slægða ýsu og þorsk
lækkaði nokkuð á milli vikna.
Ýsan fór á 132,64 krónur á kílóið
í síðustu viku, sem er 6 krónum
minna en fengust vikuna á undan.
Þá fengust 235,28 krónur fyrir
slægðan þorsk en það er 5 króna
lækkun á milli vikna.
Hæsta meðalverð fékkst fyrir
skötuskel í síðustu viku og hefur
hann sætaskipti við sandhverfu og
lúðu sem voru dýrustu tegundir
vikuna á undan. Athygli vekur
hins vegar að í síðustu viku voru
67 tonn af skötusel í boði á fisk-
mörkuðum en þegar sandhverfa
og lúða voru boðin upp vikuna á
undan var talsvert minna magn í
boði eða einungis 6 kíló af sand-
hverfu og um 5 tonn af lúðu. - jab
Metverð á skötusel
Ikea opnar nýja verslun í Kauptúni
í Garðabæ á morgun og flytur úr
húsnæði sínu í Holtagörðum. Rými
Ikea í Holtagörðum mun að líkind-
um standa autt fram á næsta ár en
skipulagsbreytingar eru fyrirhug-
aðar á húsinu.
Búast má við að nýja húsnæð-
ið muni rúma Ikea betur enda
talsverður munur á húsunum.
Húsnæðið sem Ikea hefur verið í
síðastliðin 12 ár í Holtagörðum er
rétt rúmir 9.000 fermetrar að stærð
en nýja húsnæðið, sem sérstaklega
er byggt fyrir starfsemi fyrirtækis-
ins, er rúmir 20.000 fermetrar.
Enn hefur ekki verið ákveðið
hvaða verslanir verði í húsnæði Ikea
í Holtagörðum. Örn V. Kjartansson,
hjá eignaumsýslu fasteignafélags-
ins Stoða hf., sem á húsnæðið, segir
Ikea hafa gert leigusamning um
húsnæðið í Holtagörðum fram á
mitt næsta ár. Líkur séu á að hús-
næðið verði autt í einhvern tíma
eða þar til nýir aðilar taka við.
Örn segir endurskipulagningu
fyrirhugaða á Holtagörðum enda
sé staðsetningin góð og vilji menn
hafa verslanarekstur áfram í hús-
inu. Viðræður séu langt komnar
við nokkur fyrirtæki um rekstur í
húsinu og megi búast við að nýir
aðilar verði komnir í það rými sem
Ikea skilur eftir sig á næsta ári, að
sögn Arnar. - jab
Verslanir áfram í Holtagörðum