Fréttablaðið - 11.11.2006, Blaðsíða 18

[Hlutabréf]
Bakkavör Group hefur keypt eft-
irréttaframleiðandann Rye Valley
Patisserie af Kerry Group, stærsta
matvælaframleiðanda Írlands.
Um er að ræða verksmiðjur í
Birmingham sem framleiða ferska
tilbúna eftirrétti fyrir Bretlands-
markað.
Kaupverðið er ekki gefið upp
en kaupin eru fjármögnuð með
sjóðum Bakkavarar. Með þessari
fjárfestingu styrkir Bakkavör sig
í eftirréttum þar sem markaðs-
hlutdeild félagsins hefur verið
einna lægst í þeim flokkum kældra
matvara sem það framleiðir fyrir
breska markaðinn, eða tæpur
fimmtungur af heildinni.
Styrkir sig í eftirréttunum
Vísitala neysluverðs lækkaði um
0,04 prósent milli október- og nóv-
embermánaða. Það var í takt við
spár greiningardeilda bankanna
sem gerðu ráð fyrir engri breyt-
ingu vísitölunnar til 0,1 prósents
lækkunar.
Það sem helst virkaði til lækk-
unar vísitölunnar var að verð á
bensíni og dísilolíu lækkaði um
3,5 prósent vegna gengislækkun-
ar krónunnar og lægra heims-
markaðsverðs á eldsneyti. Á móti
kom að íbúðarkostnaður hækkaði
um 0,6 prósent sem kom að mestu
til vegna hærri vaxta.
Verðbólgan mælist nú 7,3 pró-
sent á ársgrundvelli og eykst úr
7,2 prósentum í október. Það er
því enn langt bil milli raunveru-
leikans og markmiðs Seðlabank-
ans upp á 2,5 prósenta verðbólgu.
Greiningardeild Glitnis segir allt
benda til þess að bólgan hafi náð
hámarki og úr henni muni draga
hratt á næstunni. Telur hún jafn-
framt líklegt að stýrivextir Seðla-
bankans hækki ekki frekar nema
gengi krónunnar komi til með að
gefa skyndilega mikið eftir, sem
virðist ólíklegt sem stendur.
Vísitala neysluverðs lækkaði um 0,04 prósent milli október og nóvember. Verð-
bólgan er enn langt frá 2,5 prósenta verðbólgumarkmiði Seðlabanka Íslands.
Bandaríska vísindatímaritið Popul-
ar Science hefur veitt stoðtækjafyr-
irtækinu Össur hf. verðlaunin „Best
of What‘s New“ fyrir rafeindastýrð-
an gervifót með gervigreind, þann
fyrsta sinnar tegundar í heiminum.
Þetta er annað árið í röð sem
Össur hlýtur verðlaunin en í fyrra
hlaut fyrirtækið verðlaun fyrir vél-
knúið gervihné. Meðal þeirra fyrir-
tækja sem hlotið hafa verðlaunin
eru BMW, Porsche, Sony og Apple.
Jón Sigurðsson, forstjóri Öss-
urar, sagði á blaðamannafundi í
gær, að fóturinn, sem byggi á svip-
aðri tækni og gervihnéð og getur
lagað sig að mismunandi undir-
lagi, væri nýtt skref fyrir Össur.
Hann vissi hins vegar ekki til að
neitt annað fyrirtæki í heiminum
hefði fengið verðlaunin í tvígang.
Guðmundur Ólafsson, sem missti
hægri fótinn eftir áralöng veikindi
fyrir tveimur árum en hefur unnið
með þróunardeild Össurar í gegn-
um prófferli á fætinum, sýndi fót-
inn og deildi reynslu sinni.
Guðmundur sagði þetta mikla
breytingu. Hann gæti hreyft sig
eðlilega og þyrfti ekki að stilla fót-
inn eftir því hvernig hann hreyfði
sig. Sömu sögu var að segja um
skókaup. Þau hefðu verið vanda-
mál áður fyrr en heyrðu nú sög-
unni til þar sem fóturinn lagar sig
sjálfur að skónum.
Össur verðlaunað fyrir gervifót
Eins og kom fram í Fréttablaðinu
í gær hafa stjórnir Sparisjóðsins í
Keflavík og Sparisjóðs Ólafsvík-
ur ritað undir áætlun um sam-
runa sjóðanna. Fallist stofnfjár-
eigendur beggja sparisjóða á
hana miðast samruninn við 1. júlí
síðastliðinn.
Í tillögum til funda stofnfjár-
eigenda sparisjóðanna er gert ráð
fyrir að eigið fé hins sameinaða
sparisjóðs verði um átta milljarð-
ar króna og munu stofnfjáreig-
endur í Ólafsvík fá 3,2 prósent
fyrir sinn snúð en stofnfjáreig-
endur í Keflavík 96,8 prósent.
SPKef skilaði eins milljarðs
króna hagnaði á fyrri hluta ársins
en hagnaður SPO var 22 milljónir
króna árið 2005.
Til þess að mæta skiptihlut-
föllum þarf að auka stofnfé í
Sparisjóði Ólafsvíkur.
Sameiningin er gerð í þeim til-
gangi að efla starfsemina á starfs-
svæðum sparisjóðanna og sækja
fram á við á nýjum vettvangi.
Eigið fé upp á átta milljarða
Peningaskápurinn ...