Fréttablaðið - 11.11.2006, Blaðsíða 92

Högni í læðulit
Magnús á mjög sérstakan persneskan kött sem heitir Kamb-ur. „Það sem er sérstakt við Kamb er að hann er í svoköll-
uðum læðulit,“ segir Magnús en kötturinn er þrílitur. „Almennt
eru það einungis persneskar læður sem eru þrílitar en högnar
eru í mesta lagi tvílitir. Ég veit bara um einn annan persneskan
högna sem er þrílitur og hann er í Danmörku þannig að Kambur
er alveg einstakur.“ Magnús segir Kamb vera voðalega ljúfan og
þægilegan sem gæludýr og ekki fari mikið fyrir honum. „Það er
ekki til grimmd í þessum köttum.“
Magnús og fjölskylda hans hafa átt Kamb síðan hann var nokk-
urra mánaða en hann er núna orðinn átta ára. „Við vorum dálítið
með hann á sýningum til að byrja með en nennum ekki að standa
í því lengur. Það er dálítið mál að vera með svona kött því þeir
þarfnast mikillar umhirðu og það þarf að greiða þeim reglulega,“
segir Magnús Ver.
Skoppa
um allt
Formaður KR-sport, er með litlu vatnafroskana Nonna og Manna
á heimili sínu. „Þetta froskaævintýri
fór þannig af stað að í bekknum hjá
syni mínum, Aroni, fór af stað
umræða um það hvort hægt væri
að hafa dýr í kennslustofunni,“
segir Jónas og bætir því við að
sonur hans hafi tekið frumkvæði
að því fyrir hönd bekkjarins. „Hann
labbaði út í næstu dýrabúð, keypti
tvo froska og mætti með þá í búr-
inu í skólann daginn eftir. Það varð
til þess að þeir voru í skólastofunni
fram yfir jól á síðasta ári. Síðan
hafa þeir verið heima hjá okkur og
una hag sínum ágætlega í litlu búri
fullu af vatni, með gróðri og huggu-
legheitum.“
Jónas segir froskana einungis
þrífast í vatni en geti þó verið í
stuttan tíma á þurru landi og þá
hoppi þeir um allt. „Þeir lifa alveg í
vatninu en koma upp á yfirborðið
annað slagið til að ná sér í súrefni,“
segir Jónas.
Engar hömlur á verslun
í Flugstöð Leifs Eiríkssonar
Að gefnu tilefni skal það tekið fram og ítrekað að þrátt fyrir nýjar öryggisreglur
geta farþegar eftir sem áður keypt allan vökva, krem og aðrar snyrtivörur
á frísvæði Flugstöðvarinnar hvort heldur sem þeir eru að fara af landi brott eða
koma til Íslands.
Allar upplýsingar um verslun í Flugstöð Leifs Eiríkssonar og nýjar öryggisreglur er
að finna á heimasíðu Flugstöðvarinnar www.airport.is