Fréttablaðið - 01.12.2006, Qupperneq 56

sirkus01.12.06
8 viðtalið
Sirkus ákvað að koma Magna okkar
á óvart í tilefni af 28 ára afmæli
hans. Við boðuðum hann í viðtal á
Nordica hótel og sögðum honum
að taka alla sína frægu rokkaravini
sína. Jói Fel var þá búinn að baka
glæsilega afmælistertu og búið var
að skreyta eins og gert er í alvöru
afmælisveislum. Hann var glaður.
En þó aðallega stressaður. Tvennir
tónleikar voru á dagskránni næstu
tvo daga. Rockstar-vinirnir voru þó
ögn rólegri.
„Ég lenti bara fyrir tveimur tímum og
er alveg uppgefinn,“ sagði Toby
sem mætti fyrstur ásamt Josh,
besta vini Magna. Þeim sem ekki
vita skal greint frá því að Toby er
ástralska kyntröllið og hefur verið á
tónleikaferðalagi í Bandaríkjunum.
„Ég flaug frá Chicago en við erum
búnir að vera í Kansas að spila,“
sagði Toby sem var klæddur eins
og sannur rokkari. Sólgleraugun,
grifflurnar og svart naglalakk eru
einkennis merki Ástralans.
„Ég er alveg í rúst eftir gærkvöldið.
Við fórum á einhvern stað og
borðuðum geðveikan mat. Ég held
ég hafi líka drukkið aðeins of mikið.
Þetta íslenska Reyka vodka er alveg
frábært,“ sagði Josh sem leit út eins
og hann hefði einmitt verið að
drekka Reyka vodka kvöldið áður.
„Ríddu mér,“ sagði Toby skyndilega
og bætti við að einhver stelpa væri
alltaf að senda honum þessa línu á
Myspace. „Ég keypti mér brennivín í
morgun og ætla að drekka það allt
á meðan ég er hérna,“ sagði Toby,
sem greinilega er sá eini sem er á
lausu í hópnum.
Fljótlega mættu dívurnar tvær
Storm og Dilana ásamt kónginum
Magna. „Vá, geðveik kaka,“ sagði
Dilana en rokkaravinir Magna kalla
hann altaf Magz. Fljótlega hófust
umræður um tónleikana og hvað
þau ættu að spila lengi. „Þetta er
þriggja tíma prógramm,“ sagði
Magni og það kom smá hik á
Ástralann. „Ég spilaði þrjú kvöld í
þrjá tíma, sem sagt níu tíma síðustu
helgi,“ bætti Magni við og allir
virtust geim.
Ameríkanarnir voru ekki alveg að
fatta tappana á íslensku glerflösk-
unum og reyndu að snúa þá sundur
og saman eins og gert er í
Bandaríkjunum. Toby og Josh
ákváðu að panta sér nautasteik en
voru ekki vissir því það var svo dýrt.
„EVS,“ sagði Magni þá en það er
ástralsk lingó yfir „fuck it“.
„Ég vil keyra bílinn þinn,“ sagði
Dilana skyndilega við Magna, sem
hló að þessari uppástungu.
Stelpurnar ætluðu í nudd. Þær
borðuðu skyr sem Dilana var
greinilega búin að kynna sér
eitthvað.
„Eru einhverjir strippklúbbar á
Íslandi?“ spurði Toby fljótlega og
Josh var fljótur að svara. „Já, við
keyrðum framhjá einum í gær. Ég
held það sé bara einn strippari þar.“
Magni útskýrði þó fyrir Toby að það
versta við íslenska strippstaði væri
að þar sýni einungis stúlkur frá
Austantjaldslöndum.
Skyndilega er bankað á dyrnar.
Þegar þær eru opnaðar stendur
Alex, starfsmaður Nordica, fyrir
utan. Ókunnugum til fróðleiks er hér
með upplýst að Alex tekur þátt í X-
Factor á Stöð 2. „Fæ ég ekki mynd
af mér með ykkur,“ spyr Alex og
ekkert virðist sjálfsagðara. Nokkrum
myndum er smellt af Alex sem
brosir út að eyrum. „Gangi þér vel í
X-Factor,“ segja krakkarnir og Alex
þakkar fyrir sig.
Það fór ekki framhjá neinum að
þarna voru sannir rokkarar að tala
um bransann. „Ryan er sá eini sem
er að gera eitthvað af viti af okkur,“
sagði Magni og átti þar við Ryan
Star sem var með krökkunum í
þættinum. „Já, það er vegna þess
að hann er svo góður bissnessmað-
ur,“ svaraði Dilana.
Þó voru ekki allir sammála þessari
fullyrðingu Magna og sögðu plötu
Ryans ekki hafa gengið eins vel og
hann vildi vera láta.
Lukas Rossi sem sigraði Rockstar-
þættina er nú að spila með
Supernova. Umræður hófust
fljótlega um Lukas og sagði Toby
hann haga sér eins og fífl. „Hann
sagði einhverri stelpu um daginn að
hún væri helvítis svín.“
„Og þú ert að fara að túra með
þeim. Góða skemmtun,“ sagði
Magni og hinir hlógu. „Lukas er
sonurinn sem Tómas hefur alltaf
viljað,“ sagði Dilana og átti þar við
Tommy Lee, trommara Supernova.
Það eru greinilega allir með skoðan-
ir á honum Lukasi. Þau tala um að
hann hafi verið að sofa hjá starfs-
fólki þáttarins. Þar nefna þau
einhverja breska stelpu og aðrar
sem unnu við hárgreiðslu og
vinkonur þeirra. „Svo lét hann reka
stelpu sem sá um matinn í þáttun-
um,“ lét einhver út úr sér.
Af tali þeirra mátti einnig skilja að
Tommy Lee hefði hóp af stelpum
sem hann hringdi í þegar hann væri
slappur. „Já, hann lét þær fá
númerið hans Lukasar og það er
greinilegt að hann vill koma þeim
yfir á hann.“
Tal þeirra um Lukas var þó allt á
góðu nótunum en Magni stendur í
samningaviðræðum um að fara á túr
með Supernova nú eftir áramót.
„Svo er Josh að undirbúa raunveru-
leikaþátt,“ sagði einhver og frekari
útskýringar fylgdu í kjölfarið. „Þetta
er sko raunveruleikaþáttur um
hvernig eigi að búa til raunveruleika-
þátt,“ útskýrði Josh.
Storm ropar en biðst afsökunar.
Toby tilkynnir öllum að hann ætli að
sofa í dag og hvíla sig fyrir tónleik-
ana um kvöldið. Magni blæs á kertin
og afmælissöngurinn er kyrjaður
upp á enska tungu. Krakkarnir
hrósa kökunni, óska Magna til
hamingju og kveðja. Afmælisveislan
heppnaðist vel. Það er ekki á
hverjum degi sem maður fer í
afmælispartí með svo mörgum
frægum.
stjörnurnar rokka á
afmælisdegi Magna
Sirkus hélt Magna afmælisveislu og bauð öllum rokkaravinum hans frá útlöndum
Ljósmyndir:
Valgarður Gíslason
Förðun:
Anna Kristín óskarsdóttir
KAKA: Auðvitað jói Fel
HerberGi: Hið stórfenglega
stjórnarherbergi á nordica hóteli
TexTi: Andri og breki
Toby Dilana Magni Storm Josh
„Ég keypti mér brennivín í morgun og ætla
að drekka það allt á meðan ég er hérna.“
Toby