Fréttablaðið - 05.12.2006, Síða 10

Fimmtudaginn 7. desember efnir Græni krossinn til sinnar fyrstu
ráðstefnu um öryggis- og heilbrigðismál á vinnustöðum og í
samfélaginu. Græni Krossinn eru samtök sem hafa það stefnumið að
stuðla að auknu öryggi og heilbrigði á vinnustöðum og í samfélaginu.
Leitast verður við að svara spurningum um hvort og hvernig
við getum aukið árangur okkar í heilbrigðis- og öryggismálum
þannig að starfsfólk skili sér ávallt heilt heim.
Ráðstefnan er haldin á Hótel Nordica
í sal A og B og stendur frá kl. 9:00 til 16:00.
Fundarstjórar eru Ármann Kr. Ólafsson, forseti bæjarstjórnar í
Kópavogi og Stefanía Katrín Karlsdóttir, bæjarstjóri Árborgar.
DAGSKRÁ:
8:30-9:00 Morgunverður/Skráning
Magnús Stefánsson, félagsmálaráðherra
Gestur Pétursson, kynnir Græna krossinn
Eyjólfur Sæmundsson, forstjóri Vinnueftirlits ríkisins
Anna Elísabet Ólafsdóttir, forstjóri Lýðheilsustöðvar
Margrét Guðmundsdóttir, forstjóri Icepharma
Þorbjörn Guðmundsson, framkvæmdastjóri Samiðnar
Kevin Berg, aðstoðarforstjóri Bechtel International
Árelía Eydís Guðmundsdóttir, lektor í viðskipta- og hagfræðid. HÍ
Warren McKenzie, verkefnisstjóri framkvæmda hjá Alcoa
Joe Wahba, framkvæmdastjóri Fjarðaálsverkefnisins
Andy Cameron, staðarstjóri Fjarðaálsverkefnisins
Tómas Már Sigurðsson, forstjóri Alcoa á Íslandi
Pallborðsumræður
Ráðstefnan er öllum opin á meðan húsrúm leyfir og
þátttakendum að kostnaðarlausu. Boðið verður upp á hádegisverð.
Vinsamlegast tilkynnið þátttöku á
skraning@inpro.is fyrir miðvikudaginn 6. desember.
GRÆNI KROSSINN
Er hægt að skapa
slysalausan vinnustað?
Hópur breskra lögreglu-
manna er á leiðinni til Moskvu í
tengslum við rannsóknina á láti
Alexanders Litvinenko. Breska
lögreglan hefur opinberlega farið
fram á aðstoð frá lögreglunni í
Rússlandi og aðalsaksóknari
Rússa hefur heitið því að veita
alla aðstoð sem hægt er.
Bresku lögreglumennirnir
ætla meðal annars að ræða í
Moskvu við þrjá Rússa sem hittu
Litvinenko í Lundúnum 1. nóvem-
ber, daginn sem hann veiktist af
völdum geislavirka efnisins
pólón-210. Þeir neita allir að hafa
byrlað honum eitrið.
Þá hefur Michael Trepashkin,
fyrrverandi njósnari sem situr í
fangelsi í Rússlandi, beðið bresku
lögregluna um að ræða við sig.
Hann segir líf sitt í hættu, en jafn-
framt segist hann búa yfir mikil-
vægum upplýsingum í málinu.
Ítalski fræðimaðurinn Mario
Scaramella, sem einnig hitti
Litvinenko í London 1. nóvember,
reyndist sömuleiðis vera með
geislavirka efnið pólón 210 í lík-
ama sínum og þótt hann kenni sér
einskis meins núna getur hann
búist við því að fá krabbamein
síðar á ævinni.
Á fundi þeirra í London afhenti
Scaramella Litvinenko minnisblað
þar sem því er haldið fram að
morðið á blaðakonunni Önnu Polit-
kovskayu sé runnið undan rifjum
fyrrverandi KGB-manns, Valent-
ins Velichko, og samtaka sem hann
stýrir og eru tengd rússnesku
leyniþjónustunni FSB. Þessi sam-
tök, sem nefnast Virðing og heið-
ur, hafi jafnframt haft uppi áform
um að koma bæði Litvinenko og
Scaramella fyrir kattarnef. Breska
dagblaðið Daily Telegraph skýrði
frá þessu nú um helgina.
Ekkert er þó vitað hvað hæft
er í þessum ásöknum, frekar en
ásökunum Litvinenkos á dánar-
beði um að Vladimír Pútín Rúss-
landsforseti bæri sjálfur ábyrgð
á því að eitrað hefði verið fyrir
sér.
Velichko og samtök hans, Virð-
ing og heiður, njóta töluverðrar
virðingar í Rússlandi og Velichko
átti á sínum tíma þátt í að fá hol-
lenskan lækni, Arjan Erkel, laus-
an úr haldi mannræningja í
Dagestan árið 2002.
Þá birtist á sunnudaginn í
breska dagblaðinu Observer yfir-
lýsing frá Júlíu Svetliknaju, rúss-
neskum fræðimanni sem átti
langt viðtal við Litvinenko fyrr á
árinu, þar sem hún fullyrðir að
Litvinenko hafi sagst ætla að nota
upplýsingar sem hann hefði undir
höndum til þess að kúga fé út úr
rússneskum njósnurum og kaup-
sýslumönnum.
Breska lögreglan á
leiðinni til Moskvu
Fyrrverandi KGB-njósnari sagður höfuðpaurinn í morðunum á Önnu Politskov-
skaju og Alexander Litvinenko. Litvinenko sjálfur sakaður um að hafa ætlað að
kúga fé út úr rússneskum njósnurum og kaupsýslumönnum.
Fastlaunasamn-
ingar verða stöðugt algengari,
einnig hjá háskólamönnum. Guð-
mundur Gunnarsson, formaður
Rafiðnaðarsambandsins, þekkir
fastlaunasamningana vel því um
fjörutíu prósent rafiðnaðarmanna
eru á einhvers konar fastlauna-
samningum. Hann segir að reynsl-
an sé góð ef rétt sé staðið að þess-
um samningum.
„Við brýnum fyrir fólki að það
sé vel skilgreint hvað sé innifalið í
fastlaunasamningi. Fólk hefur
flaskað á því að skilgreina vinnu-
tímann. Fyrirtækin hafa því litið
svo á að þau eigi starfsmennina
með húð og hári og geti látið þá
vinna eins og þeim sýnist án þess
að borga aukalega. Það er stærsti
feillinn.“ Fastlaunasamningar
voru til umræðu á málþingi á
vegum BHM nýlega. Stefán Aðal-
steinsson, framkvæmdastjóri
BHM, segir að tilhneiging sé í
þessa átt hjá viðsemjendum
háskólamanna. „Við leggjum
áherslu á það að okkur finnst eðli-
legt að hver og einn fái borgað
fyrir sína dagvinnu og svo þá yfir-
vinnu sem hann vinnur,“ segir
hann en telur fastlaunasamninga
koma til greina ef útfærslan sé
góð. Til dæmis geti menn samið
um að fastlaunasamningur feli í
sér tuttugu tíma í yfirvinnu að
jafnaði. Ef unnið sé meira en það
beri að greiða fyrir þá vinnu.
Vinnutíma þarf að skilgreina
Jólapakkasöfnun fyrir
bágstödd börn hófst með formleg-
um hætti á sunnudaginn þegar
Magnús Stefánsson félagsmála-
ráðherra tendraði ljós á jólatré
Kringlunnar að viðstöddu
fjölmenni.
Hefð hefur skapast fyrir því
hjá landsmönnum að kaupa gjöf
og pakka henni inn og skilja eftir
undir trénu, sem er staðsett á jarð-
hæð Kringlunnar. Mæðrastyrks-
nefnd Reykjavíkur og Fjölskyldu-
hjálp Íslands sjá til þess að
pakkarnir komist til þeirra sem
þurfa aðstoð um jólin.
Söfnun fyrir bágstödd börn
Lögreglustjórinn í
Kópavogi hefur ákært karlmann
fyrir að leggja hendur á þáverandi
sambýliskonu sína. Maðurinn tók
konuna kverkataki, greip um
upphandleggi hennar og hristi
hana með þeim afleiðingum að hún
bólgnaði og hlaut húðblæðingar
aftan á hálsi og barka, auk
marbletta á handleggjum og þreifi-
eymsla á brjósti.
Þess er krafist að maðurinn
verði dæmdur til refsingar og fer
sambýliskonan þess á leit að hann
verði dæmdur til að greiða henni
skaðabætur með vöxtum og
dráttarvöxtum. Málið verður tekið
fyrir í Héraðsdómi Reykjaness.
Meiddi sambýl-
iskonu sína illa
Hjón á fimmtugs-
aldri lentu í bílslysi á móts við
bæinn Klukkufell í Reykhólasveit
um klukkan þrjú á sunnudaginn.
Að sögn lögreglunnar í Búðardal
var mikil hálka á veginum og
missti ökumaðurinn stjórn á bíln-
um sem lenti utan vegar.
Bíllinn valt nokkra hringi og
endaði um 50 metra frá veginum.
Hjónin voru flutt á slysadeild í
Reykjavík eftir slysið en eru ekki
alvarlega slösuð. Bíllinn er
gjörónýtur eftir.
Að sögn lögreglunnar í Búðardal
komu bílbelti í veg fyrir að
meiðsli hjónanna urðu ekki meiri
eða alvarlegri.
Lenti 50 metr-
um utan vegar