Fréttablaðið - 30.12.2006, Blaðsíða 54

Alfa Dröfn Jóhannsdóttir segir mörg
áramót vera sér minnisstæð. Hún er
þó á því að áramótin 1994 til 1995
séu þau eftirminnilegustu. „Það
voru síðustu áramótin sem amma
var á lífi. Við hittumst alltaf á ætt-
aróðalinu á Uppsölum í Eyjafjarð-
arsveit. Við vörðum fleiri vikum í
að safna í brennu sem átti að lýsa
allt upp, svo kveiktum við í og
hjúfruðum okkur upp að hvert öðru
dúðuð í Kraft-gallana. Undir lokin
var öllum orðið skítkalt en enginn
tímdi að vera fyrstur heim. Yfirleitt
tók amma af skarið og lagði af stað
heim að bæ til að hita kakó fyrir
stóðið sem fylgdi fast á hæla henni.
Þessi tilteknu áramót voru sérstök
því þetta voru síðustu áramótin mín
á Uppsölum.“
Alfa segir það hafa verið venju
að hafa brennu á túninu fyrir ofan
bæinn. „Í hæfilegri og öruggri
fjarlægð að sjálfsögðu. Það tók
ekki nema kannski tíu til fimmt-
án mínútur að labba á milli, en í
kolniðamyrkri og hálku gat það
tekið mun lengri tíma. Þessi ára-
mót virtist bálið ekki ætla að lýsa
neitt, né veita okkur nokkra hlýju,
þrátt fyrir stórhættulegar tilraun-
ir með alls konar eldfim efni. Við
ákváðum því að fara í kapp niður í
hús. Stóra systir mín hafði gott for-
skot á okkur, enda elst. Hún hljóp
niður ísilagt túnið á fleygiferð og
hefði örugglega unnið okkur með
þó nokkrum mun ef hún hefði
ekki gleymt því örlitla smáatriði
að hliðið var lokað. En ekki eins
og venjulega, heldur einungis með
einum litlum vír, strengdum þvert
yfir. Hún hljóp á hann á blússandi
ferð, fékk hann í magann, kúveltist
hring og hálfhékk á vírnum með
skelfingarsvip á andlitinu þegar við
fikruðum okkur varlega framhjá.
Þegar niður í hús var komið hopp-
uðum við svo í okkur hita meðan
við biðum eftir hinum eldri. Þetta
var vissulega mjög eftirminnilegt
atvik.“
Alfa segir áramót mikilvæg. „Til-
hlökkun fyrir nýju ári, undirbúningur
í huganum, ný loforð sem maður er
svo viss um að maður standi við og
gleðin og treginn yfir árinu sem er að
líða.“ - aui/öhö
Áramótin með fjölskyldunni
Alfa Dröfn Jóhannsdóttir segir áramótin mikilvæg í lífi sínu. Hún segir uppáhaldstíma
sinn þegar fjölskyldan kemur saman eftir að flugeldunum hefur verið skotið á loft.
Hátíðarkaffi
stundin - bragðið - stemningin
Lokkandi ljúffengan hátíðarilm leggur frá þessari
vönduðu blöndu sérvalinna úrvalskaffibauna.
Hátíðarkaffið er í fullkomnu jafnvægi, hefur fágað
hunangsmjúkt bragð, mikla fyllingu og eftirkeim
af ávöxtum og berjum.
Njótið vel !
VERSLANIR: Kringlunni · Smáralind · Laugavegi 27 · Suðurveri · Akureyri · Egilstöðum
R
OY
A
L