Fréttablaðið - 30.12.2006, Blaðsíða 96

Ég er enn með samning við franska liðið
Það er nóg að gera hjá
knattspyrnumönnum á Englandi
um hátíðarnar og í dag fer fram
heil umferð í ensku úrvalsdeild-
inni. Ljóst er fyrir þessa umferð
að Manchester United verður í
efsta sætinu þegar nýja árið geng-
ur í garð því liðið hefur fjögurra
stiga forskot á Chelsea sem er í
öðru sæti.
Ensku meistararnir í Chelsea
taka á móti Heiðari Helgusyni og
félögum hans í Fulham. Chelsea á
í talsverðum erfiðleikum með
vörn sína en í gær fór John Terry,
fyrirliði liðsins, í aðgerð vegna
bakmeiðsla og óvíst er hve lengi
hann verður frá keppni.
Jose Mourinho, stjóri Chelsea,
játaði það á dögunum að hann hafi
velt því fyrir sér að setja sóknar-
manninn Didier Drogba í vörnina
en hollenski varnarmaðurinn
Khalid Boulahrouz virðist ekki
vera í náðinni hjá Mourinho þessa
dagana.
Manchester United fær Íslend-
ingaliðið Reading í heimsókn í dag
en Reading hefur ekki náð að sigra í
fimm síðustu leikjum sínum í deild-
inni. Fastlega má búast við því að
Ívar Ingimarsson leiki í vörn
Reading og þá er spurning hvort
Brynjar Björn Gunnarsson haldi
sæti sínu í liðinu en hann þótti leika
vel gegn Chelsea á öðrum degi jóla.
Liverpool á erfiðan leik fyrir
höndum gegn Tottenham á útivelli
en með sigri getur Tottenham náð
Liverpool að stigum. Búist er við
því að Dirk Kuyt og Craig Bellamy
leiki í framlínu Liverpool en Peter
Crouch, sem byrjaði inni á gegn
Blackburn á dögunum, hefur ekki
skorað mark frá því í október.
Hjá Tottenham eru þeir Robbie
Keane og Aaron Lennon meiddir
en búist er við að Mido verði klár í
slaginn í dag.
Arsenal mætir Sheffield Unit-
ed á útivelli. Töluverð meiðsli eru
í herbúðum Arsenal en þeir Willi-
am Gallas, Thierry Henry og
Freddie Ljungberg eru allir frá
vegna meiðsla. Þá er gert ráð fyrir
að Phillipe Senderos taki stöðu
Johans Djourou í vörninni og svo
gæti einnig farið að Lauren verði í
leikmannahóp Arsenal í fyrsta
sinn á leiktíðinni.
Hermann Hreiðarsson og félag-
ar hans í Charlton taka á móti
Aston Villa. Charlton er í næst-
neðsta sæti deildarinnar en það
hefur aðeins einu sinni í sögu efstu
deildar á Englandi gerst að lið sem
er í neðsta sæti um áramót hafi
bjargað sér frá falli vorið eftir.
Það gerðist þegar Bryan Robson
bjargaði W.B.A. frá falli árið
2005.
Íslendingaliðið West Ham fær
Manchester City í heimsókn og
með sigri getur West Ham komið
sér úr fallsæti í fyrsta sinn í lang-
an tíma.
Chelsea í vandræðum með öftustu línuna
Hinn átján ára gamli
Rúrik Gíslason er ekki í sextán
manna hópi Charlton sem mætir
Aston Villa í ensku úrvalsdeild-
inni í dag. Alan Pardew, sem
nýtekinn er við Charlton, hefur
þó rætt við Rúrik sem er undir
smásjá spænska stórliðsins
Valencia og gæti farið þangað að
láni í janúar.
„Pardew talaði við mig og
sagði mér að ég væri næsti
framherji inn, ef einhver til
dæmis meiðist. Hann sagði að það
væri mikill bónus að hafa mig að
það væri aldrei að vita hvað
myndi gerast,“ sagði Rúrik, sem
er ekkert að stressa sig á
hlutunum.
„Ég ætla að sanna mig fyrir
Pardew og leyfa verkunum að tala.
Ég einbeiti mér því að Charlton
núna en hvað gerist í janúar
kemur bara í ljós,“ sagði Rúrik
sem útilokar enn ekki að fara til
Valencia að láni í janúar.
Bíður rólegur
Iceland-Express deild kk:
KR tyllti sér á topp
Iceland-Express-deildar karla í
gær eftir góðan sigur á Grinda-
víkingum suður með sjó. KR vann
leikinn með 89 stigum gegn 78.
KR skoraði síðustu tíu stig
fyrri hálfleiks en áður en þau
komu var liðið í vondum málum,
fimmtán stigum undir. Með
frábærum þriðja leikhluta lögðu
þeir svo grunninn að öruggum
sigri þar sem Jeremiah Sola fór á
kostum og bar af öðrum leik-
mönnum á vellinum.
KR-ingar tylltu
sér á toppinn
Borgnesingar voru á
toppi deildarinnar fyrir leikinn en
ÍR-ingar hafa verið í töluverðu
basli. Þeir unnu sér því inn mikil-
væg stig í baráttunni og ætti þessi
sigur að veita þeim aukið sjálfs-
traust.
„Þetta var góður sigur og við
spiluðum vel saman sem lið. Okkur
gekk erfiðlega með varnarleikinn
í fyrri hálfleiknum og þeir skor-
uðu grimmt á okkur en þá gerðum
við breytingar fyrir seinni hálf-
leikinn og það virkaði mjög vel.
Við náðum að halda þeim í 32 stig-
um í seinni hálfleik eftir að við
yfirdekkuðum og tvöfölduðum
meira,“ sagði Jón Arnar Ingvars-
son, þjálfari ÍR, eftir leikinn.
„Við höfum verið að spila ágæt-
lega í sókn en það var varnarleik-
urinn sem skilaði þessum sigri.
Hann hefur verið vandamál hjá
okkur en vonandi höfum við kom-
ist yfir það. Ég ætla rétt að vona
að þessi leikur gefi okkur meira
sjálfstraust enda vorum við að
leggja sterkt lið að velli. Við
mætum þeim í bikarnum 9. janúar
og tökum þá aftur þá.“
Jón Arnar tók við liðinu ekki
alls fyrir löngu. „Mér líst bara vel
á þetta lið, þetta eru efnilegir
strákar og mjög áhugasamir. Ég
held að það sé ekki spurning að
það er hægt að gera betur en
árangurinn hefur verið í fyrri
hluta mótsins,“ sagði Jón.
Leikurinn í gær var mjög hrað-
ur og skemmtilegur en munurinn
milli liðanna var aldrei mikill.
Gestirnir voru skrefinu á undan
stærsta hluta fyrri hálfleiks og í
hálfleiknum höfðu þeir fjögurra
stiga forskot. Breiðhyltingar
spýttu í lófana í seinni hálfleik,
stemningin var þeirra megin og
eftir að þeir komust yfir 65-64 létu
þeir forystuna ekki af hendi. Þeir
höfðu þriggja stiga forskot fyrir
síðasta fjórðunginn þar sem kraft-
urinn var einfaldlega meiri hjá
þeim og skilaði á endanum þrettán
stiga sigri.
Ómar Örn Sævarsson rak lok-
anaglann með fallegri troðslu
þegar leiktíminn var að renna út
en Nate Brown var stigahæstur í
annars jöfnu liði heimamanna sem
unnu þennan sigur með liðsheild-
ina að vopni.
ÍR-ingar fengu mikilvæg stig í Iceland-Express deild karla í körfubolta í gær þegar þeir lögðu Skallagríms-
menn 95-82 í Seljaskóla. Góður varnarleikur skilaði Breiðhyltingum sigri á Borgnesingum.