Fréttablaðið - 30.12.2006, Blaðsíða 74
Stríðsátök hafa sett sterkan svip
á fréttir ársins sem er að líða,
eins og reyndar flest önnur ár.
Stríðið í Írak hefur verið í frétt-
um meira og minna allt árið, en
þar hafa sjíar og súnníar barist
bæði innbyrðis og gegn banda-
ríska herliðinu. Átökin hafa
stöðugt harðnað og glundroðinn
versnað eftir því sem lengra
hefur liðið á árið. Jafnframt
hefur staða Bush Bandaríkjafor-
seta heima fyrir versnað eftir
því sem ráðleysi hans gagnvart
ástandinu í Írak hefur orðið aug-
ljósara, þannig að í þingkosning-
unum í nóvember náðu repúblik-
anar meirihluta í báðum deildum
Bandaríkjaþings.
Tony Blair, forsætisráðherra
Breta, á sömuleiðis undir vök að
verjast heima fyrir og hefur
boðað afsögn sína næsta haust.
Óvinsældir hans eru raktar að
verulegu leyti til þátttöku Breta
í stríðinu í Írak og fylgispektar
Blairs við Bandaríkjastjórn, en
Blair hefur nú sagst ætla að
reyna hvað hann getur til þess að
koma friðarviðræðum Ísraela og
Palestínumanna í gang á ný áður
en hann hættir.
Á árinu hafa hins vegar miklar
pólitískar breytingar orðið bæði í
Ísrael og meðal Palestínumanna.
Í ársbyrjun veiktist Ariel Sharon,
forsætisráðherra Ísraels, og við
tók Ehud Olmert, sem framan af
boðaði einhliða brotthvarf Ísra-
elshers frá herteknu svæðunum
en sendi herinn í heiftúðugt stríð
til Líbanons í júlí, og síðan í sumar
hefur herinn einnig átt í stöðug-
um erjum við Palestínumenn á
Gaza-svæðinu.
Í janúar voru einnig haldnar
kosningar til þings Palestínu-
manna þar sem hin herskáu
Hamas-samtök unnu afgerandi
meirihluta en Fatah-samtökin,
sem voru stjórnmálasamtök
Yassers Arafats, misstu völdin
að verulegu leyti þótt áfram hafi
þau forsetaembættið og lögregl-
una á sínu valdi.
Þá hefur spenna milli mús-
lima og Vesturlanda brotist út
með ýmsum hætti á árinu, meðal
annars í harðvítugum deilum um
birtingu skopmynda af Múham-
eð spámanni í dönsku dagblaði.
Fréttaljósmyndarar eiga stóran þátt í að
móta mynd okkar af því sem er að gerast
í heiminum hverju sinni. Hér getur að líta
ljósmyndir af nokkrum þeirra viðburða sem
áberandi hafa verið í erlendum fréttum á
árinu sem er að líða.
Erlendar fréttamyndir ársins