Fréttablaðið - 30.12.2006, Blaðsíða 90

Það er ótrúlegt hvað það er alltaf gaman að fá einhverja flík sem er
einstök. Með orðinu einstakt er ég að meina að eiga eitthvað sem
enginn annar á. Það er til dæmis mjög góð tilfinning að finna flík í
„second hand“-búð þar sem ekkert er eins og maður veit að fallegi
kjóllinn eða skórnir eru þeir einu á landinu.
Ég fékk gullfallegan kjól um daginn og hluti af gleðinni við að fá
þennan tiltekna kjól var það að hann var „one of a kind“ eða sá eini sem
er til í heiminum. Þá fór ég að spá í hvort það að vera einstakur eða
öðruvísi en allir hinir væri tískubóla eða hefur þetta alltaf tíðkast
meðal manna? Ísland er lítið land og því líkurnar á því að hitta
einhvern sem er í sama bol eða buxum og þú eru miklar.
Í gamla daga klæddust konur upphlut og peysufötum, allir eru þeir
nú eins sniðnir fyrir utan mismunandi skraut og efni. Konur í þá daga
voru ekki að reyna að vera einstakar enda auðvitað vöruúrvalið af
skornum skammti. Ég held samt að það mundi auðvelda nútímakonunni
lífið til muna ef bara væru tveir eða þrír búningar í fataskápnum. Einn
fyrir hvert tilefni.
Þegar ég var í gaggó var í tísku að vera alveg eins og allir hinir.
Maður var sko aldeilis litinn hornauga ef maður átti ekki tark-buxur,
dúnkápu úr Morgan eða gömlu góðu buffalóskóna (sem margir bíða
spenntir eftir að sjá koma aftur í tísku). Það var ákveðið element í mér
og vinkonum mínum á yngri árum að þykjast vera tvíburar, hafa fyrir
því að mæta í skólann í alveg eins fötum frá toppi til táar. Við þurftum
líka alltaf að eiga alveg eins föt foreldrum okkar til mikils ama en
þetta var eitthvað tímabil. Ég skil ekki alveg ennþá hvaða veiki þetta
var.
Með árunum hefur þetta sem betur fer vaxið af manni og flestir
hafa fundið sinn eigin stíl. Eftir að gelgjan og menntaskólarembingur-
inn rennur sitt skeið þá fer maður að vita hvað fer manni og hvað ekki.
Í hverju manni líður vel og hverju manni finnst alls ekki við hæfi að
klæðast. Eitt er þó víst, að það vilja allir vera einstakir og því er
sérstakt að klæðast einhverju sem, eins og maður sjálfur, er einstakt.
Einstakt að vera einstakur
Það er alltaf ákveðinn hausverkur
að finna hið fullkomna áramóta-
dress enda er kvöldið alltaf haldið
hátíðlegt með partíum og öllu til-
heyrandi. Það er eins og hugarfar-
ið breytist aðeins fyrir þetta
ákveðna kvöld og allar hömlur
renna á braut með freyðandi
kampavíni og fagnaðarlátum yfir
nýju ári. Hinn svarti klassíski
kjóll sem hentaði vel í jólaboðun-
um fær að víkja fyrir einhverju
glitrandi svo hægt sé að vera í stíl
við flugeldana sem fylla himinn-
inn þetta tímamótakvöld.
Það er auðvelt að ramba inn í
eiginlega hvaða búð sem er til að
finna áramótavæna flík enda hafa
glimmer og glitsteinar einkennt
vetrartískuna. Gull og silfur eru
alltaf vinsælir litir um áramótin
ásamt pallíettum og glimmer-
skrauti. Nú er úrvalið svo mikið í
búðunum að hægt er að finna
fylgihluti og skó í stíl við kjólinn
eða til að fríska upp á svarta kjól-
inn.
Ekki brjóta heilann of mikið
varðandi fötin og mitt ráð handa
öllum er að flippa út þetta síðasta
kvöld ársins 2006.
Glitrandi áramót
Eyðir allt of litlu í föt á mánuði