Fréttablaðið - 30.12.2006, Blaðsíða 73
Guðbjörg trúði því vart þegar hún fékk að vita að þríburar
væru væntanlegir enda voru þau
hjónin að vonast eftir einu barni.
„Við vorum hrædd um það alla
meðgönguna að eitthvað kæmi upp
á og það var ótrúlegt kraftaverk
að fá þau öll þrjú í fangið í fyrsta
sinn,“ segir hún og bætir því við
að það sé ólýsanlega skemmtilegt
og gefandi að eiga þríbura. „Það
að fá þrjá einstaklinga upp í hend-
urnar í einu og koma þeim til
manns er stórt og krefjandi verk-
efni sem við þríburaforeldrar telj-
um vera forréttindi.“
Guðbjörg segir að þó það sé
mikil vinna að ala upp þríbura þá
hafi þeim hjónum ekki fundist það
vera þreföld vinna miðað við að
vera með eitt í einu. „Kostirnir eru
svo miklu fleiri og það er mun auð-
veldara að hafa þau öll á sama
þroskastiginu í einu heldur en sitt
á hverju árinu. Þau hafa líka alltaf
einhvern til að leika sér við.“
Í umönnun þríbura er mjög
mikil rútína í daglegu lífi því reynt
er að gefa þeim og skipta á bleium
eftir klukkunni. „Foreldrarnir
stjórna algjörlega en ekki börnin.
Því er aftur á móti oft öfugt farið
ef um eitt barn er að ræða,“ segir
Sigurlaug og rifjar upp þegar
börnin voru lítil en þá hafi gjarnan
vantað þriðja lærið þegar þau
vildu öll komast í fangið í einu.
Eða þriðju höndina þegar leiða
þurfti hópinn. „Síðan er náttúrlega
engin samnýting á neinu eins og
útigöllum, stígvélum eða hjólum
heldur þarf þrjú stykki af öllu.“
Hjónin áttu fyrir fimmtán ára
gamla dóttur þegar þríburarnir
fæddust og segir Sigurlaug hana
hafa verið eins og litla mömmu og
verið mjög natna við börnin. „Í
dag segist hún ekki skilja hvernig
fólk á hennar aldri sem komið er
með heimili og börn komist af án
þess að eiga þríburasystkin því
þau eru dugleg að hjálpa henni og
launa henni þannig umhyggjuna,“
segir Sigurlaug.
Spurð hvort ekki hafi verið erfitt
að baða og svæfa þrjú börn á kvöld-
in segir Guðbjörg: „Við svæfðum
þau aldrei. Okkur var bent á það í
upphafi að gott væri að venja þau á
að sofna við léttklassíska tónlist.
Þetta gerðum við og þau voru fljót
að læra hvað það þýddi þegar kveikt
var á spólunni og sofnuðu alltaf við
tónlistina. Ef þau fóru að skæla var
iðulega komið að því að snúa spól-
unni við enda voru engir geisladisk-
ar á þeim tíma. Þetta reyndist okkur
mjög vel.“
Varðandi baðið segir Guðbjörg
að yfirleitt hafi verið reynt að
drífa það af. „Við settum þau tvö
eða þrjú í baðið í einu meðan það
var hægt en umönnun þríbura
byggist einmitt upp á gífurlegri
skipulagningu og að láta allar
athafnir taka sem stystan tíma.
Það gefst enginn tími til að dúlla
við hvert og eitt og ég neita því
ekki að hvað þetta varðar fannst
okkur við stundum gjalda fyrir að
þau væru þrjú í einu,“ segir Guð-
björg og bætir því við að þau séu
öll mjög ólík bæði í sér og í útliti.
„Hvert þeirra er einstakt á sinn
hátt en þeim hefur yfirleitt komið
ágætlega saman. Þegar þau voru
yngri slettist oft upp á vinskapinn
eins og gengur og gerist hjá syst-
kinum en í dag eru þau góðir
vinir,“ segir hún en þau eru öll í
Menntaskólanum í Kópavogi og í
sama vinahóp. „Það ríkir því oft
lífleg og skemmtileg félagsmið-
stöðvarstemning á heimilinu.
Ótrúlegt kraftaverk
8.500,-
4.200,-
2.500,-
3.500,-
3.000,-
5.000,-
5.000,-
6.500,-
NÚ VERÐA LÆTI!
FJÖLSKYLDUPAKKAR
GOS
DRAUGAKÖKUR
risakökur og ísskápar
Sölustaður
KR-heimilið við Frostaskjól
Afgreiðslutími
28.12. kl. 13–22
29.12. kl. 10–22
30.12. kl. 10–22
31.12. kl. 9–16
200,-400,-
200,-
1.300,-
800,-
350,-
6.000,-
KR-flugeldar bjóða að vanda magnaða
flugelda í ótrúlegu úrvali og á frábæru verði.
Þú tryggir pottþétt áramót með heimsókn til okkar.