Fréttablaðið - 15.02.2007, Blaðsíða 50

fréttablaðið háskóladagurinn 15. FEBRÚAR 2007 FIMMTUDAGUR8
„Ég valdi þennan skóla vegna
þess að námið sem boðið er upp á
vakti áhuga minn,“ segir Smári
Jónas Lúðvíksson sem er á fyrsta
ári á umhverfisskipulagsbraut í
Landbúnaðarháskóla Íslands.
Áður hafði Smári lokið einu ári í
líffræði við Háskóla Íslands en
ákvað að skipta yfir.
„Ég er ánægður með valið,
þetta er mjög áhugavert og
skemmtilegt nám. Skólinn er
góður sem og aðstaðan. Svo er
náttúrulega alltaf verið að bæta
við og laga,“ segir Smári en Land-
búnaðarháskóli Íslands tók til
starfa 1. janúar 2005 eftir sam-
einingu þriggja stofnana: Land-
búnaðarháskólans á Hvanneyri,
Rannsóknastofnunar landbúnað-
arins og Garðyrkjuskólans á
Reykjum.
„Þetta er nýlegur skóli svo það
er alltaf verið að finna hvað betur
megi fara. Nemandinn getur haft
áhrif á hvað gert er innan skól-
ans, sem ég tel vera mjög gott.
Þetta er ekki eins niðurneglt eins
og í eldri skólum, það er stöðugt
verið að þreifa sig áfram.“
Landbúnaðarháskólinn er á
Hvanneyri í Borgarfirði sem
Smári telur vera kost.
„Persónulega er ég mjög sátt-
ur við að vera úti á landi fremur
en í kraðakinu í borginni. Það er
þó mjög stutt í bæinn ef maður
þarf að fara þangað.”
Smári segir félagslífið vera
virkt og ýmsar ferðir farnar í
tengslum við það. „Um síðustu
helgi fórum við til dæmis að
skoða sveitabæi,“ segir Smári og
bætir við að helsta áhersla skól-
ans sé á landbúnaðinn. „Þetta eru
auðvitað náttúruunnendur upp til
hópa enda eru flest fögin náttúru-
tengd.” mariathora@frettabladid.is
Náttúruunnendur upp til hópa
Smári Jónas Lúðvíksson er nemandi í Landbúnaðarháskóla Íslands. Hann telur einn af kostum skólans vera þann að hann er utan
borgarmarkanna.
NÝ NÁMS- OG
KENNSLUSKRÁ
Á næsta skólaári verður kennt
samkvæmt nýrri námsskipan
í Kennaraháskóla Íslands og
verður fyrirkomulagið kynnt
á háskóladeginum á laugar-
dag í húsakynnum skólans í
Stakkahlíð en skólinn verður
opinn gestum frá 11 til 16.
Undanfarin tvö og hálft ár
hefur verið unnið að endur-
skipulagningu alls náms við
Kennaraháskóla Íslands í
þeim tilgangi að auka gæði
námsins og bregðast við
breyttum samfélagsaðstæð-
um. Meginmarkmið breyting-
anna er að efla þá starfs-
menntun, bæta aðgang að
framhaldsnámi við skólann
og laga nám við skólann að
Bologna-samþykktinni.
Helstu breytingar á nám-
inu eru þær að möguleikar á
sérhæfingu í grunn- og fram-
haldsnámi eru meiri, nám-
skeið eru almennt umfangs-
meiri og nemendur geta farið
beint í tveggja ára meistara-
nám að loknu grunnnámi og
lokið meistaragráðu áður en
þeir hefja störf.
Námsframboð Kennaraháskólans
verður kynnt á laugardag í húsa-
kynnum skólans í Stakkahlíð.
F
í
t
o
n
/
S
Í
A
Þjónustustöð ESSO er opin allan sólarhringinn
Komdu við hjá okkur og byrjaðu daginn á heitu kaffi og glóðvolgu
bakkelsi á nýrri og glæsilegri þjónustustöð ESSO, á mótum
Hringbrautar og Njarðargötu. Matvörur, smávörur, eldsneyti og allt
fyrir bílinn. Frábær þjónusta. Bæði Subway og Serrano á staðnum.