Fréttablaðið - 15.02.2007, Blaðsíða 48

fréttablaðið háskóladagurinn 15. FEBRÚAR 2007 FIMMTUDAGUR6
„Það er frábært að boðið sé upp á
hönnunarnám á háskólastigi á
Íslandi,“ segir Hlín Helga Guð-
laugsdóttir sem er á öðru ári í
vöruhönnun við Listaháskóla
Íslands. „Þetta er ungt nám og enn
í mótun. Það hefur vissulega ýmsa
kosti í för með sér, það er til að
mynda hægt að hafa meira um
hlutina að segja en ella.“
Áður en Hlín fór í Listaháskól-
ann hafði hún lokið B.A.-námi í
þýsku og frönsku og numið Evr-
ópufræði í Strassburg. Eftir það
starfaði hún lengi hjá íslenska
skófyrirtækinu X-18 og komst
þannig í snertingu við hönnun.
Augljóslega er mikill munur á
námi við venjulegan háskóla og
listaháskóla. „Eðli málsins sam-
kvæmt er hönnunarnám miklu
meira skapandi. Umhverfi, náms-
efni og viðfangsefni er líflegra og
námið verklegra,“ segir Hlín.
Nemendur í Listaháskólanum
eru í miklum tengslum við brans-
ann sem Hlín telur mikinn kost.
„Kennararnir eru flestir starfandi
hönnuðir og listamenn sem er
mjög spennandi.“ Félagslífið segir
Hlín vera skemmtilegt en nokkuð
deildaskipt þar sem húsnæði skól-
ans er á ýmsum stöðum. „Það er
kannski helsti gallinn við skólann
að ekki er hægt að hafa meiri sam-
gang milli deilda, en það er verið
að vinna í húsnæðisvandanum.
Síðan gerast auðvitað líka
skemmtilegir hlutir í svona
þrengslum.“
Spurð um framtíðina segir Hlín
hana alveg óráðna. „Það er ein-
hvern veginn þannig að eftir því
sem maður lærir meira, því betur
áttar maður sig á því hversu lítið
maður veit. Sjóndeildahringurinn
stækkar bara og stækkar,“ segir
Hlín hlæjandi.
„Vöruhönnunarnámið er mjög
opið og kemur inn á mörg svið.
Það býður því upp á margs konar
störf. Hönnun er tiltölulega nýtt
fag en það er að verða ákveðin
vakning hér á Íslandi sem og ann-
ars staðar um gildi hönnunar. Fyr-
irtæki eru að gera sér grein fyrir
því að gott sé að hafa fólk innan-
húss sem hugsar kannski ekki
alveg eins og allir hinir. Það er því
ákveðin bjartsýni sem ríkir,“ segir
Hlín að lokum.
mariathora@frettabladid.is
Námið nátengt
bransanum
Hlín Helga Guðlaugsdóttir er ánægð með að boðið sé upp á hönnunarnám á háskóla-
stigi hér á landi. VILHELM/FRÉTTABLAÐIÐ
Júlía Þorvaldsdóttir útskrifast
sem grunnskólakennari frá Kenn-
araháskóla Íslands nú í vor. „Ég
valdi líffræði sem kjörsvið og er
því að læra að verða líffræðikenn-
ari á unglingastigi. Að námi loknu
get ég reyndar bæði unnið sem líf-
fræðikennari á unglingastigi og
umsjónarkennari á miðstigi en
kjörsviðskennarar fara mjög
gjarnan í bekkjarkennslu á mið-
stigi, sérstaklega til að byrja
með,“ segir Júlía.
Kennaraháskóli Íslands er
mjög góður skóli að sögn Júlíu.
„Ég var búin að heyra að skólinn
væri mannlegur og góð tengsl
milli nemenda og kennara. Það
sem þessi skóli hefur fram yfir
marga aðra er að meðalaldurinn
er þrjátíu ár og nemendurnir
margir fólk með reynslu sem
kemur jafnvel úr öðrum háskól-
um. Útskriftarhópurinn sem ég er
í er virkilega góður og samsettur
af mjög sterkum einstaklingum.
Ég vona bara að allir eigi eftir að
skila sér út í skólana að námi
loknu,“ segir hún.
Að lokinni útskrift ætlar Júlía
þó sjálf ekki að fara beint að
kenna. „Ég býst við að fara beint í
mastersnám og mig langar að læra
stjórnun. Svo væri rosalega gaman
að læra meira í líffræðinni í
Háskóla Íslands og fara dýpra í
fræðin sjálf af því að kennslu-
fræðilegi bakgrunnurinn sem ég
hef fengið hér er gríðarlega
góður,“ segir hún.
Júlía ætti þó að vera ágætlega
búin undir kennsluna þegar hún
fer í hana því að á námstímanum
hefur hún þrisvar sinnum þurft að
fara á vettvang og prófa að kenna
í grunnskólum. „Ég fór tvisvar
sinnum í Vogaskóla og einu sinni í
Árbæjarskóla. Fyrst ég var búin
að prófa að vera í svona litlum
skóla ákvað ég bara að prófa
stærsta skóla á höfuðborgarsvæð-
inu líka og það var mjög skemmti-
legt að sjá muninn,“ segir hún.
emilia@frettabladid.is
Tengslin milli nem-
enda og kennara góð
Júlía er mjög ánægð með Kennaraháskóla Íslands. FRÉTTABLAÐIÐ/ANTON
HÁTÍÐARMÁLÞING ORATORS
Nafn- og myndbirting í fjölmiðlum er heiti á málþingi sem Orator,
félag laganema, stendur fyrir föstudaginn 16. febrúar klukkan 12.00 í
Lögbergi.
Þar flytja erindi fulltrúi frá fréttaskýringaþættinum Kompás, Salvör
Nordal, forstöðumaður Siðfræðistofnunar, og Sveinn Andri Sveinsson
hæstaréttarlögmaður.
Umræður verða að erindum loknum.