Fréttablaðið - 15.02.2007, Blaðsíða 58
fréttablaðið brúðkaup 15. FEBRÚAR 2007 FIMMTUDAGUR12
Silla Páls er ljósmyndari og förð-
unarmeistari og starfar ásamt
sambýlismanni sínum á Ljós-
myndastofu Erlings á Eiðistorgi.
„Það hefur marga kosti að vera
förðunarmeistari ásamt með ljós-
mynduninni því ég get í raun bæði
séð um förðunina og myndatökuna
á brúðkaupsdaginn,“ segir Silla
sem hefur starfað við förðun í
fimmtán ár og vann mikið með
ljósmyndurum áður en hún gerðist
ljósmyndari sjálf. „Ég veit nátt-
úrulega hvaða förðun gengur fyrir
myndatökur og það er gríðarlega
mikilvægt á þessum degi að mynd-
irnar séu fallegar. Ég hef líka lent í
því að vera að taka myndir og séð
eitthvað í förðuninni sem mætti
betur fara og get þá lagfært það ef
þarf enda hanga förðun og mynda-
taka saman að mörgu leyti.“
Silla segir það líka koma sér vel
að hafa förðunina í bakhöndinni
þegar í myndvinnsluna er komið.
„Ég get lagfært ef til dæmis er
bóla, sár eða frunsa eins og er svo
dæmigert á þessum degi. Það skipt-
ir máli að slíkt sé vel lagfært. Þá
hef ég fjarlægt ör og húðflúr í
myndvinnslunni,“ segir Silla og
bætir því við að henni finnist það
mikill heiður að fá að taka þátt í
þessum stóra degi í lífi fólks.
„Það má ekkert klikka, hvort
sem það er förðun, myndataka eða
annað, enda undirbúum við okkur
alltaf mjög vel. Við reynum að
skoða staðinn áður en að mynda-
tökunni kemur til að vita hvað við
ætlum að gera. Myndatakan má
heldur ekki taka mjög langan tíma
því yfirleitt eru gestirnir að bíða í
veislunni. Þannig að við reynum að
miða við hálftíma eða þrjú kort-
er.“
Þegar Silla er fengin til að ljós-
mynda allan brúðkaupsdaginn
segir hún það mjög skemmtilegt að
mynda allan undirbúninginn. „Það
geta komið mjög skemmtilegar
myndir frá því þegar einhver er að
hjálpa brúðinni í kjólinn, renna upp
rennilásnum eða eitthvað slíkt en
við köllum það stemningsmyndir,“
segir Silla en þær myndir fara
jafnan í sérstakt myndaalbúm.
„Útimyndatökurnar eru vinsæl-
astar hjá okkur núna en veðrið þarf
að vera mjög slæmt til þess að það
sé ekki hægt. Best er að taka úti-
myndir þegar það er skýjað því ef
mikil sól er geta komið skuggar af
trjám eða öðru auk þess sem augun
geta verið pírð,“ segir Silla.
Sigridurh@frettabladid.is
Málar og myndar
Brúðkaupsmyndirnar eru settar í falleg albúm en svokallaðar stemningsmyndir eru settar í sérstakt albúm. Það eru þá myndir frá
undirbúningi brúðkaupsins. FRÉTTABLAÐIÐ/BRINK
Silla hefur starfað sem ljósmyndari undanfarin fjögur ár en hún er einnig förðunarmeistari og það getur komið sér afskaplega vel
jafnt við myndatökur sem myndvinnslu. Auk þess fæst Silla við listmálun í frístundum sínum. FRÉTTABLAÐIÐ/BRINK
Veisluþjónusta Café Konditori
býður uppá alhliða veisluþjónustu
fyrir brúðkaup, afmæli, útskriftir,
erfi drykkjur og hverskonar tilefni.
ANTÍK Þessi fallegi brúðar-
meyjarkjóll er fjörgamall eða
frá stríðsárunum. Hann er
ætlaður fimm til sjö ára stúlku,
er síður með bleikum borðum og
er ysta lagið úr tjulli. Kjóllinn fæst í
kjólaversluninni Fix á Skólavörðustíg
4 ab, gengið inn sundið og er einn
af fáum barnakjólum sem þar
fást.