Fréttablaðið - 23.02.2007, Síða 54

BLS. 12 | sirkus | 23. FEBRÚAR 2007
Einar Bárðarson er reiður.
Réttara sagt brjálaður.
Ástæða þess er sú að einn
keppenda hans í X-faktor
þáttunum var sendur heim
síðastliðinn föstudag.
Ég var brjálaður eftir þáttinn og trúði vart því sem hafði gerst. Hvernig þau fóru að því að
senda Sigga heim er ofar mínum
skilningi,“ segir Einar Bárðarson og
vitnar þar til þess að Siggi var sendur
heim úr síðasta X-faktor þætti eftir
að hafa lent í tveimur neðstu
sætunum í símakosningu ásamt
dúettinum GÍS.
„Á föstudaginn fann ég bara fyrir
því að það var kominn megaskjálfti í
samdómara mína og eftir að ég
horfði aftur á þáttinn seinna um
kvöldið þá sá ég að þetta voru
samantekin ráð um að þetta væri
komið gott hjá mér. Það átti með
öllum ráðum að senda einhvern heim
frá mér. Ég veit að þetta eru
alvarlegar ásakanir en það er hins
vegar augljóst þegar horft er á
þáttinn. Maður eins og Siggi var
búinn að fá gallalausa dóma alla
keppnina. Það sögðu allir að hann
væri geðveikur og ég minni á
komment frá Ellý í keppninni á
undan þar sem hún sagði við hann
að þetta væri ekki eins og að vera í
keppni heldur eins og á tónleikum.
Svo er 180° beygja hjá þeim og hann
er allt í einu orðinn of rólegur og
alltaf eins. Samt var hann búinn að
taka allan skalann þannig að þessi
komment voru alveg út úr kú,“ segir
Einar.
„Palli eyddi meiri tíma í að níða
Sigga heldur en að tala fallega um
sína eigin keppendur. GÍS-hópurinn
var búinn að vera með kjaft við Ellý
og dónaskap. Mér fannst þær sýna
lélegan karakter að vera með kjaft en
Ellý sýndi enn lélegri karakter með
því að halda þeim inni í keppninni.
Við lifum í þannig þjóðfélagi að kenn-
arar mega ekki hækka róminn við
nemendur af ótta við að barna-
verndaryfirvöld mæti á staðinn og
þetta er kannski afrakstur af því. Rétt
eins og ef ég myndi tala um kvenkyns
keppendurna eins og Palli talar um
strákana þá væri ég náttúrlega í
skýrslutöku hjá Stigamótum og ég
væri líklega á leið út úr Smáralind-
inni í handjárnum. Palli er bara með
kynferðislega áreitni og öllum finnst
það voðalega sætt. Jógvan á í stórum
vandræðum þarna uppi því Palli
lætur hann ekki friði. Auðvitað á
þetta að vera voða fyndið en mér
finnst þetta vera komið gott.”
Aðspurður segist Einar hafa
íhugað að hætta strax eftir þáttinn en
séð þó fljótlega að það væri varla
gerlegt. Hann sagðist þurfa að halda
sínu striki fyrir keppendur sína og
segir að hann muni ekki breytast
neitt í næstu þáttum.
„Ég mun áfram reyna að vera
samkvæmur sjálfum mér og
jákvæður. Krakkarnir eiga það ekki
skilið frá mér sem mikilsmetnum
karakter í íslensku tónlistarlífi að ég
sé að urða yfir þau. Maður dæmir af
heilindum. Ég ætla að reyna að halda
mínu striki í keppninni en það verður
erfitt að sitja við hliðina á Ellý í næsta
þætti og láta eins og ekkert hafi í
skorist. Ég var ekkert að grínast
þegar ég sagði að þetta væru
umhverfisspjöll á íslenskri tónlistar-
náttúru að senda hann heim. Ellý
hefur ekkert að gera þarna eftir þetta.
Ég hef látið hana njóta vafans eins
langt og sú taug getur teygst hjá mér
en eftir þetta þá tek ég ekkert mark á
henni. Ég ætla líka að biðja fólk úti í
bæ að lækka í tækjunum þegar hún
byrjar að tala. Mitt mat er að eftir
þáttinn á föstudaginn þá tekur fólk
ekki mark á Ellý. Orð hennar eru bara
eins og innistæðulaus færsla á
debetkortinu. Ellý var út úr kú.
Mér finnst leiðinlegra ef Palli ætlar
að vera á þessu plani því það er tekið
mark á honum. Ég vona bara hans
vegna og keppninnar vegna að hann
reyni að vera samkvæmur sjálfum
sér. Fólk tekur bullandi mark á
honum og hann á það alveg skilið en
mér fannst hann ekki koma fram af
heilindum síðast.”
oskar@frettabladid.is
SAMANTEKIN RÁÐ Einar Bárðarson segir samdómara sína í X-faktor, þau Pál Óskar
og Ellý, hafa lagst á eitt um að láta einn af hans keppendum fara heim og sakar þau
um óheilindi. SIRKUSMYND/VILHELM
SENDUR HEIM Einar Bárðarson segir
það með ólíkindum að annars eins
látúnsbarki og Siggi hafi verið sendur
heim.
SIRKUSMYND/SIGURJÓN RAGNAR
„ELLÝ VAR ÚT ÚR KÚ“
EINAR BÁRÐARSON SAKAR SAMDÓMARA SÍNA Í X-FAKTOR UM ÓHEILINDI
„PALLI ER BARA MEÐ
KYNFERÐISLEGA
ÁREITNI OG ÖLLUM
FINNST ÞAÐ VOÐA-
LEGA SÆTT.“
REYKJAVIK STORE
LAUGAVEGI 86-94, S: 511-2007
NÝJAR OG SPENNANDI
VÖRUR FYRIR JÓLIN.
ÚTSALAN ER HAFIN
30-50% AFSLÁTTUR
Lokadagur útsölu er á morgun
27.01.07 50%-70% afsláttur