Fréttablaðið - 01.03.2007, Qupperneq 18

fréttir og fróðleikur
Verslunarmenn hafa verið í
óða önn síðustu daga að búa
sig undir lækkunina á virð-
isaukaskatti sem tekur gildi
í dag. Fyrir utan breytingar
í tölvukerfi þarf að breyta
verðmerkingu á hillum.
Talið er að breytingarnar
geti lækkað matarverð um
átta prósent.
Stór breyting á sér stað í matar-
verði Íslendinga í dag þegar virð-
isaukaskattur á matvörum og sæt-
indum lækkar úr 24,5 eða 14
prósentum í sjö prósent, vörugjald
verður fellt niður og opnað verður
á möguleika á allt að fjörutíu pró-
senta lækkun tolla á innfluttu,
hráu kjöti.
Breytingarnar hafa þegar
komið til framkvæmda að hluta
til. Þannig hafa matvöruverslanir
á borð við Bónus og Krónuna
þegar lækkað virðisaukaskattinn
og í dag lækkar verðið enn frekar
þegar vörugjöldin verða afnumin.
„Virðisaukaskattslækkanirnar
eru þegar komnar til fram-
kvæmda,“ segir Gísli Sigurbergs-
son, einn af kaupmönnunum í
Fjarðarkaupum, en starfsmenn
þar voru á lokaspretti við að
breyta hillumerkingum í gær.
„Þetta er mikið af verðbreyting-
um, vel yfir tíu þúsund vörur sem
við höfum þurft að breyta.“
Starfsmenn Fjarðarkaupa byrj-
uðu að undirbúa verðbreytinguna
á sunnudaginn var og hafa breytt
verðinu hægt og rólega, bæði í
tölvunni og á hillu. „Þetta er gríð-
arlega skemmtilegt verkefni,“
segir Gísli. „Það er ánægjulegt að
lækka verð og gera svona breyt-
ingu sem gæti aukið kaupmáttinn
þannig að fólk fái meira fyrir
minna.“
Virðisaukaskattur á kjöti lækkar í
dag en ekki er enn ljóst hvaða
áhrif tollalækkunin mun hafa til
lækkunar, bæði á innfluttu kjöti
og sömuleiðis í samkeppninni.
„Það er eins og enginn viti hvaða
áhrif tollalækkunin hafi á lækkun
verðs en það hlýtur að koma í
ljós,“ segir hann.
Matthías Guðmundsson, for-
maður Félags kjúklingaframleið-
enda, bendir á að kvótinn fyrir
kjúklingabringur aukist úr 50
tonnum í 200 tonn og segir að það
hljóti að hafa einhver áhrif á
greinina en þó ekki stór. „Við reyn-
um að bregðast við því, það er ekki
mikið annað hægt að gera,“ segir
hann.
Guðmundur Marteinsson,
framkvæmdastjóri Bónuss, óttast
að tollalækkunin skili ekki miklu.
Magnaukning á kjötinnflutningi
tryggi stöðugt framboð á kjöti,
sérstaklega kjúklingi en ekki verði
um „stórkostlegar verðlækkanir“
að ræða. „Þó að fjörutíu prósenta
tollalækkun líti vel út þá er þetta
afsláttur af svo hárri tölu að það
vegur ekki nægilega þungt,“ segir
hann.
Ekki er víst að allar vörugjalds-
breytingar skili sér strax í lægra
vöruverði eða þar til vörur með
vörugjaldi hafa klárast í verslun-
um. Margir kaupmenn hafa reynt
að lækka lagerstöðuna í slíkum
vörum þannig að þeir geti sem
fyrst, jafnvel strax, boðið upp á
verð án vörugjalds. Í sumum til-
vikum hafa birgjar líka lýst yfir
að þeir taki vörugjaldsbreyting-
una á sig og munu þeirra vörur því
lækka í dag.
Guðmundur segir að verð vegna
niðurfellingar vörugjalda byrji að
lækka í dag. „Það tekur nokkra
daga að klára birgðir,“ segir hann
og nefnir sem dæmi um lækkun-
ina að gos og ávaxtasafar hafi
borið átta króna vörugjald á hvern
lítra. Sú lækkun komi til viðbótar
við virðisaukaskattslækkunina.
Ólafur Friðriksson, deildar-
stjóri í landbúnaðarráðuneytinu,
segir að verið sé að undirbúa
reglugerð vegna afnáms tolla og
tollkvóta, auglýsingu og úthlutun
kvótanna. Það taki örfáar vikur en
stefnt sé að því að klára það mál
fyrir 20. mars. Í mars eigi að vera
búið að úthluta. Hann segir það í
höndum verslunarinnar hverju
þetta muni skila til neytenda.
Gaman að lækka matarverð
1
2
3
4
5
6
7
8
9
10
11
12
1
2
3
456
7
8
9
11
1210
Víðari en
Wikipedia
Vantaði nærri 400 milljónir
FYRSTUR MEÐ
FRÉTTIRNAR
www.visir.is