Fréttablaðið - 01.03.2007, Blaðsíða 41

Guðfinnur Guðjón Sigurvins-
son, fréttamaður á Ríkissjón-
varpinu, heldur mikið upp á
útvarp sem honum var gefið
fyrir nokkrum árum og gamlan
stól sem amma hans átti og
hann ætlar sér að gera upp
einhvern daginn.
Guðfinnur fékk útvarpið sem er í
uppáhaldi hjá honum í jólagjöf frá
foreldrum sínum. „Þetta er svona
Tivoli-útvarp og mér finnst það
alveg ómissandi í eldhúsið,“ segir
hann og bætir við að honum finnist
útvarpið bæði fallegt og góður
hljómur í því. „Það hefur þennan
hljóm sem var í gömlu viðar-
útvörpunum. Þegar ég hlusta á það
endurupplifi ég svolítið stemning-
una sem var í eldhúsinu hjá ömmu
og afa í gamla daga þegar var verið
að hlusta á hádegisfréttirnar.“
Annað sem er í dálitlu uppáhaldi
hjá Guðfinni er lampi sem hann
keypti í Epal. „Lampinn heitir
Kartell og er svona glær og ofboðs-
lega fallegur. Ég féll alveg fyrir
honum strax og ég sá hann. Lamp-
inn er til í svörtu og rauðu líka en
ég vildi hafa hann glæran því að
mér fannst lýsingin af honum lang-
flottust þannig. Ég er með hann á
skenk sem sjónvarpið er á og hann
lýsir voða skemmtilega og það er
alltaf gaman að hafa kveikt á
honum.“
Guðfinnur á sér líka sérstakt
uppáhaldshorn heima hjá sér þar
sem hann les blöðin. „Í þessu horni
er ég með blaðakörfu sem ég fékk í
jólagjöf sem ég held að sé úr Tekk-
húsinu og svona Barcelona-stól
sem ég keypti í Heima en ég er
alveg einlægur aðdáandi þeirrar
hönnunar.“
Þó að Guðfinnur sé aðallega
með nýja hluti á heimilinu hjá sér
núna segist hann líka vera mjög
hrifinn af gömlum hlutum. „Ég var
að byrja í sambúð um áramótin
þannig að ég tók eiginlega bara
nýjustu hlutina með mér og margir
af þeim hlutum sem mér þykir
hvað vænst um sögunnar vegna
eru í búslóðargeymslu. Í geymsl-
unni á ég til dæmis gamlan stól
sem var símastóllinn hennar ömmu
minnar og ég ætla einn góðan veð-
urdag að taka í gegn og bólstra upp
á nýtt. Þar er líka svona grænn
gamaldags vasi sem hún átti. Ég
veit að einhvern tímann kemur að
því að ég verð með þessa hluti
heima hjá mér aftur,“ segir hann.
Eins og í eldhúsinu hjá
ömmu og afa
FYRSTUR
MEÐ
FRÉTTIRNAR
www.visir.is