Fréttablaðið - 01.03.2007, Qupperneq 82

Hefð er fyrir því að
Bandaríkjaforseti taki á móti
meisturunum í vinsælustu íþrótta-
greinunum í Bandaríkjunum. Á
þriðjudag tók George W. Bush á
móti NBA-meisturum Miami Heat
og var það skemmtileg uppá-
koma.
Allt gekk vel þar til stillt var
upp í hópmyndatöku. Þá ætlaði
Bush að láta boltann skoppa en
ekki vildi betur til en svo að bolt-
inn nánast féll eins og grjót í gólf-
ið þannig að Bush gat ekki gripið
hann aftur. Uppskar atvikið mikil
hlátrasköll viðstaddra og ljóst að
Bush á ekki framtíð fyrir sér í
körfuboltanum.
Bush hrósaði liðinu mikið í
ræðu sinni og lagði áherslu á að
það hefði verið liðsheildin sem
hefði fært Heat sigurinn. Engu að
síður var nokkuð um stjörnumeð-
ferð hjá forsetanum því þeir Dwy-
ane Wade, Shaq O´Neal og Pat
Riley gengu ekki inn með liðinu
heldur voru sérstaklega kallaðir á
svæðið.
Það vakti ekki síður kátínu við-
staddra þegar hinn tröllvaxni
O´Neal afhenti Bush áritaðan
körfubolta og þurfti nánast að
beygja sig niður til að rétta honum
boltann.
Bush gat ekki látið boltann skoppa
Bardagi ársins fer fram í Las
Vegas 5. maí næstkomandi þegar
stórstjörnurnar Oscar de la Hoya
og Floyd Mayweather yngri mæt-
ast. Margt er áhugavert við þenn-
an bardaga og ekki síst sú stað-
reynd að þjálfari De la Hoya til
fjölda ára er faðir Floyds May-
weather.
Mayweather eldri hafði ekki
talað við son sinn í mörg ár en
hann var í fangelsi vegna lyfja-
mála er sonurinn vann gullverð-
laun á ólympíuleikunum árið 1996.
Upp úr sambandi þeirra slitnaði í
kjölfarið og úr varð að Mayweath-
er eldri fór að þjálfa De la Hoya
en hann þjálfaði son sinn á yngri
árum.
Samstarf Mayweathers eldri
og de la Hoya hefur verið með
miklum ágætum enda hefur de la
Hoya verið á meðal fremstu box-
ara heims undanfarin áratug.
Mayweather fór síðan fram á að fá
tvær milljónir dollara fyrir að
þjálfa de la Hoya gegn syni sínum
en það fannst boxaranum einfald-
lega of mikið og því skipti hann
um þjálfara. Kallinn dó ekki ráða-
laus og hefur nú sæst við son sinn
og mun vera í horninu hjá honum
gegn de la Hoya. Oscar hefur aftur
á móti ráðið hinn virta Freddie
Roach sem þjálfara fyrir bardag-
ann.
Mayweather eldri yfirgaf De
la Hoya og fór til sonarins
Hin 22 ára gamla
NBA-stjarna LeBron James lætur
til sín taka utan vallar sem innan
en hann hefur nú tilkynnt að
unnusta sín eigi von á öðru barni
þeirra í sumar.
„Ég held að hún sé bókuð 17.
júní, ekki spyrja pabbann, spyrjið
mömmuna,“ sagði James kjána-
legur en fyrir eiga skötuhjúin
tveggja ára son sem er nefndur í
höfuðið á föður sínum. James
ætlar þó ekki að fara sömu leið og
hnefaleikakappinn George
Foreman sem nefndi alla fimm
syni sína í höfuðið á sjálfum sér.
„Það gerist aldrei. Það verður
enginn LeBron II, Le Bron III og
LeBron IV, þið megið bóka það,“
sagði James hlæjandi.
Raðar niður
börnum
Enska knattspyrnufélag-
ið Manchester City tapaði rúmum
sjö milljónum punda á sex
mánaða tímabili fram að nóvem-
ber í fyrra. Það gera rúmar 900
milljónir íslenskra króna.
Þetta er nokkuð áfall fyrir
félagið enda var hagnaður þess á
sama tíma árið á undan tæpar 17
milljónir punda. Inni í þeirri tölu
var reyndar salan á Shaun
Wright-Phillips til Chelsea upp á
21 milljón punda.
Mikið tap
Hollenski vængmaðurinn
Arjen Robben er orðinn þreyttur
á því að sitja á bekknum hjá
Chelsea og fer ekki leynt með þá
skoðun sína lengur. Kornið sem
fyllti mælinn
var bekkjar-
setan í
úrslitaleik
deildarbikars-
ins gegn
Arsenal.
Hollensk
sjónvarpsstöð,
sem tók viðtal
við hann eftir
leikinn, sagði
frá því að fólk
í Hollandi
væri ósátt við
að horfa á hann
á bekknum.
„Það fólk er ekki nærri eins
reitt og ég. Ég var ánægður með
stoðsendinguna í leiknum þar
sem ég minnti á mig,“ sagði
Robben, sem hefur komið níu
sinnum af bekknum í vetur. „Það
er samt kominn tími á að ég byrji
inn á.“
Robben reiður