Fréttablaðið - 01.03.2007, Page 35

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
- kvef
- ofnæmi
- eyrnabólga
- ennis og
kinnholusýking
Fæst í apótekum
Ég nota Sterimar, það hjálpar
Eidís Anna Björnsdóttir lét vaða og keypti sér tíu dala
peysu á flóamarkaði í New York.
„Ég bjó og starfaði í New York fyrir nokkrum árum og hafði
þá óskaplega gaman af því að gramsa á flóamörkuðum.
Þegar ég fann þessa peysu á einum slíkum langaði mig
strax í hana, en samt tímdi ég ekki alveg að kaupa hana af
því hún kostaði heila tíu dollara. Ég hafði verið svo dugleg
að kaupa mér föt að ég var eitthvað hikandi við þetta en svo
gat ég ekki haldið aftur af mér lengur og lét vaða. Keypti
peysuna og hef notað hana mjög mikið síðan,“ segir Eidís og
tekur það fram að nælan í peysunni sé prjónuð af Unni
móðursystur hennar. „Unnur móðursystir mín er alveg
ótrúlega góð í höndunum. Hún hefur í gegnum tíðina prjón-
að allt milli himins og jarðar fyrir mig, allt frá Barbífötum
yfir í skartgripi og er mikil uppáhaldsfrænka,“ segir Eidís
og af röddinni að dæma er hún stolt af þessari frænku
sinni.
Eidís Anna var með þeim fyrstu sem útskrifuðust úr
fatahönnunardeild Listaháskóla Íslands árið 2003. Síðan þá
hefur hún starfað við búningagerð og fleira sem tengist
fatahönnun en í október síðastliðnum söðlaði hún um er hún
hóf störf hjá Habitat þar sem hún sinnir hlutverki inn-
kaupastjóra. Hún segist sátt við nýja starfið, enda fær
fagurkerinn að njóta sín innan um fíneríið frá Habitat.
„Þetta er stöðug vinna, ég fæ tækifæri til að ferðast og er
innan um fallega hluti allan daginn þannig að þetta hentar
mér ákaflega vel,“ segir Eidís að lokum.
Tíu dala
silfurpeysa