Fréttablaðið - 17.03.2007, Síða 48

17. MARS 2007 LAUGARDAGUR6 fréttablaðið fermingar
Fermingar eru ungdómsvígslur
og sem slíkar líklegast jafngamlar
mannlegu samfélagi.
Í byrjun var fermingin ekki
aðgreind frá skírn. Það gerðist
ekki fyrr en á 12. öld, þegar hún
varð gerð að sérstöku sakram-
enti.
Siðbótarmenn á 16. öld sáu hins
vegar ástæðu til að afnema ferm-
inguna sem sakramenti þegar þeir
endurskipulögðu kirkjuna. Ástæð-
an var sú að þeim þótti hún skyggja
á skírnina.
Á móti fóru siðbótarmenn að
tengja uppfræðslu í kristinni trú
við undirbúning undir fermingar-
athöfn og meðtöku heilags kvöld-
máltíðarsakraments við guðsþjón-
ustu.
Segja má að fræðslan hafi í
tímans rás orðið órjúfanlegur
hluti af undirbúningi fyrir ferm-
ingar innan kirkjunnar. Ferming-
arfræðsla kirkjunnar miðar nú að
því að undirbúa unglinga fyrir
inngöngu í heim hinna fullorðnu
með kristna lífsskoðun að leiðar-
ljósi.
(Heimild: visindavefur.is)
Upphaf ferminga
Siðbótarmenn fóru að tengja upp-
fræðslu í kristinni trú við undirbúning
fyrir fermingar.
Eitt þeirra barna sem fermist í
Bjarnarneskirkju í Hornafirði á
pálmasunnudag er Sigurður
Ragnarsson í Akurnesi. Hann brá
sér í bæinn um síðustu helgi til að
festa kaup á skóm fyrir ferming-
una en jakkaföt var hann búinn
að kaupa í versluninni Lóninu á
Höfn. Fréttablaðið rakst á hann í
Kringlunni ásamt Önnu Lilju
systur sinni, búinn að finna skó í
Skór.is sem honum leist vel á „Ég
hugsa líka að Björg frænka okkar
verði ánægð, þeir eru svo fínir,“
segir Anna Lilja. „Henni fannst
að ég hefði átt að velja mér lakk-
skó þegar ég fermdist.“
Þegar farið er að spjalla við
Sigurð kemur í ljós að það var
fleira en fermingarskórnir sem
drógu hann til borgarinnar því
íþróttavörubúðirnar heilla. „Fót-
boltinn er aðaláhugamálið mitt
og ég hef verið að skoða bæði
takkaskó og markmannshanska,“
segir hann brosandi. Hann kveðst
hafa æft fótbolta í sjö ár og skipa
nú stöðu markmanns í fjórða
flokki hjá Sindra sem er farinn
að spila 11 manna bolta á stórum
völlum. Áhuginn liggur víðar því
drengurinn hefur líka gaman af
búskap. „Ég fer yfirleitt í fjár-
húsin á hverjum degi ef ég fer
ekki út á Höfn á æfingar,“ segir
hann.
Sigurður er yngstur níu syst-
kina. Hann á von á mörgum gest-
um í fermingarveisluna sem
haldin verður heima. „Það koma
líklega milli 100 og 150 gestir,
þannig hefur það alltaf verið,“
segir hann og kveðst muna eftir
fermingum tveggja bræðra sinna
sem eru næstir honum í aldri.
Hann telur að haldið verði í þær
hefðir að bjóða upp á kaffihlað-
borð með heimabökuðum kökum
og aðspurður segir hann skyr-
tertu með perum í mestu uppá-
haldi hjá honum.
Þar sem pálmasunnudag í ár
ber upp á 1. apríl er Sigurður
spurður í gamni hvort þetta verði
nokkuð platferming. Þá hlær
hann og svarar: „Nei, ég vona
ekki og held það séu engar líkur á
því.“ Hann kveðst hafa gengið
reglulega til prestsins í vetur þar
sem farið var yfir kafla úr bók-
inni Líf með Jesú. Einnig er hann
langt kominn með að læra sálm-
ana sem honum voru settir fyrir
en messuskyldan er aðeins að
þvælast fyrir. „Við eigum að fara
í tíu messur yfir veturinn og ég
náði fimm fyrir áramót en hef
verið aðeins latari upp á síðkast-
ið,“ segir hann en kveðst samt
ágætlega trúaður.
gun@frettabladid.is
Ekkert plat þótt fermingin sé 1. apr-
Sigurður Ragnarsson fann fína ferming-
arskó í Kringlunni.
FRÉTTABLAÐIÐ/HRÖNN
TIME YOUR OWN CHALLENGE
Candino svissnesk gæðaúr!
Fást í miklu úrvali í úra & skartgripaverslunum.
Verð frá kr. 8.500 - 25.200,-