Fréttablaðið - 17.03.2007, Qupperneq 64

17. MARS 2007 LAUGARDAGUR22 fréttablaðið fermingar
Viktor Smári Sigurjónsson er
13 ára strákur í Vík í Mýrdal og
mun hann fermast 22. apríl
næstkomandi. Hann er nem-
andi í Grunnskóla Mýrdals-
hrepps og í bekknum hans eru
einungis átta krakkar. Þau ætla
öll að fermast en deilast þó
niður á tvær kirkjur í sókninni.
Viktor Smári fermist í Víkur-
kirkju og presturinn sem ferm-
ir er séra Haraldur M. Kristj-
ánsson.
„Við erum bara þrír sem
fermumst hér í Víkurkirkju,
hinir krakkarnir fermast í sveit-
inni. Ég er að fermast til að
staðfesta skírnina og til að ját-
ast kristinni trú. Þetta er sér-
stök helgiathöfn,“ segir Viktor
Smári en viðurkennir að auðvit-
að skipti gjafirnar máli en vill
þó meina að þær séu ekki jafn-
mikilvægar og fermingin sjálf.
Hann er þó engu að síður mjög
spenntur fyrir gjöfunum og
hefur myndað sér skoðun á því
hvað hann langar mest í.
„Mig langar til dæmis í nýjan
rafmagnsgítar, fartölvu og iPod
nano. Svo langar mig líka í ferða
DVD-spilara og kannski ein-
hverjar bækur og svona.“
Viktor Smári vill að veislan
sín sé táknræn og skemmtileg.
Hann ætlar að skreyta með
blómum, borðum og kertum en
þó mun mamma hans eflaust
hafa yfirumsjón með því. Hann
vill þó ekki hafa of mikið skraut
heldur hafa þetta frekar stíl-
hreint.
„Veislan verður haldin í Eyr-
arlandi sem er félagsheimili í
Reynishverfi þar sem amma og
afi búa en amma verður einmitt
75 ára sama dag og ég fermist.
Það verður matarhlaðborð og
kökur og kaffi á eftir. Mamma
stjórnar því líka.“ - hs
Ferming í Víkurkirkju
Viktor vill að veislan verði táknræn og skemmtileg.
„Það hefur aukist töluvert undanfarin ár að fólk komi
hingað og fái okkur til að pakka inn gjöfum. Það sæk-
ist eftir því að hafa fallegan pappír, fínni borða og
falleg blóm. Þetta er farið að verða hluti af gjöfinni
og ákveðin upphæð er höfð í huga varðandi pakkn-
ingar,“ segir Hilda Allansdóttir, blómaskreytir hjá
Blómavali, og tekur um leið fram að verð fyrir inn-
pökkun sé mjög breytilegt.
„Lágmarksverð fyrir innpökkun er um fimm
hundruð krónur, og þá notum við kannski bara selló-
fan og krullubönd, en þetta getur líka farið upp í sex
eða sjö þúsund krónur. Munurinn er að annars vegar
er verið að nota pappír og slaufur en hins vegar er
hægt að velja að pakkinn sé skreyttur með blómum
og borðum og þá er verðið vissulega orðið hærra. Það
veltur svo líka á því hvernig blóm eru notuð en þau
eru flest á mjög misjöfnu verði. Stundum er gjöfin
orðin hluti af blómaskreytingu svo vart má milli
greina hvað er gjöf og hvað er skreyting. Þetta á oft
vel við þegar um er að ræða gjafir sem ekki taka
mikið pláss. Til dæmis skartgripi, gjafabréf og annað
í þeim dúr,“ segir Hilda að lokum. - mhg
Umbúðirnar ekki síður
mikilvægar en innihaldið
Stór og myndarleg-
ur pakki sem minnir
svolítið á árstíðina
sem er í nánd, nefni-
lega blessað vorið.
Kostar um 3.000
krónur tilbúin.
Asíusóley er innflutt blóm sem hentar
vel í brúðarvendi, blómaskreytingar og
á pakka enda er hún létt og smágerð.
Bleikur, sætur,
lítill og krúttlegur pakki
sem kostar um 1.200
krónur.
Fallegur meðalstór
pakki, skreyttur
með asíusól-
ey, greinum og
borðum. Kostar
um 1.800 krónur
frágenginn.
gamanmyndir@gamanmyndir.is - S: 565 9265 / 865 6090
Ertu að fara ferma og átt eftir að panta í myndatöku ?
WWW.GAMANMYNDIR.IS
Ferming - útskrift - meðganga - smábörn - pæjur - peyjar - ungir og aldnir.
En auðvitað þarf ekki alltaf að vera tilefni til að eiga skemmtilegar myndir af sér og sínum.